Fréttablaðið - 17.09.2005, Síða 64

48 17. september 2005 LAUGARDAGUR
Björgvin aftur á Broadway
Söngkabarettinn Sagan af Nínu og
Geira – Úr söngbók Björgvins Hall-
dórssonar, verður frumsýndur á
Broadway þann 12. nóvember.
Síðasta sýning Björgvins á
Broadway hét Þó líði ár og öld og
naut gífurlegra vinsælda á árunum
1994 til '96. Tilefni Sögunnar af
Nínu og Geira er 35 ára plötuferill
Björgvins og útkoma þrefaldrar
plötu með úrvali laga hans 31. októ-
ber. Þar verður einnig eitthvað um
nýjar hljóðritanir.
Höfundur kabarettsins er Gísli
Rúnar Jónsson og leikstjóri er
Hjálmar Hjálmarsson. Sýning þessi
er smásöngleikur með konsertívafi,
þar sem í öndvegi verða söngdansar
og ballöður sem Björgvin Halldórs-
son hefur gert frægar í gegnum tíð-
ina. Leikurinn er tvískiptur. Fyrst
er sögð saga Nínu og Geira, sem
margir þekkja úr samnefndu lagi,
en í síðan kemur Björgvin sjálfur til
skjalanna og flytur öll sín vinsæl-
ustu lög.
BJÖRGVIN HALLDÓRSSON Björgvin
ætlar að flytja öll sín bestu lög á sýn-
ingunni Sagan af Nínu og Geira.
Tvöföld tónleika-
plata frá Queen
Ný tónleikaplata með bresku
hljómsveitinni Queen og söngvar-
anum Paul Rodgers kemur út á
mánudag. Gripurinn nefnist Re-
turn of the Champions og er tvö-
faldur. Þar er að finna 27 lög sem
bæði Queen og Rodgers hafa gert
fræg í gegnum tíðina. Á meðal laga
frá Rodgers á plötunni eru Feel
Like Makin' Love, Wishing Well og
All Right Now og á meðal slagara
eftir Queen eru Bohemian
rhapsody, We Will Rock You, Radio
Ga Ga og I Want to Break Free.
Platan var tekin upp á tónleikum
í Sheffield Hallam Arena 9. maí.
Mörgum brá í brún fyrr á þessu ári
þegar þeir Brian May og Roger
Taylor úr Queen tilkynntu að þeir
ætluðu í tónleikaferð á nýjan leik
með Rodgers sem söngvara í stað
Freddies Mercury sem lést úr al-
næmi 1991, 45 ára gamall. Margir
efuðust um að nokkur maður gæti
fetað í fótspor Mercurys en svo
virðist sem Rodgers hafi náð að
sannfæra ansi marga um veru sína í
sveitinni með frammistöðu sinni, þó
svo að enginn fari auðvitað í spor
hins magnaða Mercurys. Rodgers
er gamall refur úr tónlistarbransan-
um eftir að hafa sungið með sveit-
unum Free og Bad Company og ætti
því að kunna eitthvað fyrir sér.
Á plötunni er til að mynda nýtt
lag eftir Rodgers, Say It’s Not
True, sem hann samdi í tengslum
við alnæmisherferð Nelsons
Mandela, 46664. Eftir einn mánuð
er síðan væntanlegur DVD-diskur
með upptöku frá sömu tónleikum í
Sheffield.
Queen hefur verið á tónleika-
ferð um Evrópu undanfarið og
spilað 32 sinnum fyrir fullu húsi
áheyrenda. Viðbrögðin hafa verið
mjög góð og ekki að sjá að sveitin
hafi ekki farið í tónleikaferð í
tuttugu ár, eða síðan Mercury
veiktist.
Queen og Paul Rodgers eru nú
á leið í tónleikaferð til Bandaríkj-
anna og Japans. Undir lok þessa
árs mun Queen síðan minnast
þrjátíu ára afmælis Bohemian
rhapsody, sem fór fyrst á toppinn
í nóvember 1975, með því að gefa
út DVD-disk og endurhljóðbland-
aða útgáfu af plötunni vinsælu A
Night at the Opera.
PAUL RODGERS Paul Rodgers var í stuði á tónleikum með Queen í Hyde Park í London
fyrir framan 65 þúsund manns fyrr í sumar.