Fréttablaðið - 05.03.2006, Blaðsíða 72

72 28. janúar 2005 FÖSTUDAGUR
HSÍ og Alfreð Gíslason gengu í gær frá samningi um þjálfun karlalandsliðs-
ins í handbolta til 1. júlí árið 2007
en þann dag tekur Alfreð við þýska
liðinu Gummersbach. Hjalti Þór
Hreinsson hitti Alfreð að máli og
ræddi við hann um tildrög starfs-
ins og framtíðarsýn hans á lands-
liðsmál Íslands.
Leit HSÍ að nýjum landsliðs-
þjálfara er loksins lokið með niður-
stöðu sem flestir una mjög vel við.
Alfreð hefur náð góðum árangri
með Magdeburg í sterkustu hand-
knattleiksdeild í heimi en hann
vann þýska meistaratitilinn sem
og Meistaradeildina með liðinu.
Það er því sannkallaður happa-
fengur að fá Alfreð til starfans
sem er ekki öfundsvert, að stýra
landsliðinu til sigurs í tveimur
leikjum gegn Svíum og koma lið-
inu þar með á Heimsmeistaramót-
ið í Þýskalandi á næsta ári.

Erfitt að fá sig lausan
Alfreð hefur alltaf verið efstur á
óskalista HSÍ og það var strax á
Evrópumótinu í Sviss að samband-
ið sýndi áhuga sinn. „Ég og Einar
Þorvarðarson [framkvæmdastjóri
HSÍ] hittumst fyrst á úrslita-
leiknum á EM í Sviss þar sem við
ræddum um hvort sá möguleiki
væri fyrir hendi að ég tæki við
landsliðinu. Þetta þróaðist smám
saman eftir það,“ sagði Alfreð
sem var sagt upp hjá Magdeburg
en samningur hans við liðið var
enn í gildi. Í hönd fóru strangar
viðræður um starfslokasamning
sem loksins leystust farsællega.
„Ég leitaði leiða til að losna
undan samningi og viðræður
mínar við HSÍ miðuðust við það
hvernig gengi að ræða við Magde-
burg. Að ég tæki við landsliðinu
varð að alvöru þegar það kom í
ljós að ég gat losnað undan samn-
ingnum. Ég fékk mér lögfræð-
ing sem sendi tillögu til þeirra
um starfslokasamning. Þeir hjá
Magdeburg tóku sér mjög lang-
an tíma í að svara þessu og þeir
héldu kannski að ég væri að fara
fyrr til Gummersbach. Þetta
gerðist síðan mjög hratt í þessari
viku, ég gaf þeim úrslitakosti og
sagði að ef samningnum yrði ekki
rift þá sæti ég bara á honum til
sumarsins 2007 og myndi hirða
hverja af þeim hverja krónu,“
sagði Alfreð.
Alfreð er því með tvo samn-
inga sem stendur, við HSÍ og
Magdeburg, báðir til 1. júlí 2007.
Hann fær því jafn há laun núna og
ef hann hefði ekki losnað undan
samningi við Magdeburg. „Þeir
græða á því að losna við mig. Þeir
borga hluta af samningi mínum
núna til 1. júlí 2007 og HSÍ borg-
ar mismuninn, ef það væri ekki
svoleiðis hefði HSÍ aldrei haft
efni á að ráða mig,“ sagði Al-
freð en samningar milli hans og
HSÍ náðust svo á fimmtudaginn.

