Fréttablaðið - 27.07.2005, Qupperneq 55

Í Kastljóssþætti í síðustu viku
fórst þú, Bogi Ágústsson,
nokkrum orðum um það hvernig
Norðurljósin sálugu, nú 365, lögðu
til atlögu við útvarpsstöðina Rad-
íó Reykjavík, atlögu sem að lokum
kom þessari annars ágætu stöð á
hausinn. Þetta er hverju orði
sannara, en hafa skal nú samt það
sem sannara er. Forsaga þessa
máls er sú, að þegar Radíó
Reykjavík hafði verið í loftinu í
rúmt ár, fengu þáverandi forráða-
menn Norðurljósanna upp í hend-
urnar skoðanakönnun frá Gallup
sem sýndi svo ekki var um villst,
að litla útvarpsstöðin Radíó
Reykjavík var komin með nálægt
því sömu hlustun og Bylgjan. Þá-
verandi forstjóri Norðurljósanna
tilkynnti starfsfólki sínu að þessa
stöð skyldi drepa. Norðurljósin
stofnuðu útvarpsstöð sem þeir
kölluðu X-ið, og var hún algjör
kópering af Radíó Reykjavík,
enda sett henni til höfuðs. Því
næst hófu Norðurljósamenn að
bjóða sölufólki Radíó Reykjavík
gull og græna skóga, flyttu menn
sig um set upp á Lyngháls 5.
En kæri Bogi. Fyrirtæki lifa
ekki sjálfstæðu lífi. Það eru þeir
sem þeim stjórna sem ákveða
stefnuna. Við hlið þér í Kastljóss-
þættinum um daginn sat Karl
Garðarsson, sem væntanlega á nú
að vera boðberi frjálsræðisins við
hliðina á risanum 365, enda rit-
stjóri blaðs sem kynnir sig sem
frjálst og óháð. Stjórnarformaður
þessa frjálsa blaðs er Sigurður G.
Guðjónsson, sem í forstjóratíð
sinni á Norðurljósunum hrópaði á
starfsmenn sína: „Við drepum þá,
við drepum þá“, maðurinn sem
kom Radíó Reykjavík loksins á
hausinn.
Þeir starfsmenn Norður-
ljósanna sem sögðu mér þessa
sögu, sögðu að tapið af X-inu hafi
numið milljónum á mánuði. Þeir
sögðu mér ennfremur að þetta
hafi verið gæluverkefni Sigurðar
G. sem hafi átt sér þann draum
æðstan að koma RR á hausinn og
það sem fyrst.
Sömu starfsmenn sögðu mér
skömmu eftir að Gunnar Smári
Egilsson tók við, að það væri ör-
uggt að X-inu yrði lokað fljótlega,
því þar á bæ væru menn ekki að
elta ólar við svona vitleysu eins og
það var orðað, heldur ætti hver
eining að standa undir sér. Enda
fór svo, að nokkru síðar var X-inu
lokað.
Þetta mál er mér skylt vegna
þess að ég rak Radíó Reykjavík
um nokkurra mánaða skeið á síð-
asta ári. Það er líka deginum ljós-
ara að þessi stöð væri starfandi
enn þann dag í dag ef Sigurður G.
Guðjónsson hefði ekki gert allt
sem í hans valdi stóð til þess að
koma henni á hausinn.
Því segi ég Bogi minn kæri,
hafa skal það sem sannara er. Það
voru ekki Norðurljósin eða 365
sem reyndu að koma Radíó
Reykjavík á hausinn, það var
fyrrum framkvæmdastjóri fé-
lagsins Sigurður G. Guðjónsson,
stjórnarformaður Blaðsins, sem
gerði það. ■
MIÐVIKUDAGUR 27. júlí 2005
Hver ey›ilag›i Radíó Reykjavík?
fia› voru ekki Nor›urljósin
e›a 365 sem reyndu a› koma
Radíó Reykjavík á hausinn,
fla› var fyrrum framkvæmda-
stjóri félagsins Sigur›ur G.
Gu›jónsson, stjórnarforma›ur
Bla›sins, sem ger›i fla›.
ALFREÐ ALFREÐSSON SKRIFAR
BOGA ÁGÚSTSSYNI OPIÐ BRÉF
RADÍÓ REYKJAVÍK Það var Sigurður G. Guðjónsson sem eyðilagði Radíó Reykjavík, segir
greinarhöfundur.