Fréttablaðið - 10.04.2006, Qupperneq 10

10. apríl 2006 MÁNUDAGUR
Framtíðarsjóður
Ber hæstu vexti almennra innlánsreikninga
Engin lágmarksinnborgun
Verðtryggður
Bundinn til 18 ára aldurs
Kjör haldast óbreytt þótt innstæða sé ekki
tekin út við 18 ára aldur
Vildarviðskiptavinur Sparisjóðsins sem gefur
fermingarbarni 5.000 króna gjafabréf í Framtíðar-
sjóð Sparisjóðsins eða meira fær 2.000 króna
viðbót við gjöfina frá Sparisjóðnum. Gefðu
gjöf sem stækkar í pakkanum!
Gjöfin vex í
pakkanum
F
í
t
o
n
/
S
Í
A

F
I
1
6
7
1
3
5.000 kr. verða 7.000 kr.
Kíktu á spar.is og reiknaðu út ávöxtun á
sparnaði í Framtíðarsjóði Sparisjóðsins.
DAGVISTUN Félagsstofnun stúdenta
hefur farið þess á leit við Reykja-
víkurborg að taka yfir rekstur
leikskólans Leikgarðs. 68 börn
eru í leikskólanum.
„Við lögðum inn erindi þessa
efnis í janúar til Reykjavíkur-
borgar og hinn 16. mars var
ákveðið að taka upp viðræður um
málið. Þær standa sem sagt yfir
núna og lýkur vonandi í þessum
mánuði,“ segir Guðrún Björns-
dóttir, framkvæmdastjóri Félags-
stofnunar stúdenta. Viðræðurnar
snúast um kaup á fasteigninni en
Reykjavíkurborg á 77 prósenta
hlut í leikskólanum og hins vegar
um yfirtöku á rekstrinum. Guð-
rún segir að öllu starfsfólki hafi
verið boðið að halda störfum
áfram ef af rekstrarskiptum
verði.
„Það sem fyrir okkur vakir er
að verða við kröfum stúdenta um
að fjölga plássum fyrir börn undir
tveggja ára aldri en þau börn sem
eru eldri halda þó sínu plássi
áfram; svo við leyfum þeim að
eldast upp úr leikskólanum,“ segir
hún. Hún segir að börn yfir
tveggja ára aldri sem búi á stúd-
entasvæðinu fari flest í leikskól-
ann Mánagarð sem er þar skammt
frá. Samningar milli Reykjavík-
urborgar og Félagsstofnunar stúd-
enta gera ráð fyrir að stofnunin
geti keypt hlut borgarinnar í leik-
skólanum sé þess óskað. - jse
Leikskólamál Félagsstofnunar stúdenta:
Vilja kaupa reksturinn
BÖRN Á LEIKSKÓLA Fulltrúar Félagsstofn-
unar stúdenta hafa sóst eftir því að taka
yfir rekstur leikskólans Leikgarðs.
KJARAMÁL „Þrátt fyrir að heilbrigð-
isráðherra beri ekki ábyrgð á
kjarasamningum við starfsmenn,
ber hún engu að síður pólitíska og
faglega ábyrgð á því að hægt sé að
halda öldrunar- og hjúkrunarstofn-
unum í rekstri. Það verður ekki
gert án starfsfólks,“ segir á heima-
síðu Starfsgreinasambands Íslands
en fulltrúar sambandsins og Efl-
ingar stéttarfélags gengu á fund
Sivjar Friðleifsdóttur fyrir helgi.
Á fundinum var ráðherra gert
grein fyrir þeirri miklu óánægju
sem ríkir á meðal starfsmanna
innan Starfsgreinasambandsins
sem vinna samkvæmt samningum
við ríkið. Þessir starfsmenn bera
allt að 40.000 krónum minna úr
býtum en starfsmenn sem vinna
sömu störf hjá sveitarfélögunum
og uppsagnir í stórum stíl eru
fyrirsjáanlegar.
Signý Jóhannesdóttir, sviðs-
stjóri hjá Starfsgreinasamband-
inu, segir að tveir mánuðir séu
liðnir síðan gengið var á fund
launanefndar ríkisins til að vara
við því sem nú er að gerast og vel
komi til greina að hitta fjármála-
ráðherra á næstunni.
