Fréttablaðið - 20.08.2005, Síða 27

ráðið konu í starf framkvæmda-
stjóra. Það er til marks um að eitt-
hvað sé að mannauðsstjórnuninni.
Ef fyrirtæki sér engan möguleika
á að ráða konu í stjórnun eða for-
ystuhlutverk, en auglýsir þó eða
leitar eftir fólki með tiltekna
menntun og hæfni, er með öðrum
orðum blint á helming þjóðarinn-
ar, þá er ljóst að fyrirtækin sem
slík og við sem samfélag erum að
verða af einhverju miklu. Samfé-
lagið fjárfestir í menntun því fyr-
irtækin geta ekki borið allan þann
mikla kostnað og ójafnræði kynja
er að þessu leyti eins og að kasta
peningum í sjóinn.“
Traustir menn
Kristrún segist og auglýsa eftir
opinskárri umræðu.
„Mikilvægasta framför okkar
atvinnulífs er aukin fjölbreytni, en
það er ekki til marks um fjöl-
breytni ef leiðtogar í atvinnulífi 21.
aldarinnar verður næsta einsleit
karlahjörð eins og hættumerki eru
um. Við eigum tölur um að mun
færri konur fái bankalán í fyrsta
viðtali en karlar. Þegar leitað er
skýringa á slíkum staðreyndum
kemur nafnorðið „traust“ æði oft
við sögu; „traustir ábyrgðarmenn“,
„traust markaðsrannsókn“, „traust
næmisgreining“ og svo auðvitað
einfaldlega „traustir menn“. Mat á
viðskiptahugmyndum eru ekki ná-
kvæm vísindi frekar en mat á
trausti yfirleitt. Og margt er þoku
hulið að þessu leyti hér á landi, þar
á meðal sannfærandi, viðskiptaleg-
ar skýringar á rýrum hlut kvenna.
Á meðan er óttinn sá að ákvarðan-
ir séu teknar á grundvelli fordóma,
að opnunin og frelsið í íslensku við-
skiptalífi sé þrátt fyrir allt talið
ekki orðinn veruleiki nema fyrir
afmarkaðan hóp.“
Karlar ekki fremri konum
Að sögn Kristrúnar byggjast hug-
myndir um eflingu nútíma samfé-
lags meðal annars á því að halda í
við tækniþróun heimsins, byggja
upp fleiri hátæknifyrirtæki og
þjónustu af ýmsu tagi sem veitt
geta eftirsótta vinnu.
„Forsenda þess er menntun, en
ætlum við þá að halda áfram að
mennta þúsundir kvenna en gera
ekkert í því að skilja og nema
brott þær hindranir sem þær
greinilega mæta í atvinnulífinu?“
spyr Kristrún og segist ekki sjá
íslenskar konur gera neitt rangt
til að verðskulda hin fáu tækifæri
sem bjóðast.
„Ég get ekki séð að konur sem
sækja sér menntun og gera allt til
að standa sig sem best á vinnu-
markaði, séu að gera neitt vit-
laust. Þær verða bara að þora að
tala út um þessa hluti. Og ég spyr:
Hvaða feður á Íslandi vilja að
dætur sínar hafi ekki sömu tæki-
færi og synirnir í atvinnulífi
framtíðarinnar? Á undanförnum
áratug hafa allir þurft að endur-
skoða skilning sinn á því hvernig
stunda beri viðskipti, menn hafa
lagt til hliðar gamlar hugmyndir
og tekið mót nýjum tímum. Nú
þarf á sama hátt hver að horfa í
eigin barm og velta fyrir sér
hvort fordómar lúri þar enn og
útiloki konur. Það er viðskiptalega
rétt að gera.“
Kristrún segir sjálfstraust
kvenna síst vera orsakavald í
framgangi þeirra í fremstu röð
viðskiptalífsins.
„Ég kannast ekki við að þær öfl-
ugu konur sem komist hafa til for-
ystu í atvinnulífinu séu þekktar af
því að klúðrað málum! Og við-
skiptaklúður ýmissa karla eru auð-
vitað alkunn án þess að allir kyn-
bræður þeirra hafi þar með verið
taldir óhæfir! Ef við spyrjum okk-
ur ekki spurninga um útilokun
kvenna munum við á endanum
sitja uppi með viðskiptalíf sem er
lokað, þróttlítið og lamað gagnvart
nýjum og spennandi hlutum. Það
er hættumerki að viðhalda slíkri
lokun, auk þess sem engum dettur
í hug að halda því fram að allir þeir
karlar sem sitja í stjórnum fyrir-
tækja séu svo hugdjarfir, útsjónar-
samir, klárir og snjallir að þeir
beri af öllum konum landsins. Það
skortir ekkert á dirfsku kvenna;
þær eru djarfar, duglegar og vel
menntaðar, en skortir augljóslega
aðgang að þessu nýja viðskiptaum-
hverfi. Þær hindranir þarf að út-
skýra lið fyrir lið.“ ■
LAUGARDAGUR 20. ágúst 2005 27
Tónleikar gítarsnillingsins Jimi Hendrix á
Woodstock árið 1969 verða gefnir út í heild sinni á
DVD-diski í næsta mánuði. Diskurinn nefnist Jimi
Hendrix: Live at Woodstock (The Deluxe Edition)
og hefur að geyma óklippta og endurhljóðblandaða
frammistöðu Hendrix, sem fyrir löngu er orðin
goðsagnakennd.
Hluti af tónleikum Hendrix á Woodstock var
gefinn út í kvikmynd um hátíðina árið 1970 en það
er fyrst nú sem þeir eru gefnir út í heild sinni.
Hljóðmaðurinn Eddie Kramer, sem starfaði með
Hendrix á árum áður, var fenginn til þess að
breyta upptökunni af Hendrix í 5.1 surround-
hljóm. Á disknum verður aukaefni með Wood-
stock-tónleikunum í heild sinni í svarthvítu. Einnig
verður sýnt frá blaðamannafundi með Hendrix og
viðtöl við Billy Cox og Larry Lee, sem störfuðu
með kappanum.
JIMI HENDRIX Gítarsnillingurinn sálugi vakti gríðarlega athygli
á Woodstock árið 1969.
Hendrix óklipptur á DVD