Fréttablaðið - 29.07.2005, Qupperneq 29

3FÖSTUDAGUR 29. júlí 2005
Fyrir mörgum kalla ferðalög út á
landsbyggðina sjálfkrafa á að
allur besti ásetningur og reglu-
gerðir varðandi mataræði fjúki út
um bílgluggann áður en komið er
upp fyrir Elliðaár. En það þarf þó
alls ekki að vera þannig og í raun-
inni er með smá skipulagningu og
aga hægt að halda sig við hollust-
una án þess þó að fara í einhverja
meinlætaútilegu. Venjulega lætur
naslþörfin fyrst á sér kræla strax
í bílnum. Þá er ráð að hafa með
sér ávexti og hrátt grænmeti,
sneiða það niður í litla bita, setja í
box og narta í það á leiðinni.
En það er líka allt í lagi að
grípa með sér tilbúna hollustu í
poka sem fæst í stærri verslunum
við þjóðveginn. Þar má fá mun
hollara nasl en hið hefðbundna,
kartöfluflögur og súkkulaði, eins
og til dæmis allskonar hnetur,
þurrkaða ávexti og fræ. Til að
viðhalda hollustunni er líka ráð að
borða ekki á bensínstöðvum eða
þjónustumiðstöðvum heldur gera
frekar skemmtun úr því að borða
nestið sitt úti undir berum himni,
sitja á teppi og snæða hollar sam-
lokur og speltkökur með ávaxta-
safa eða kaffi af brúsa á einhverj-
um fallegum áningarstað ekki
fjarri þjóðveginum, til dæmis við
fallegan foss eða í litlu gili. Í
heilsubúðunum er hægt að fá alls
kyns girnilega hollustu sem
hentar vel í ferðalagið, bæði holl-
ustubrauð, kex og hrökkbrauð og
svo ýmis heilsustykki sem eru
einstaklega ljúffeng. Þá eru ótald-
ar alls konar kæfur og álegg svo
það ætti ekki að vera mikið mál
að halda hollustuveislu við veg-
kantinn, að maður tali nú ekki um
þegar á áfangastað er komið. ■
Ítölsku Mastino-víninn frá Veneto eru búin að vera í
sumar á sérstöku tilboði í reynslubúðum ÁTVR sem
svo eru nefndar, Vínbúðunum Heiðrúnu og Kringlunni.
Mastino kemur frá héraðinu Valpolicella og nefnist
svæðið þar sem vínið er ræktað Classico. Víngerðin er
í eigu hinnar frægu víngerðarfjölskyldu Tommasi.
Mastino dregur nafn sitt af Mastino Della Scala, einna
hinna goðsagnakenndu fornu höfðingja Veróna. Aðal-
þrúgurnar í vínunum eru corvina, rondinella og
molinera. Víninn verða til 31. ágúst áfram á þessu sér-
staka kynningarverði og eru vínáhugamenn hvattir til
þess að bera saman verð og gæði þessara vína við önn-
ur sambærileg ítölsk vín. Verðlækkunin nemur allt frá
200-500 krónum og verður að segjast að leitun er að
jafn hagstæðu Amarone-víni í árgangi 2000 svo dæmi
sé tekið.
Mastino Valpolicella: Lækkar úr 1.290 kr. í 990 kr.
Mastino Ripasso: Lækkar úr 1.490 kr. í 1.290 kr.
Mastino Amarone: Lækkar úr 2.990 í 2.490 kr.
MASTINO: Ítölsk vín á tilboði
Íslenskir kaffisælkerar
geta nú keypt kaffibaun-
ir frá Galapagoseyjum.
Eyjarnar eru ekki þekkt-
ar fyrir kaffið sem þar er
framleitt heldur mikla
náttúrufegurð og fjöl-
skrúðugt og framandi
dýralíf. Á Galapagoseyj-
um eru þó úrvalsað-
stæður fyrir kaffirækt en
kaffið þar er framleitt í
miklum gæðum þrátt
fyrir að ræktunin sé ekki
stunduð af miklum
móð.
Baunirnar fá Galapagos-
eyjum eru fáanlegar í verslunum Te og kaffi
og eru sérstaklega stórar og fallegar. Kaff-
ið er í frábæru jafnvægi, með fyllingu,
sérlega góðu eftirbragði og er á til-
boði það sem eftir er mánaðarins.
Fyrir þá sem halda uppi á slíkt má
nefna að kaffið telst til lífrænna af-
urða enda er með öllu bannað að
nota kemísk efni á eyjunni.
Kaffi frá Galapagoseyjum
TE OG KAFFI BÝÐUR UPP Á KAFFIBAUNIR ÚR MIÐJU KYRRAHAFINU.
Frá Galapagoseyjum.
Hollusta við þjóðveginn
Margir missa tökin á mataræðinu þegar lagt er upp í ferðalag
en hollusta á þjóðveginum er ekki mikið mál.
Seljalandsfoss er einn skemmtilegasti nestisstaður á landinu og ekki leiðinlegt að tylla
sér þar með hollustubitann sinn.
Í Manni lifandi við Borgartún er hægt að
fá ýmislegt hollt til að narta í á ferðalag-
inu.
UPPSKRIFT JÓNS GUNNARS
Humarpasta
Góð ólífuolía
Nokkur hvítlauksrif
Sterkt chilli
Þurrt hvítvín
Svart blekpasta
Gróft sjávarsalt
Safi úr sítrónu
Góður humar
Fersk steinselja
Á pönnunni er eru tvö til þrjú hvít-
lauksrif og chilli steikt upp úr ólívu-
olíu. Þurru hvítvíni er síðan hellt yfir. Í
pottinum er blekpastað soðið „al
dente“ og saltað með grófu sjávar-
salti. Á grillið fer humarinn sem er
smurður með olíu, hvítlauk og sítrónu
áður en hann er grillaður í örskamma
stund. Pastað er sett í fat og stein-
seljan klippt yfir. Hvítvínssafanum er
síðan hellt yfir pastað og humarnum
raðað snyrtilega ofan á.
Hollráð
Hrátt fuglakjöt
Notið plastskurðarbretti þegar hrátt
fuglakjöt er skorið. Það er auðveldara
að hreinsa það en viðarskurðarbretti.
Skurðarbretti sem er ekki hreinsað
nógu vel getur borið með sér skaðlega
gerla sem geta spillt öðrum mat og
valdið matareitrun.