Fréttablaðið - 05.12.2005, Síða 6

6 5. desember 2005 MÁNUDAGUR
ENGINN DAGUR EINS
ENGIR TVEIR ÍSLENDINGAR EINS
BÓK EFTIR ÍSLENDINGA
Skálholtsútgáfan
SVÍÞJÓÐ Sænskur prófessor seldi
einkaleyfi á estrógenviðtaka til líf-
tæknifyrirtækisins Karo Bio fyrir
einn dollara. Prófessorinn er stofn-
andi, stjórnarmaður og hluthafi í
fyrirtækinu. Vísindamaðurinn sem
fann estrógenviðtakann í líkam-
anum hefur ekki fengið neitt fyrir
sinn snúð.
Á vefsíðu Dagens Nyheter kemur
fram að fundurinn auðveldi þróun á
lyfjum sem gætu læknað sjúkdóma
og vandamál í sambandi við estró-
genviðtakann í líkamanum. ■
Prófessor í lífvísindum:
Einkaleyfi selt
fyrir einn dal
LIBREVILLE, AP Landskjörstjórn
Gabon skýrði frá því í vikunni að
Omar Bongo hefði enn einu sinni
verið endurkjörinn forseti landsins
en kosningar fóru þar fram á dögun-
um. Hann fékk 79
prósent atkvæða.
Bongo hefur
verið forseti
Gabon síðan land-
ið fékk sjálfstæði
frá Frökkum árið
1967. Fidel Castro,
starfsbróðir hans
á Kúbu, er sá eini
sem hefur verið
við völd lengur í heiminum.
Samanborið við önnur Vestur-
Afríkuríki ríkir friður og velsæld
í Gabon, en landið er ríkt af olíu.
Þjóðartekjur á mann eru sexfalt
hærri í Gabon en í öðrum ríkjum
álfunnar. ■
Forsetakosningar í Gabon:
Omar Bongo
endurkjörinn
BONGO Á GÓÐRI
STUND Margir þakka
Omari Bongo þá
hagsæld sem ríkir í
Gabon.
SJÁVARÚTVEGUR Norðmenn hafa
komist að samkomulagi við
Evrópusambandið um fiskveiði
í Norðursjó árið 2006. Veiðin
verður sú minnsta nokkru
sinni.
Norska ríkisútvarpið segir
að þorskkvótinn í Norðursjó
minnki úr 27.300 tonnum í
23.205 tonn á næsta ári og það
sé minnsti kvóti sem nokkru
sinni hafi verið veiddur.
Kvótinn á norðursjávarsíld
hefur einnig verið minnkaður.
Á næsta ári verður heimilt að
veiða tæp 450 þúsund tonn sem
er 15 prósentum minna en í ár. 
Noregur og ESB:
Fiskveiðikvótar
aldrei minni
DÓMSMÁL Hæstiréttur hefur staðfest
dóma Héraðsdóms Reykjavíkur frá
því í sumar um að ríkið borgi lista-
fólkinu Rúrí (Þuríði Fannberg) og
Bjarna Sigurbjörnssyni skemmdir
sem urðu á verkum þeirra á sýningu
á vegum Kristnihátíðarnefndar á
Þingvöllum sumarið 2000.
Rúrí fær greiddar rúmlega 1,3
milljónir króna og Bjarni tæplega 1,3
milljónir.
Dómkvaddir voru matsmenn til
að meta verkin, en þau skemmdust
í hvassviðri. Sýningin var sett upp í
Stekkjargjá á Þingvöllum og átti að
standa frá 1. júlí til 1. september árið
2000, en Kristnihátíðarnefnd fram-
lengdi sýningartímann án samþykk-
is listafólksins um hálfan mánuð. Á
þeim tíma skemmdust verkin.
Málskostnaður ríkisins nemur
700 þúsund krónum.
Hrafn Bragason hæstaréttardóm-
ari greiddi sératkvæði, en var þó
sammála því að ríkið væri bótaskylt.
Hann taldi þó að atriði hefðu átt að
leiða til bótalækkunar og vildi vísa
málunum aftur heim í hérað.