Kveður Magdeburg sáttur
Alfreð átti farsælan feril hjá Mag-
deburg og hann gengur sáttur frá
liðinu. „Já ég geri það. Ég naut
mín vel hjá liðinu en það var ég
sem vildi fara eftir mikið ósætti
við framkvæmdastjórann. Á end-
anum gengu þeir vel frá málunum
en ég hefði ekki litið sömu augum
á þá ef þeir hefðu ekki gert það.
Það er annað mál hvort ég sé sátt-
ur við hvernig Magdeburg stóð að
uppsögninni, það hefði verið hægt
að gera það öðruvísi,“ sagði Alfreð
sem liðsmennirnir studdu í erjun-
um við framkvæmdastjórann.
Eins og Fréttablaðið hefur
greint frá vill Magdeburg losna
við landsliðsmennina Arnór
Atlason og Sigfús Sigurðsson,
ákvörðun sem Alfreð skilur engan
veginn. „Ég skil ekki hvað Mag-
deburg er að hugsa með því að
sleppa þessum tveimur frábæru
leikmönnum. Arnór þarf að kom-
ast í lið þar sem þjálfarinn stend-
ur við bakið á honum og hann fær
að spila meira. Hann er mjög góð-
ur leikmaður og á eftir að verða
frábær í framtíðinni. Það er lítill
tilgangur fyrir strákana að sitja
á bekknum, sérstaklega þar sem
þeir eru með tilboð annars staðar
frá. Það er því best fyrir þá sjálfa
að loka þessum hluta hjá Magde-
burg og halda áfram,“ sagði Al-
freð en allt bendir til að Pólverj-
inn gamalreyndi Bogdan Venta
taki við liðinu.
„Venta tekur líklega við en liðið
fékk sterkan pólskan línumann til
sín í vikunni og þá eru þeir með
fjóra línumenn sem gengur ekki.
Ég held að þeir geri mikil mistök
með því að láta Fúsa fara, hann er
mikilvægur leikmaður í vörninni
en þetta er þeirra mál. Ég veit
að Fúsi er með tilboð frá þrem-
ur góðum liðum í Þýskalandi og
hann hefur fengið fyrirspurn frá
einu sem er fyrir ofan Magdeburg
í töflunni þannig að hann er ekki
í neinum vandræðum. Ég geri ráð
fyrir því að þeir fari báðir en flytji
sig bara innan Þýskalands,“ sagði
hinn nýráðni landsliðsþjálfari.
Alfreð útilokar ekki að fá til sín
íslenska leikmenn til Gummers-
bach en hann vill lítið gefa upp að
svo stöddu. „Það er full snemmt
að segja til um það en það þarf
ekki að koma mikið á óvart ef ég
tek einhverja Íslendinga til mín til
Gummersbach,“ sagði Alfreð.

Loksins fékk ég tækifæri
„Þetta er í rauninni mitt fyrsta
tækifæri til að taka við liðinu þar
sem ég hef alltaf verið á samningi
hjá klúbbum áður. Þetta er mikill
heiður fyrir hvern sem er og ég
hef oft séð fyrir mér hvernig er
að gera það. Núna fékk ég tæki-
færið og ég er virkilega ánægður
með það. Eftir að Viggó Sigurðs-
son sagði upp hugsaði ég með mér
að nú þyrftu þeir kannski á mér að
halda og það er gott að hafa geng-
ið frá þessu á þennan hátt,“ sagði
Alfreð sem býst við hörku rimm-
um við Svíana.
„Þessir leikir við Svía verða
mjög erfiðir en þetta er krefjandi
verkefni og þeim mun skemmti-
legra fyrir vikið. Það er mitt hlut-
verk að koma liðinu á HM og við
setjum stefnuna á það. Ég er bjart-
sýnn á að það takist, liðin eiga
jafna möguleika og ég vona að við
verðum alveg lausir við meiðsli
enda er mikilvægt að hafa alla
leikmenn við höndina. Það er því
stefnan að halda enn meira upp á
þjóðhátíðardaginn en venjulega
er gert,“ sagði Alfreð brosmildur
en síðari leikurinn við Svía fer
líklega fram 17. júní.
Jafnvel þó að landsliðinu takist
ekki að leggja Svía af velli bíða
önnur verkefni Alfreðs en í janúar
á næsta ári fara fram umspilsleik-
ir um laust sæti á Evrópumótinu
í Noregi árið 2008 auk þess sem
Alfreð tekur að sér fleiri verkefni
innan HSÍ. „Ég ætla mér að koma
inn í fræðslumálin hjá HSÍ og
miðla aðeins af minni reynslu. Ég
mun funda með þjálfurum í deild-
inni hérna heima þar sem við get-
um rætt um ýmislegt, hvort sem
það er varnarleikur eða hvernig
mín þjálfarastefna er. Ég mun
bjóða upp á þetta og ef menn vilja
nýta sér þetta væri það gaman
en ef ekki þá verður bara að hafa
það,“ sagði Alfreð.
En kemur til greina að stýra
Gummersbach og landsliðinu
áfram eftir 1. júlí 2007?
„Ef allt færi á besta veg með
landsliðið þá væri það alls ekki
útilokað að ná hreinlega samning-
um við það,“ sagði Alfreð.

