Fréttablaðið - 21.02.2006, Qupperneq 12

21. febrúar 2006 ÞRIÐJUDAGUR12
nær og fjær
„ORÐRÉTT“
Það hefur mismikil áhrif á
líf fólks þegar það verður
kvikmyndastjörnur. Fyrir
suma tekur lífið stökk-
breytingu en aðrir halda
sínu striki. Einn þeirra
síðarnefndu er Runólf-
ur Dagbjartsson, sem
jafnan er kallaður Dúddi
múrari í heimabæ sínum,
Vestmannaeyjum. Flestir
landsmenn minnast hans þó
sem Víglundar eða Lunda
verkstjóra í kvikmyndinni
Nýju lífi.
„Ég hafði verið að leika fyrir leik-
félagið hér í Eyjum og einhvern
veginn atvikaðist það þannig að ég
var fenginn í þetta hlutverk,“ segir
Runólfur eða Dúddi múrari þegar
blaðamaður rakst á hann á förnum
vegi í Vestmannaeyjabæ. „Ég var
reyndar múrari en þegar vertíðir
stóðu sem hæst var ég oft fenginn
til að vinna fyrir Vinnslustöðina og
þá var ég verkstjóri þar svo ég var
vissulega á kunnuglegum slóðum í
þessari mynd,“ segir hann og hlær
við. „Ég veit þó ekki hversu líkur
ég er þessum Víglundi nema þá í
sjón. En hann átti það til að verða
grimmur þegar hann greip þessa
peyja, sem þóttust vera alvan-
ir menn, hálfa ofan í teljaranum
þegar þeir áttu að vera að gera að.
En þetta var allt afskaplega
skemmtilegt og gaman að vinna
með þessu fólki. Svo var ég reynd-
ar beðinn um að vinna í annarri
mynd sem Þráinn gerði en ég neit-
aði því. Ég hef miklu meira gaman
af því að leika í leikritum, þetta er
óttalegt fals í þessum bíómyndum
og ef maður er klaufi þarf að taka
sama atriðið aftur og aftur. Leik-
ritin eru meira ekta.“
Runólfur er 83 ára og er við
hestaheilsu enda gengur hann
mikið um eyjuna fögru sem er
honum afar kær. „Ég á 32 afkom-
endur og enginn þeirra er hér í
Vestmannaeyjum. Svo reyna þeir
mikið til þess að fá mig upp á land
en það er tómt mál að tala um. Ég
fer ekki héðan meðan hlandið í
mér er volgt,“ segir hann og hlær.
Hann segir það fáu hafa breytt
fyrir sig að hafa orðið landsþekkt-
ur leikari. „Hér í Vestmannaeyj-
um þekktu mig svo sem allir en
ég fann fyrir því þegar ég skrapp
til Reykjavíkur að fólk sagði sín á
milli þegar það labbaði framhjá
mér: „Sástu hver þetta var?“ En
ég neita því ekki að þetta kitlaði
hégómagirndina, svona fyrst,“
segir Dúddi múrari og heldur svo
gönguferðinni áfram.
jse@frettabladid.is
Dúddi múrari var Lundi
verkstjóri í Nýju lífi
RUNÓLFUR DAGBJARTSSON Runólfur er jafnan kallaður Dúddi múrari í heimabæ sínum. Hann segist ekkert sérlega líkur Lunda verkstjóra
sem hann lék í myndinni Nýju lífi.
„Ég vara fólk við að komast í
snertingu við fuglaskít. Menn verða
að gæta sín,“ segir Anna Marta
Guðmundsdóttir, bóndi á Hesteyri
við Mjóafjörð. Hún fylgist vel með
fréttum af flensunni og útbreiðslu
H5N1-stofns veirunnar sem nú
hefur fundist víða um Evrópu. Og
Anna hefur ekki einasta áhyggjur af
mannfólkinu heldur líka blessuðum
fuglunum. Sjálf heldur hún 42 endur
og 26 gæsir á bæ sínum.
„Fólk verður að forðast fuglaskít sem
mest það getur, sérstaklega gæsa-
og andaskít, og ég hef einmitt mest
af þeim fuglum,“ segir hún og horfir
til sumarsins þegar fólk er mikið úti
í náttúrunni. „Þegar börnin velta sér
um í móunum geta þau fengið á
sig skít.“
Hún veit að hennar eigin öryggi er
borgið á meðan veiran leggst ekki á
fólk. „Þá er mér óhætt en skepnun-
um mínum getur stafað hætta af
þessu. Ég gæti þurft að setja fuglana
mína inn og jafnvel að fækka þeim
eitthvað.“ Allir eru fuglarnir hennar
Önnu hressir ennþá, enda hefur
veiran ekki borist til Íslands, eins og
kunnugt er.
Anna byggir þekkingu sína á fugla-
flensunni á samtölum við Sigurð
Sigurðarson dýralækni á Keldum.
Hann hefur ráðlagt henni að halda
fuglunum innan girðingar en Önnu
er í nöp við girðingar. „Fuglarnir
geta slasað sig á þeim,“ segir hún
en veit sem er að ef veiran berst til
Íslands þarf hún að fara að ráðum
dýralækna.