Auk Hrafns dæmdu hæstaréttar-
dómararnir Guðrún Erlendsdóttir og
Jón Steinar Gunnlaugsson í málunum
tveimur. - óká
Listaverk sem skemmdust á kristnihátíð á Þingvöllum:
Ríkinu gert að
greiða skemmdirnar
RÚRÍ AÐ STÖRFUM Hæstiréttur hefur staðfest fyrri dóma Héraðsdóms Reykjavíkur um að
bæta beri listaverk sem skemmdust í roki á Þingvöllum í sumarlok 2000. FRÉTTABLAÐIÐ/HEIÐA
STJÓRNMÁL Hlutfallslega helmingi
færri íbúar á landsbyggðinni eru
með háskólamenntun en á höfuð-
borgarsvæðinu. Í svari forsætis-
ráðherra á Alþingi við fyrirspurn
Önnu Kristínar Gunnarsdóttur,
þingmanns Samfylkingar, kemur
fram að á höfuðborgarsvæðinu eru
tæplega 23 prósent á aldrinum 16
til 74 ára með háskólamenntun en
einungis um 12 prósent í sama ald-
urshópi á landsbyggðinni.
Anna Kristín segir menntakerfið
hafa brugðist.
Súlur í súluriti sem birtist með
frétt um málið í gær víxluðust og
leiðréttist það hér með. ■
Þingmaður Samfylkingarinnar:
Menntakerfið
hefur brugðist
HÖFUÐ-
BORGAR-
SVÆÐIÐ
LANDS-
BYGGÐIN
45%
40%
28%
26%
46%
14% Háskólamenntun
Starfs- og fram-
haldsmenntun
Grunnmenntun
SKIPTING EFTIR MENNTUNARSTIGI
20 - 40 ÁRA
KASAKSTAN, AP Nursultan Nazar-
bayev, forseti Kasakstan, fékk í
það minnsta 75 prósent atkvæða í
forsetakosningum í landinu í gær.
Kjörfundurinn virðist hafa gengið
að mestu hnökralaust fyrir sig en
Öryggissamvinnustofnun Evrópu
ÖSE mun kveða upp sinn dóm í dag.
Fimmtán milljónir manna búa í
Kasakstan og er talið að 75 prósent
atkvæðisbærra manna hafi nýtt
sér kosningarétt sinn. Almennt var
búist við að Nazarbayev yrði end-
urkjörinn til næstu sjö ára en hann
hefur verið forseti landsins síðan
árið 1989, á meðan Kasakstan var
ennþá hluti Sovétríkjanna.
Fjórar útgönguspár sem birt-
ar voru á miðnætti að staðartíma
sýndu að Nazarbayev fékk allt frá
75 prósentum atkvæða upp í ríflega
áttatíu prósent. Helsti andstæðing-
ur hans, Zharmakhan Tuyakbai,
virðist hins vegar aðeins hafa feng-
ið tíu prósent.
Í aðdraganda kosninganna
kvörtuðu mótframbjóðendur for-
setans yfir því að bæklingum og
auglýsingum þeirra hefði verið
stolið og dagblöðum þeim hliðholl
hefði verið lokað. Onalsyn Zhuma-
bekov, formaður landskjörstjórnar,
lýsti því hins vegar yfir strax að
loknum kjörfundi í gær að öll skil-
yrði hefðu verið uppfyllt við fram-
kvæmd kosninganna. Kosningaeft-
irlitsmenn Samveldis sjálfstæðra
ríkja, sem í eru flest lýðveldi fyrr-
um Sovétríkjanna, tóku í svipaðan
streng og sögðu að svo virtist sem
kosningarnar hefðu farið heiðar-
lega fram. Skýrsla kosningaeftir-
litsmanna ÖSE um kjörfundinn og
aðdraganda hans verður birt í dag.
Kasakstan er talið hafa vegnað
best af þeim fyrrverandi lýðveld-
um Sovétríkjanna sem eru í Mið-
Asíu en landið er auðugt af olíu.
Nazarbayev hefur í valdatíð sinni
haldið uppi vingjarnlegum sam-
skiptum við stjórnvöld í Moskvu,
Washington og Peking og starfar
til dæmis lítil kasöksk herdeild
með fjölþjóðlega herliðinu í Írak.
sveinng@frettabladid.is
Nazarbayev gersigraði
í forsetakosningunum
Útgönguspár benda til að Nursultan Nazarbayev hafi verið endurkjörinn með
75 prósent atkvæða í forsetakosningunum í Kasakstan sem fram fóru í gær.