Verður Geir aðstoðarþjálfari?
Alfreð býr í Þýskalandi en allar
líkur eru á því að hann fái sér
aðstoðarmann, búsettan hér á
landi en samkvæmt heimildum
Fréttablaðsins er Geir Sveinsson
þar efstur á óskalistanum. „Ég vil
síður tala um nein nöfn þar sem
ég er ekkert byrjaður að skoða
þessi mál ennþá. Ég hef ekkert
rætt við HSÍ um þetta mál en ég
mun ganga í það fljótlega. Vissu-
lega þekki ég Geira mjög vel og
eðlilegast væri að sá sem vinnur
með mér í þessu, ef einhver verð-
ur, tæki við landsliðinu eftir að ég
hætti ef málin þróast í þá átt. Þá
kæmi inn maður sem þekkir allt
í kringum verkefnið og gæti því
haldið áfram á sömu línu,“ sagði
Alfreð.
Annað nafn sem Alfreð gæti
óskað eftir er Guðmundur Guð-
mundsson, þjálfari Fram og
fyrrverandi landsliðsþjálfari.
Alfreð og Guðmundur eru mikl-
ir vinir og voru herbergisfélagar
á ferðum sínum með landsliðinu
forðum. „Við Guðmundur erum
mjög góðir vinir og hann hef-
ur alltaf sýnt að hann er heims-
klassa þjálfari,“ sagði Alfreð en
lét ekkert upp hvort hann vildi fá
hann með sér sem aðstoðarmann.

Þurfum að auka breiddina
Alfreð telur að helsti löstur lands-
liðsins sé breiddin, aðallega í
vörninni. „Við erum með lands-
lið sem er eitt af tíu bestu liðum
í heiminum í dag. Það sem okkur
vantar er meiri breidd, sérstak-
lega í varnarleiknum en mér
fannst markvarslan á Evrópumót-
inu vera mjög góð en mér fannst
samband markvörslu og varnar
vera ábótavant. Við þurfum að
finna meiri breidd í vörnina og ná
aðeins meira út úr sóknarleikn-
um, sérstaklega skyttustöðunum.
Auk þess megum við alls ekki við
meiðslum hjá lykilmönnum eins
og var á EM,“ sagði Alfreð sem
telur að gjörbreyttur varnarleik-
ur gæti hjálpað mikið til.
„Við þurfum að geta spilað
sterka 6-0 vörn og það er mikil-
vægt að ná góðu valdi á fleiri en
einu varnarafbrigði. Guðjón Valur
Sigurðsson er besti framliggjandi
varnarmaður í heiminum í dag og
þegar við náum upp stemningu í
vörninni getur hún verið mjög
sterk. Auk þess er lykilatriði að
Fúsi sé í formi en nú fer í gang leit
við að finna mann til að vera við
hliðina á Fúsa til að binda vörnina
endanlega saman,“ sagði Alfreð.
hjalti@frettabladid.is
SUNNUDAGSVIÐTALIÐ ALFREÐ GÍSLASON NÝRÁÐINN LANDSLIÐSÞJÁLFARI Í HANDBOLTA
HVER VERÐUR AÐSTOÐARÞJÁLFARI?
Hver mun aðstoða Alfreð er enn óvíst
en líklegast er að Geir Sveinsson taki við
starfinu.
LÍTIL BREIDD Alfreð segir að breiddin í
liðinu sé ekki nægilega mikil og úr því
þurfi að bæta.
SKILUR SÁTTUR VIÐ MAGDEBURG Þrátt fyrir að samskiptin hafi verið stirð á köflum
kveður Alfreð Magdeburg sáttur en hann varð bæði þýskur meistari og Evrópumeistari
með liðinu. FRÉTTABLAÐIÐ/E.ÓL.
ALFREÐ GÍSLASON Er mjög ánægður með að fá loksins tækifæri til að taka við landsliðinu. FRÉTTABLAÐIÐ/E.ÓL.
Loksins fékk
ég tækifærið