Fréttablaðið - 22.03.2006, Blaðsíða 37

MARKAÐURINN 17MIÐVIKUDAGUR 22. MARS 2006
S K O Ð U N
Brunatjónið á Breiðdalsvík í síð-
ustu viku leiðir hugann að því
hvernig fyrirbyggja megi slík
tjón. Brunatjón geta haft veru-
leg áhrif á rekstur fyrirtækja,
starfsmenn þeirra og afkomu
heilla byggðarlaga. Þótt mörg
fyrirtæki séu vel vátryggð hefur
stöðvun í lengri eða skemmri
tíma veruleg áhrif á afkomu
þeirra.
Þar sem forvarnir eru því
miður oft taldar of tímafrekar er
hér bent á 6 punkta prófið sem
getur komið í veg fyrir tjón eða
takmarkað tjón. Skoðum þessa
6 punkta:
1. Í fyrsta lagi þarf að athuga
hvar slökkvitæki eru og athuga
hvort þau séu í lagi og hvort
fólkið kunni á þau. Hafið alltaf
slökkvitæki þar sem þau eiga að
vera og af réttri gerð.
2. Í öðru lagi þarf að hvetja
starfsmenn til þess að halda
vinnusvæðum snyrtilegum.
Almenn og góð umgengni minnk-
ar hættuna á tjónum. Látið helst
fjarlægja allt drasl samdægurs
og látið það ekki standa yfir
nótt. Geymið öll eldfim efni sem
næst útidyrum og setjið merk-
ingar þannig að slökkvilið viti
um þessi efni. Forðist að safna
saman afgöngum af málningu og
öðrum eldfimum vökvum.
3. Í þriðja lagi þarf að láta
yfirfara rafmagn með reglulegu
millibili og gæta að tengingum
í töflum. Fyrir vinnustaði þar
sem unnið er með tæki á borð
við logsuðutæki eða skurðverk-
færi er brýnt að sýna sérstaka
aðgæslu enda hafa orðið umtals-
verð brunatjón af þeirra völdum.
Hafið alltaf tvö slökkvitæki til
taks þegar slík störf eru unnin
og einhvern til að fylgjast með.
Ef rafmagnslyftari er til staðar
þarf að huga að því að aðstaða til
rafmagnshleðslu sé lokuð af og
vel loftræst.
4. Í fjórða lagi þarf að yfir-
fara brunahólf í húsakynnum
fyrirtækisins. Það hefur sýnt sig
að rétt brunahólfun er eitthvert
öflugasta tækið til að hindra
útbreiðslu elds. Brunahólfun
skal vera í samræmi við lög
og reglugerðir. Ekki má rjúfa
brunahólfun nema í samráði við
hönnuð eða viðkomandi eldvarn-
areftirlit. Gætið að þéttingum
meðfram lögnum og hvers konar
samskeytum. Eldvarnarhurðir
þurfa að vera viðurkenndar og
skal vera einfalt og fljótlegt að
loka þeim. Einnig er gott að hafa
reyklosunarbúnað í þaki en hann
getur skipt sköpum þegar losa
þarf hita úr húsinu.
5. Í fimmta lagi er rétt að
athuga hvort þörf sé á vatnsúð-
unarkerfi en slík kerfi hafa sann-
að sig sem mjög öflug brunavörn.
Vatnsúðunarkerfi slökkva ekki
endilega eld en þau halda honum
í skefjum þar til slökkvilið kemur
á staðinn. Brunaviðvörunarkerfi
beintengt við stjórnstöð ætti
einnig að vera í húsnæðinu þar
sem það styttir verulega þann
tíma sem tekur að koma boðum
til slökkviliðs.
6. Sjötti og síðasti liðurinn í
6 punkta prófinu er að athuga
hvort rýmingaráætlun sé til stað-
ar. Starfsmenn þurfa að gera
rýmingaráætlun, þ.e. flóttaáætl-
un. Handbók með helstu upplýs-
ingum um viðbrögð við bruna
ætti alltaf að vera aðgengileg
starfsfólki og vera hluti af nýliða-
fræðslu. Farið yfir útgönguleiðir
og kennið starfsmönnum ykkar
að bregðast rétt við ef húsið fyll-
ist af reyk. Munið að reykurinn
veldur oftar dauðaslysum í elds-
voða en sjálfur eldurinn. Í hærri
byggingum þarf að vera til stað-
ar brunastigi.
Hafi verið farið yfir þessa 6
punkta í fyrirtæki og tekið á
þeim málum sem þörf var á er
fyrirtækið komið í fremstu röð
í brunavörnum og starfsmenn,
eigendur og viðskiptavinir búa
við aukið öryggi og tryggari
afkomu til lengri tíma.
Geir Jóhannssson
viðskiptastjóri á fyrirtækjasviði Sjóvá
6 punkta brunaprófið
Átak Marka›arins og Sjóvá
ÖRUGG FYRIRTÆKI
AUGL†SINGASÍMI
550 5000