Siv segir fundinn hafa verið
gagnlegan. „Það væri mjög alvar-
leg staða sem kæmi upp ef um hóp-
uppsagnir yrði að ræða og þess
vegna fylgist ég vel með málinu.“
- shá
Starfsgreinasambandið fundar með heilbrigðisráðherra:
Ráðherra ber faglega ábyrgð
SIV FRIÐLEIFSDÓTTIR Heilbrigðisráðherra segir stöðuna alvarlega og fylgist vel með. Hún
minnir þó á að hún fari ekki með samningsumboð fyrir hönd ríkisins. FRÉTTABLAÐIÐ/HARI
VARNARMÁL Sjálfstæðisflokkurinn
og Samfylkingin eru á öndverðum
meiði um hvernig varnarmálum
þjóðarinnar skuli háttað í framtíð-
inni. Kom það dyggilega í ljós hjá
leiðtogum flokkanna á flokksráðs-
fundum um helgina.
Á meðan sjálf-
stæðismenn vilja
fyrst og fremst
eiga áfram sam-
starf við Banda-
ríkin vill Sam-
fylkingin í
framtíðinni
treysta á sam-
starf við aðrar
Evrópuþjóðir.
Baldur Þórhallsson, dósent í
stjórnmálafræði við Háskóla
Íslands, segir áframhaldandi
áhuga sjálfstæðismanna á sam-
vinnu við Bandaríkin áhugaverð-
an miðað við það sem á undan sé
gengið í samskiptum þjóðanna í
varnarmálum.
„Það liggur fyrir að Sjálfstæð-
isflokkurinn reynir eins og hann
mögulega getur að fá Bandaríkja-
menn til að halda áfram sýnilegu
varnarsamstarfi við Ísland. Maður
veit ekki nákvæmlega hvað er í
spilunum þar og hvað Bandaríkja-
menn hafa verið að bjóða. Það er
augljóslega verið að bíða eftir
þessu mati Bandaríkjamanna á
þeim ógnum sem steðja að
Íslandi.“ Baldur segir stefnu Sjálf-
stæðisflokksins í málinu í takt við
áherslur síðustu áratuga.
Baldur segir stefnu Samfylking-
arinnar í varnarmálum í takt við
Evrópustefnu hennar. „Sú stefna
felur í sér að Ísland taki þátt í varn-
arstefnu sambandsins og utanríkis-
og öryggismálastefnu þess. Felur
hún meðal annars í sér sameiginleg-
ar varnarskuldbindingar ef Evrópu-
sambandsríkin verða fyrir hryðju-
verkaárás.“
Baldur telur að meginmunurinn
í stefnu flokkanna sé að ráðamenn
Sjálfstæðisflokksins trúi á sýnileg-
ar hervarnir á meðan Samfylking-
in vilji heldur leggja áherslu á sam-
vinnu við ríkin innan ESB. Segir
hann það matsatriði hvort nauð-
synlegt sé að hafa hér sýnilegar
hervarnir. „Vandamálið er að ekki
hefur verið gerð nein ítarleg úttekt
á því hvernig best er að haga varn-
armálum í víðum skilningi hér á
landi en hins vegar hefur þessi rík-
isstjórn lagt mesta áherslu á sýni-
legar loftvarnir. Þegar sú stefna
hefur fallið um sjálfa sig er spurn-
ing hvernig menn ætla að for-
gangsraða núna,“ segir Baldur.
„Ég held að það sé mikilvægt
að íslensk stjórnvöld meti hvaða
mögulega hætta geti steðjað að
landi og þjóð. Í því sambandi er
mjög mikilvægt að fá aðstoð
erlendra sérfræðinga og þá óháðra
aðila frekar en ríkisstjórna. til
er fjöldi óháðra stofnana og sér-
fræðinga bæði í Evrópu og Banda-
ríkjunum sem gæti komið að svona
vinnu.“ freyr@frettabladid.is
Óháð stofnun meti
aðsteðjandi hættu
Sjálfstæðisflokkurinn og Samfylkingin eru á öndverðum meiði varðandi það
hvernig varnarmálum þjóðarinnar skuli háttað. Baldur Þórhallsson stjórnmála-
fræðingur vill að óháðir aðilar meti mögulega hættu hér á landi.
HERMENN Á ÍSLANDI Sjálfstæðismenn vilja halda áfram samstarfi Íslands og Bandaríkja-
manna í varnarmálum. FRÉTTABLAÐIÐ/VILHELM
BALDUR ÞÓRHALLS-
SON