Fréttablaðið - 02.10.2005, Blaðsíða 18
„Já, skartgripunum hefur verið
tekið fagnandi og ritstjórar Hello,
InStyle, Vogue, Harper’s Baazar
og fleiri lífsstílstímarita verið
ósparir á umfjöllun og myndir af
skartinu sem bæði háir og lágir
hafa fengið sér í miklum mæli,“
segir Hendrikka, en vart má opna
helstu tískublöð heims án þess að
taka eftir nýjasta æðinu hjá stór-
stjörnum veraldar, nefnilega
ómótstæðilegum eðalsteinum
Hendrikku, umluktum silfri og
gulli, og nú demantsskreyttum
djásnum.
„Hugmyndin birtist mér þegar
ég uppgötvaði tómarúm í skart-
gripabúðum. Ég hef alltaf verið
glysgjörn og fundist fallegur
skartgripur við látlausan fatnað
segja mest og vera ákveðin yfir-
lýsing. Hins vegar vantaði í versl-
anir glamúrlega skartgripi sem
virtust ekta í gegn og voru á við-
ráðanlegu verði, svo ég tók
ákvörðun um að fylla það tóma-
rúm sjálf,“ segir Hendrikka sem
hefur meistaragráðu í viðskiptum
frá bandarískum háskóla og tefldi
fram fullburða fimmtíu hluta
skartgripalínu í yfir 70 verslanir á
Bretlandseyjum nú í haust, meðal
annars í tíu verslanir Goldsmith-
keðjunnar og Selfrigdes.
„Ég hef verið heilluð af við-
skiptum og um leið hef ég alltaf
verið mikil áhugamanneskja um
listir og fegurð. Frá unga aldri hef
ég safnað málverkum og nem nú
listasögu við háskólann í Oxford.
Ég hafði engin önnur plön en að
starfa í viðskiptalífinu þegar hug-
myndin fæddist, en finnst gaman
að blanda listum við viðskipti og
gera þau mýkri,“ segir Hendrikka
sem frá upphafi hafði mikla trú á
skartgripadraumnum, þótt hún
viðurkenni að sér komi á óvart
hversu vel og hratt gengur.
„Ég vissi að hugmyndin var
viðskiptalega skotheld og hafði
fulla trú á henni enda slíkt for-
senda alls framhalds. Ég byrjaði
því að hanna skartgripina og
teikna þá alla sjálf, og svo vel ég í
þá efnin og kem til framleiðenda,“
segir Hendrikka brött eftir aðeins
eins árs vinnu og mikla sigra inn-
an tískuheimsins, en nú þegar hef-
ur hún sett á markað mun dýrari
skartgripalínu sem hún kallar
Baron og er seld í verslunum
Harrods og Selfridges í London.
„Hugmyndir að útliti skart-
gripanna koma til mín úr myndum
sem greipst hafa í huga mér á
ferðum mínum um heiminn og frá
ýmsum skeiðum í lífi mínu,“ segir
Hendrikka sem búið hefur meðal
annars í Bandaríkjunum, Japan
og Rússlandi.
„Baron-línan kom þannig til að
ég erfði karöflu frá foreldrum
mínum sem lengi hafði fylgt ætt-
inni en var upphaflega í eigu bar-
ónsins sem Barónsstígur er
kenndur við. Í handfangi karöfl-
unnar er munstur sem hafði lengi
lifað með mér og ég valdi sem
hluta af hönnun Baron-línunnar. Í
hana nota ég einungis 27 til 49
karata eðalsteina, demanta og
gegnheilt gull og hvítagull,“ segir
Hendrikka stolt af verki sínu.
„Auðvitað er ég stolt. Þetta
hefur verið gífurleg vinna en þó
mjög skemmtileg og vissulega
óraunverulegt að vera með full-
búna skartgripina í höndunum
eftir að hafa fengið hugmyndina,
fullunnið hana og sjá hana svo
falla vel í kramið. Ég á mér draum
um að Ísland komist á kortið fyrir
skartgripahönnun á stórum skala
og tengi hönnunina íslenskri nátt-
úru þótt hún hafi yfir sér alþjóð-
legan blæ. Ég nota til dæmis litina
í Esjunni og jökla í íslenskri nátt-
úru, en líka japönsk áhrif og
rússnesk, og er nýjasta línan mín
byggð á rússneskum hughrifum,“
segir Hendrikka og á við dýrindis
skartgripi sem vísa í rétttrúnað-
arkrossinn og kirkjuturna Rauða
torgsins í Moskvu.
„Það er misjafnt hve lengi mig
tekur að hanna hvern grip en oft-
ast er ég með þetta fullburða í
kollinum og teikna upp án mikill-
ar fyrirhafnar. Ég hef ótæmandi
hugmyndir í höfðinu og er
óhrædd við að framkvæma þær.
Hef mikla trú á þessari viðskipta-
hugmynd og úti hef ég haft vissan
meðbyr. Ég mundi aldrei hanna
skartgripina eins og ég geri ef
mér sjálfri líkaði þeir ekki, en
hanna þó ekki eingöngu með
sjálfa mig í huga, heldur margvís-
legan fjöldann og er því með svo
stórar skartgripalínur í boði,“
segir Hendrikka sem býr í Lund-
únum ásamt fjölskyldu sinni og
líkar vel.
„Maður verður að búa á mark-
aðssvæðinu til að ná í gegn og eins
að vera með stóra línu, því með
einum grip fer maður ekki langt,
en ég hygg á frekari landvinninga
í Evrópu í framtíðinni,“ segir
Hendrikka sem álítur skartgripi
vera fyrir allt kvenfólk.
„Skartgripir eru bæði fallegir
og kvenlegir, en íslenskar konur
kjósa vanalega látlausa og lítt
áberandi skartgripi miðað við
konur í útlöndum. Ég kýs að hafa
úrval og finnst litir og glamúr fal-
legur, en maður á umfram allt að
njóta þess að vera kona og
skreyta sig, jafnvel þótt það kosti
aðeins meiri íburð og liti sem
ögra.“
Ódýrari skartgripalína Hendr-
ikku sem er úr silfri og sirkón-
steinum ber nafnið H&W og fæst í
Leonard, á Hótel Nordica og Hótel
Loftleiðum.
18 2. október 2005 SUNNUDAGUR
„Demantar eru enn bestu vinir konunnar og engin
gjöf eftirsóknarver›ari, ef undanskilin er ást og
hl‡ja,“ segir skartgripahönnu›urinn Hendrikka
Waage, sem nú leggur tískuheiminn a› fótum sér
me› einstökum, litríkum og ægifögrum skartgripum.
fiórdís Lilja Gunnarsdóttir missti augun yfir milljóna-
demöntum og skínandi gulli Hendrikku.
Íslenskir dem-
antar í Harrods
HENDRIKKA WAAGE, SKARTGRIPAHÖNNUÐUR WAAGE JEWELLERY LTD Í BRET-
LANDI
BARON Dýrari lína Hendrikku skreytt
gegnheilu gulli og eðalsteinum og seld í
Harrods og Selfridges í Lundúnum.
H&W Litríkir skartgripir sem nú eru að slá í gegn í tískuheiminum, enda glæsilegir og á verði sem flestir ráða við.