HVAÐ SEGIR ANNA Á HESTEYRI?
FUGLAFLENSAN
Silvía Nótt vann
„Ég horfði ekki á keppnina
og veit ekki hvernig þetta
fór.“
KRISTJÁN HREINSSON SKÁLD OG
MÓTMÆLANDI. FRÉTTABLAÐIÐ.
Þar höfum við það
„Við ætlum ekki að vera
á þessum skítalaunum
lengur.“
VERNHARÐUR GUÐNASON
SLÖKKVILIÐSMAÐUR. MORGUN-
BLAÐIÐ.
„Núna er ég að taka upp disk með Afabandinu
og hann kemur út með vorinu,“ segir Sigurður
Helgi Jóhannsson, Siggi Helgi, hljómlistar-
maður á Akureyri. Þetta verður þriðji diskur
hjómsveitarinnar en hinir fyrri runnu út eins
og heitar lummur að sögn Siggga Helga og
því engin ástæða til að láta staðar numið.
Afabandið leikur gömul dægurlög á borð við
Kötukvæði og Komdu inn í kofann minn. „Við
stílum upp á nikku og söng, ekki ósvipað og
Örvar Kristjánsson gerði þegar hann var upp á
sitt besta.“
En þessi diskur er ekki sá eini sem Siggi
Helgi vinnur að þessa dagana, hann var einn af
frumkvöðlum kántrítónlistarinnar á Íslandi fyrir
rúmum tuttugu árum ásamt Hallbirni Hjartar
og Johnny King, og hefur ekki sagt skilið við þá
tegund tónlistar. „Það er smá hlé í augnablik-
inu en við vorum byrjaðir á að taka upp plötu
sem við ætluðum að senda á Ameríkumarkað.
Þar úti er náungi að nafni Eric Johnson sem
ég kynntist í gegnum dóttur mína. Hann vill fá
prufueintök til að setja á útvarpsstöðvarnar og
athuga viðtökurnar. Frændi Erics er í kántrítón-
list svo hann hefur einhver sambönd þarna
úti.“
Siggi Helgi horfir ekki bara vestur um haf
með kántrítónlistina, hugsanlegt er að hann
fari í tónleikaferð til Noregs í sumar. „Það er
meiningin. Ég var þar í fyrra og þar er mikið
kántrí í gangi. Alls staðar sem maður kemur, í
búðir og annars staðar, er spiluð kántrítónlist.“
Og eins og þetta sé ekki nóg er Siggi Helgi
líka að spá í að gera barnaplötu. „Ég ætla að
gera hana með gömlum félögum mínum frá
Keflavík,“ segir Siggi Helgi, sem er líka byrjaður
að vinna að sólóplötu sem kemur út eftir þrjú
ár en þá verður hann fimmtugur. „Ég ætla að
fá hundrað prósent menn í hana með mér;
Gunna Þórðar, Jóa Helga, Magga Sigmunds og
þessa kalla,“ segir Siggi Helgi og horfir björtum
augum til framtíðar.
HVAÐ ER AÐ FRÉTTA? SIGURÐUR HELGI HLJÓMLISTARMAÐUR
Diskar og hljómleikaferðir í farvatninu
SIGURÐUR HELGI JÓHANNSSON
ANNA MARTA GUÐMUNDSDÓTTIR BÓNDI Á HESTEYRI Í MJÓAFIRÐI
Ég óttast fuglaflensuna
Þingflokkur Framsóknarflokks-
ins heimsótti ritstjórnarskrifstof-
ur Fréttablaðsins í gærmorgun.
Var þingmönnunum veitt innsýn
í vinnsluferli blaðsins og fylgd-
ust þeir með störfum blaða- og
umbrotsmanna drykklanga
stund.
Í hópi þingmanna Framsókn-
arflokksins eru nokkrir vanir
fjölmiðlamenn, til dæmis Jón
Kristjánsson sem ritstýrði Austra
og Tímanum og Árni Magnússon
sem lengi starfaði í útvarpi og
sjónvarpi.
Fylgi Framsóknarflokksins
mældist afar lítið í skoðanakönn-
un Fréttablaðsins á sunnudag.
Virtust þingmennirnir hafa jafn-
að sig á þeim ótíðindum, í það
minnsta voru þeir léttir í lundu og
höfðu gaman af heimsókninni.
- bþs
Framsókn á Fréttablaðinu
FYLGST MEÐ ÚTLITSHÖNNUN FRÉTTABLAÐSINS Sigurjón M. Egilsson fréttaritstjóri og Kristín
Anna Björnsdóttir umbrotsmaður sýna Hjálmari Árnasyni, Árna Magnússyni og Dagnýju
Jónsdóttur hvernig Fréttablaðið er unnið. Á bak við má sjá Jón Kristjánsson tala í símann.
FRÉTTABLAÐIÐ/VALLI
Hann hélt mér
fastri og
nauðgaði mér
KONAN SEM KÆRÐI FASTEIGNASALANN
EINKAVIÐTAL
„Barði mig í hvert
sinn sem ég neitaði
að afklæðast“

2x15 20.2.2006 20:35 Page 1