Fréttablaðið - 05.12.2005, Qupperneq 86

5. desember 2005 MÁNUDAGUR42
Íþróttaaðstaðan sem Knattspyrnu-
akademía Íslands og Kópavogsbær
ætla að byggja á upp í Kópavogi
mun verða mikil lyftistöng fyrir
íþróttahreyfinguna í landinu, en
aðstaðan verður sú allra glæsileg-
asta sem byggð hefur verið upp
hér á landi.
Það er von þeirra, sem að þessu
verkefni koma, að með tilkomu
þessarar aðstöðu færist auk-
inn slagkraftur í þjálfun afreks-
íþróttafólks hjá íþróttahreyfing-
unni á Íslandi en vonast er til
þess að aðstaðan verði eins konar
heilsu-, íþrótta- og fræðasetur, þar
sem hugað verður betur að ein-
staklingsmiðaðri þjálfun í hinum
ýmsu íþróttagreinum.
Vonast er til þess að framhalds-
skóli verði reistur í nágrenni við
íþróttaaðstöðuna en frá því hefur
ekki verið gengið ennþá.
Stefán Konráðsson, fram-
kvæmdastjóri Íþrótta- og ólympíu-
sambands Íslands, bindur miklar
vonir við þetta verkefni og vonast
til þess að hún mun auka faglega
þjálfun íþrótta hér á landi. „Þetta
mál horfir afar vel við okkur. Við
teljum að þessi þróun sé mikil
lyftistöng fyrir íþróttastarf í
landinu. Ég tel þetta styrkja alla
faglega vinnu sérstaklega. Afreks-
stigið fær mikið vægi hjá þeim
sem að þessu verkefni koma og það
er jákvætt því að það hefur vant-
að aukinn slagkraft í þann hluta
íþróttastarfsins. Tilkoma þessarar
glæsilegu aðstöðu á eftir að hjálpa
íslensku íþróttafólki mikið. Knatt-
spyrnuakademía Íslands hefur
skilað einstaklega góðu starfi til
þessa, og þetta metnaðarfulla
framhald er einungis til góðs fyrir
íslenskt íþróttalíf.“
Nýtist öllu íþróttafólki
Arnór Guðjohnsen, forsvarsmaður
Knattspyrnuakademíu Ísland, von-
ast til þess að aðstaðan muni nýt-
ast öllu íþróttafólki. „Við fórum af
stað með námskeið fyrir um tveim-
ur árum. Við ákváðum að hafa
námskeiðin á morgnana til þess að
trufla ekki starf íþróttafélaganna
og grunnskóla. Þetta gekk vel og í
kjölfarið fáum við hugmynd um að
stækka þetta verkefni enn meira.
Við teljum að það sé mikilvægt að
samræma nám og iðkun íþrótta
betur á framhaldsskólastiginu, og
okkar hugmynd byggir að stórum
hluta á því að það rísi framhalds-
skóli í grennd við aðstöðuna sem
við ætlum að byggja upp með
Kópavogsbæ. Ég held að þessi
aðstaða sem byggð verður upp í
Kópavoginum muni hjálpa efni-
legu íþróttafólki að ná enn lengra
og það er okkar verkefni að leggja
fram kunnáttu okkar og reynslu til
þess að leiðbeina fólkinu sem tekur
þátt í þessu verkefni.“
Nauðsynlegt að hlúa betur
að hæfileikafólki
Eiður Smári Guðjohnsen, knatt-
spyrnumaður hjá Chelsea og fyr-
irliði íslenska landsliðsins í knatt-
spyrnu, er einn þeirra sem kemur
að fjármögnun hluta aðstöðunnar
sem byggð verður upp við Valla-
kór í Kópavoginum. Hann segist
fyrst og fremst vera að hugsa um
þessa aðstöðu sem hugsanleg-
an starfsvettvang fyrir sig eftir
að knattspyrnuferli hans lýkur.
„Fyrst um sinn er ég einungis að
leggja nafn mitt við þetta fram-
tak. Ég horfi til þess að geta tekið
þátt í þessu starfi eftir að knatt-
spyrnuferli mínum lýkur. Ég vona
nú að það séu nokkur ár í það. En
þetta er einn af þeim hlutum sem
ég ætla að einbeita mér að þegar
þar að kemur. Það er myndarlega
að þessu staðið og samstarfið við
Kópavogsbæ er til fyrirmyndar.“
Eiður Smári vonast til þess að
aðstaðan verði til þess að íslenskt
íþróttafólk eigi auðveldara með
að bæta getu sína í íþróttum. „Það
sem vakir fyrir mér í þessu starfi
eru einkum tvennt. Í fyrsta lagi
að skapa góðan og heilbrigðan
stað fyrir börn til að stunda knatt-
spyrnu, og þar er ég að horfa til
allra, óháð getu. Svo í öðru lagi er
að hjálpa þeim sem skara fram úr
að ná enn lengra og rækta þá hæfi-
leika sem fyrir hendi eru.“
Góð reynsla af samræmingu
náms og íþrótta
Fjölbrautaskóli Suðurlands á Sel-
fossi, í samstarfi í hugbúnaðar-
fyrirtækið Sideline Sports sem
sérhæfir sig í forritagerð, hóf í
haust að bjóða upp á sérstaka línu
innan skólans þar sem áhersla er
lögð á körfubolta og bóknám, og er
sérstaklega hugað að því að hvern-
ig hægt sé að samræma námið og
íþróttaiðkunina. Þannig sendir
skólann lið til leiks í Íslandsmót-
inu í körfubolta sem keppir undir
nafni skólans, líkt og þekkist í
skólum í Bandaríkjunum, bæði á
framhalds- og háskólastigi.