Þær virðast að mestu hafa farið fram á sanngjarnan og heiðarlegan hátt.
SIGURVISS Nursultan Nazarbayev var sagður svo öruggur um sigur að fyrir helgi boðaði
hann til sigurhátíðar með stuðningsmönnum sínum sem haldin verður í dag, rétt eftir að
opinber úrslit verða kunngjörð. FRÉTTABLAÐIÐ/AP
KJÖRKASSINN
Á að veita ungmennum undir
tvítugu lán?
Já 23,8%
Nei 76,2%
SPURNING DAGSINS Í DAG:
Eiga stjórnvöld að taka skatt af
desemberuppbót aldraðra?
Segðu skoðun þína á Vísi.is
IÐNAÐUR „Hvorki dómsmálaráð-
herra né fjármálaráðherra höfðu
vilja, kjark né skilning á því að láta
vinna verkið hér innanlands og því
fór sem fór,“ segir Hákon Hákon-
arson, formaður Félags málmiðn-
aðarmanna á Akureyri og ritari
Samiðnar.
Fram kom í svari Björns Bjarna-
sonar dómsmálaráðherra í síðustu
viku að kostnaður við endurbætur
á varðskipinu Ægi hefði verið 11
milljónum minni hjá pólsku slipp-
stöðinni Morska en tilboð Slipp-
stöðvar Akureyrar hljóðaði upp á.
Þá vantar í útreikning dómsmála-
ráðherra kostnað vegna aukaverka
og eftirlits. Sigurjón Þórðarson,
þingmaður Frjálslynda flokksins,
sem lagði fyrirspurnina fram,
segir að séu þeir þættir teknir
með í reikninginn og þar að auki
hagræðingin af því að halda verk-
kunáttunni innanlands hefði verið
mun hagkvæmara að láta gera
endurbæturnar hér á landi. „Þar
að auki hefði skattpeningur vegna
þessa þá komið aftur í ríkiskass-
an,” segir Sigurjón. Hann segir
einnig að ekki hefði þurft að bjóða
verkið út erlendis þar sem það var
undir 500 milljónum króna.
Hákon segir að tilboðin hafi
verið sambærileg, að minnsta kosti
hafi tilboðið frá Slippstöðinni ekki
verið dýrara. - jse
Endurbætur á varðskipinu Ægi í Póllandi:
Ráðherra skorti kjark og vilja
VARÐSKIPIÐ ÆGIR Þótt gróin séu tímans
sár á varðskipinu er enn ekki gróið um
heilt vegna þess hvernig að endurbótunum
var staðið.
SKÝRSLA Stjórn Byggðastofnun-
ar segir skýrslu, sem unnin var
um stofnunina í maí að beiðni iðn-
aðar- og viðskiptaráðuneytisins,
meingallaða.
Í úttekt stofnunarinnar á skýrslu
ráðuneytisins eru gerðar alvarleg-
ar athugasemdir við hana og ýmis
atriði um útlán og afskriftarreikn-
inga útlána tilgreind sem ekki fái
staðist. Til dæmis hafi þar verið
haldið fram að stofnunin hafi tapað
að meðaltali um 23 prósentum af
útlánum á tímabilinu 1995 til 2004
en samkvæmt upplýsingum frá
stjórninni var tapið 3,6 prósent.
Herdís Sæmundardóttir, stjórn-
arformaður Byggðastofnunar, segir
að stjórnin hafi gert margar athuga-
semdir við skýrsluna á vinnslustigi
hennar sem ekki hafi verið tekið
tillit til. Herdís segir einnig að það
hafi verið skilningur stjórnarinnar
að skýrslan væri fyrst og fremst
vinnuplagg og ekki ætluð til birt-
ingar. „Það er af þeirri ástæðu sem
stjórnin bregst ekki harkalega við
fyrr en skýrslan er komin í þessa
umræðu,“ segir Herdís og bætir við
að afar slæmt sé fyrir stofnunina að
umræða um hana sé á villigötum.
- sgi
Stjórn Byggðastofnunar:
Skýrslan er
meingölluð
ÓSÁTT VIÐ SKÝRSLU UM BYGGÐASTOFNUN
Herdís Sæmundardóttir, stjórnarformaður
Byggðastofnunar.