Fréttablaðið - 27.07.2005, Page 61

MIÐVIKUDAGUR 27. júlí 2005 25
Liverpool lenti undir
en vann örugglega
FH-banarnir í Neftchi töpu›u 5–0 fyrir Anderlecht.
FÓTBOLTI Evrópumeistarar Liver-
pool eru í góðum málum í 2. um-
ferð forkeppni meistaradeildar
Evrópu eftir 1-3 sigur á Kaunas í
fyrri leik liðanna sem fram fór í
Litháen í gær. Liverpool ætti því
að eiga þægilegan leik eftir á An-
field í næstu viku og sætið í 3. um-
ferðinni ætti að vera tryggt.
Djibril Cisse jafnaði leikinn
fljótlega fyrir Liverpool eftir að
Giedrius Barevicius hafði komið
heimamönnum yfir á 21. mínútu
og Jamie Carragher skoraði síðan
sitt fyrsta mark í sex ár fyrir fé-
lagið þegar hann skallaði inn
hornspyrnu Steven Gerrard.
Það var síðan fyrirliðinn
sjálfur, Steven Gerrard, sem skor-
aði úr vítaspyrnu eftir að hann
var felldur í teignum. Þetta var
sjötta mark Gerrard í þremur
Evrópuleikjum á tímabilinu. Pet-
er Crouch lék sinn fyrsta alvöru-
leik fyrir Liverpool og lagði meðal
annars upp markið fyrir Cisse
sem fékk nokkur góð tækifæri til
þess að skora fleiri mörk í
leiknum en án árangurs.
FH-banarnir í Neftchi frá
Aserbaídsjan steinlágu 5-0 fyrir
belgísku meisturunum í Ander-
lecht en Neftchi vann báða leikina
gegn Íslandsmeisturum FH.
Belgarnir voru komnir 4-0 yfir
strax í fyrri hálfleik og ættu að
vera öryggir áfram.
Árni Gautur Arason og félagar
hans í Valerenga unnu 1–0 sigur á
finnska liðinu Haka V’koski í
Osló. Sigurmarkið kom úr víta-
spyrnu á 53. mínútu leiksins. Árni
Gautur var í markinu allan
tímann og hélt hreinu. -óój
FYRSTA MARKIÐ Í 6 ÁR Jamie Carragher fagnaði vel markinu sem hann skoraði fyrir Liver-
pool í Litháen í gær enda hafði hann ekki skoraði fyrir félagið í sex ár. GETTYIMAGES