Fréttablaðið - 25.10.2005, Page 61

ÞRIÐJUDAGUR 25. október 2005
Hafrún Eva Arnardóttir flyt-
ur fyrirlestur um mataræði og
holdafar níu og fimmtán ára
Íslendinga í stofu 158 í VR-II hús-
næði Háskóla Íslands í dag klukk-
an 12.20.
Hafrún Eva útskrifaðist með
BS-próf í líffræði frá Háskólanum
árið 1998 og stundaði nám í nær-
ingarfræði við Háskólann í Osló
frá hausti 2001 til desember 2002.
Árið 2003 hóf hún nám til meist-
araprófs í næringarfræði, en
rannsóknarverkefnið var unnið á
rannsóknarstofu í næringarfræði
við Landspítala - háskólasjúkra-
hús og matvælafræðiskor Raun-
vísindadeildar Háskóla Íslands.
Fyrirlesturinn í dag er um
meistaraprófsverkefnið.
Mataræði og holdafar
HUNDUR Í GRÍMUBÚNINGI Árlegi hundadagurinn var haldinn á Times-torgi í New York
um helgina og tók fjöldi manna og hunda þátt í deginum. Þessi enski bolabítur sigraði í
grímubúningakeppninni og þótti leigubílabúningurinn ansi snjall. FRÉTTABLAÐIÐ/AP
Vegurinn yfir Kolgrafarfjörð á Snæ-
fellsnesi var opnaður með formleg-
um hætti á föstudag þegar sam-
gönguráðherra ók yfir nýju brúna
sem liggur þvert yfir fjörðinn.
Með nýja veginum styttast
vegalengdir milli fjölmargra
staða á Snæfellsnesi og sjá heima-
menn og aðrir fram á að Nesið
allt geti orðið eitt þjónustu- og
atvinnusvæði. Vegurinn milli
Grundarfjarðar og Stykkishólms
styttist um sjö kílómetra og eykur
öryggi vegfarenda sem nú eiga
kost á að aka Snæfellsnesið á lág-
lendisvegi.
BRÚIN YFIR KOLGRAFARFJÖRÐ Leiðin milli Grundarfjarðar og Stykkishólms styttist um sjö
kílómetra með nýju brúnni. FRÉTTABLAÐIÐ/PJETUR
Kolgrafarfjörður
opnaður umferð
Menningarhátíð hófst á Raufar-
höfn á sunnudag og stendur fram
á föstudag. Yfirskrift hennar er
sem fyrr Bjart er yfir Raufar-
höfn og er hátíðinni ætlað að lífga
upp á tilveru bæjarbúa og gesta
þeirra og sýna um leið fram á hve
gróskumikið menningarlíf er í
bænum.
Í dag verður meðal annars
línudans fyrir börn og fullorðna
og unga fólkið reynir með sér
í Idol-keppni. Á morgun verð-
ur Jónasarkvöld þar sem fluttir
verða söngtextar Raufarhafnar-
skáldsins Jónasar Friðriks og á
fimmtudag kemur Vigdís Gríms-
dóttir rithöfundur í heimsókn. Þá
verður einnig kvikmyndin Kald-
aljós sýnd en hún var gerð eftir
samnefndri bók Vigdísar.
Á föstudag verður þrautakóng-
ur fyrir hressa krakka, Jónasar-
syrpa og harmonikkuveisla,
villibráðakvöld, dansleikur og
flugeldasýning.
Menningarhátíð
á Raufarhöfn
RAUFARHÖFN Hið gróskumikla menningarlíf á Raufarhöfn er í algleymi þessa dagana.