Sigurður Sigursveinsson, skóla-
meistari FSU, segir reynsluna
vera afskaplega góða af þessu
samstarfi. „Þetta er ekki eig-
inleg námsbraut heldur settum
við okkur það markmið að skapa
ungum og efnilegum íþrótta-
mönnum, reyndar bara strákum
til þess að byrja með, besta mögu-
lega æfingaumhverfi. Þetta hefur
gengið vonum fram í haust og það
má með sanni segja að drengirnir
sem taka þátt í þessu verkefni hafi
staðið sig frábærlega, bæði innan
vallar og utan. Hugmyndin er sú
að taka jafn marga drengi inn í
þessa námsleið á hverju ári, og
munu útskrifast árlega, til þess að
viðhalda eðlilegu jafnvægi. Með
þessu verkefni erum við ekki bara
að horfa til þess að búa til góða
íþróttamenn, heldur kannski fyrst
og fremst að bjóða metnaðarfullu
ungu fólki upp á bestu mögulegu
aðstöðuna til þess að þroska hæfi-
leika sína.“
Aðstöðubylting
Öllum ber saman um að aðstað-
an sem rísa mun í Kópavogi muni
treysta undirstoðir þjálfunarstarfs
fyrir íslenska afreksíþróttamen.
Stefnt er að því að bjóða upp á
mikla sérþjálfunarmöguleika, þar
sem afreksíþróttamönnum, í öllum
mögulegum íþróttagreinum, verður
boðið upp á að æfa við bestu mögu-
legu aðstæður. Einnig er stefnt að
því að faglegt starf þjálfunar- og
íþróttafræða muni að einhverju
leyti fara fram í Kópavoginum í
framtíðinni þar sem háskólanemar,
á sviði íþrótta- og heilsurannsókna,
muni hafa starfsaðstöðu.
magnush@frettabladid.is
AÐSTAÐA SEM EYKUR
GÆÐI AFREKSSTARFS
EIÐUR SMÁRI GUÐJOHNSEN Eiður er fremsti íþróttamaður Íslands í dag en hann telur
nauðsynlegt að hlúa betur að efnilegu íslensku íþróttafólki.
Kópavogsbær og Knattspyrnuakademía Íslands ætla sér að byggja upp stórglæsi-
lega íþróttaaðstöðu við Vallarkór í Kópavogi sem mun nýtast íþróttahreyfing-
unni í heild sinni. Afreksstarf íþróttamanna hér á landi gæti því breyst til muna
með tilkomu þessarar aðstöðu, en ónægur slagkraftur í afreksstarfi innan
íþróttahreyfingarinnar hefur valdið mörgum íþróttaáhugamönnum áhyggjum.
Afreksstarf Íþrótta- og ólympíu-
sambands Íslands er ekki burðugt
samanborið við nágrannaríki okkar
í Skandinavíu, en Noregur, Svíþjóð
og Danmörk, hafa haldið úti metn-
aðarfullu afreksstarfi í íþróttum og
er staðan nú orðin sú að allar þjóð-
irnar eiga íþróttamenn í fremstu
röð í flestum íþróttagreinum.
Innra starf sérsambandanna
í þessum ríkjum er borið uppi af
myndarlegu fjárframlagi frá rík-
inu.
Íslenskt unglingalandsliðsfólk,
í öllum íþróttagreinum fyrir utan
fótbolta, þarf sjálft að borga fyrir
að keppa fyrir Íslands hönd á
erlendum vettvangi en því er öfugt
farið í nágrannaríkjum okkar, þar
sem ungt afreksfólk er ekki látið
bera kostnað af þátttöku í keppni,
þegar það keppir fyrir þjóð sína.
Stefán Konráðsson, fram-
kvæmdastjóri Íþrótta- og ólymp-
íusambands Íslands, segir sér-
samböndin vera fjárþurfi. „Það
þarf mun meiri peninga inn í innra
starf sambandanna svo hægt sé
að halda úti metnaðarfullu afreks-
starfi þar sem landsliðsfólk þarf
ekki að borga fyrir að keppa fyrir
Íslands hönd. Innra starf sérsam-
banda íþróttahreyfinganna í þess-
um löndum í kringum okkur, er
rekið af ríkinu. Og það er alveg
ljóst að til þess að bæta afreks-
starf sérsambandana þarf að ríkið
að koma að þessum málum með
myndarlegri hætti. Við höfum átt
gott samstarf við bæði mennta-
mála- og heilbrigðisráðherra um
afreksstarf og lýðheilsu almennt,
og þessi mál eru í réttum farvegi.
Hins vegar verðum við að reyna að
ná enn meiri árangri og það gerist
aðeins með myndarlegra fjárfram-
lagi frá ríkinu til sérsambanda.“
Jón Arnar Magnússon, sem um
tíma var einn af tíu bestu tugþraut-
arköppum í heiminum, hefur þurft
að greiða mörg hundruð þúsund
krónur úr eigin vasa í fargjöld
vegna keppnisferða. „Mér finnst
alls ekki eðlilegt að landsliðsfólk
í íþróttum þurfi að borga fyrir
að keppa fyrir þjóð sína á erlend-
um vettvangi. Það er mikill heið-
ur að fá að keppa fyrir landslið í
íþróttum en það liggur við að það
sé verið að neyða fólk til þess að
keppa fyrir Ísland vegna þess að
keppendur þurfa að borga tugi þús-
unda fyrir að keppa í hvert skipti.
Það þarf að fá meira fjármagn inn
í íþróttahreyfinguna hér á landi og
koma afreksstiginu í annan far-
veg en það er nú. Aðeins þannig
munum við eignast fleiri afreks-
menn í íþróttum.“
Íþróttaakademían í Reykjanes-
bæ, sem hóf göngu sína í haust,
býður upp á afreksbraut í sam-
starfi við Fjölbrautaskóla Suður-
nesja. Námsbrautin miðar að því
að útskrifa með reglulegu millibili
afreksmenn í íþróttum. „Notast
hefur verið þessa uppbyggingu
á námsbrautum skóla í Noregi í
meira en tuttugu ár. Þar er boðið
upp á fjölda greina þar sem fólk
þarf að uppfylla ákveðnar kröfur
í bóknámi og íþróttum. Nemend-
um er tryggt aðgengi að færum
þjálfurum og öll aðstaða er fyrsta
flokks. Við bjóðum upp á fjórar
námsbrautir sem miða að þessu
marki, en það eru fótbolti, körfu-
bolti, golf og sund. Þetta teljum við
vera hentugar greinar til þess að
koma þessu verkefni af stað. Það
hefur gengið afar vel með þetta
verkefni það sem af er og við sjáum
miklar framfarir hjá þeim nemend-
um sem eru á þessari námsbraut,“
sagði Geir Sveinsson, forstöðumað-
ur Íþróttaakademíunnar.
Geir segir jafnframt að íþrótta-
hreyfingin í landinu treysti um of
á sjálfboðaliðastarf og segir nauð-
synlegt að hreyfingin fá meira
fjármagn til umráða heldur en hún
fær nú. „Það er alveg ljóst að sjálf-
boðastarf heldur íþróttahreyfing-
unni gangandi en það er auðvitað
nauðsynlegt að styrkja starfið enn
frekar með ríkara fjárframlagi
.“magnush@frettabladid.is
Afreksstigið þarf meira fjármagn
Sláandi munur er á ríkisstyrkjum Íslands og nágrannaríkja okkar í Skandinavíu, þegar kemur að framlagi til
íþróttahreyfingarinnar. Fólk sem starfar innan íþróttahreyfingarinnar vill sjá þessi mál í öðrum farvegi.
JÓN ARNAR MAGNÚSSON Þegar Jón var
upp á sitt besta, varði hann löngum
stundum í fjörunni á Sauðarkróki við
æfingar. Hann hefur þurft að greiða
hundruðir þúsunda í ferðakostnað úr eigin
vasa vegna keppnisferða fyrir Íslands hönd.
FJÁRFRAMLAG RÍKJA TIL ÍÞRÓTTA- OG ÓLYMPÍUSAMBANDA
ÍSLAND
74,7 MILLJÓNIR + 30 MILLJÓNIR AÐ AUKI TIL SÉRSAMBANDA OG 30 MILLJÓNIR Í AFREKSSJÓÐ
SVÍÞJÓÐ
1,4 MILLJARÐAR + AUKAFRAMLAG SEM METIÐ ER ÁRLEGA. GETUR ALLT AÐ ÞVÍ
TVÖFALDAÐ FASTA FRAMLAGIÐ.
NOREGUR
1,8 MILLJARÐAR + AUKAFRAMLAG SEM METIÐ ER ÁRLEGA. NÆR HÆST MILLJARÐI KRÓNA.
DANMÖRK
1,3 MILLJARÐAR + AUKAFRAMLAG SEM METIÐ ER ÁRLEGA. GETUR ALLT AÐ ÞVÍ TVÖFALDAÐ
FASTA FRAMLAGIÐ.
HELSTI MUNUR
-LANDSLIÐSFÓLK Í ÍÞRÓTTUM ÞARF EKKI AÐ BERA KOSTNAÐ AF ÞÁTTTÖKU SINNI Í
KEPPNUM FYRIR HÖND NOREGS, SVÍÞJÓÐAR OG DANMERKUR.
-HÉR Á LANDI ÞARF LANDSLIÐSFÓLK Í FLESTUM TILFELLUM AÐ BORGA FYRIR SIG.