Fréttablaðið - 10.04.2006, Qupperneq 86

10. apríl 2006 MÁNUDAGUR38
1
6 7 8
10
13
119
12
15
16
18
21
20
17
14
19
2 3 4 5
Knattspyrnumönnum er oft hrós-
að fyrir að standa vaktina í hverj-
um leiknum af fætur öðrum og
þykir fréttnæmt að spila nokkra
tugi leikja í röð.
Þótt Þorfinnur Ómarsson sé
vissulega ekki að tækla menn á
grænum grasfleti hefur honum
tekist að halda sér í beinni lengur
en vitað sé.
Á föstudaginn sýndi sjónvarps-
stöðin NFS 100. þátt Fréttavaktar-
innar fyrir og eftir hádegi en þátt-
urinn hefur verið sýndur á
hverjum degi frá því að stöðin fór
í loftið þann 18. nóvember. Þor finn-
ur hefur verið í hverjum einasta
þætti og í beinni útsendingu í 300
klukkustundir alls. Óhætt er að
segja að hann hljóti að vera orðinn
ansi sjóaður í beinum útsending-
um.
„Það er fátt sem kemur mér
lengur á óvart í beinum útsending-
um og ég er búinn að læra hvað
þarf til að höndla þær best. Það er
einhvers konar blanda af kæru-
leysi og einbeitingu. Maður má
ekki láta það að vera í beinni
stressa sig upp en hins vegar þarf
maður stöðugt að vera á tánum og
einbeittur til þess að maður spyrji
réttra spurninga og nái að fylgjast
vel með því sem fólk er að segja.
Þátturinn er mikið sýndur beint
og oft gerist eitthvað nýtt á meðan
þátturinn er í loftinu á milli þrjú
og sex. Stundum höfum við lent í
því að eitthvað gerist klukkan
fjögur og sá sem málinu tengist er
kominn í viðtal til okkar klukkan
hálffimm.“ segir Þorfinnur, sem
verður þó ekki mikið lengur á
Fréttavaktinni.
„Ég fer smávegis í burtu um
páskana og eftir páska fer ég í
Ísland í dag með henni Ingu Lind
en Brynja hættir þar fljótlega. Það
er svo óákveðið hver það verður
sem fær minn stað á Fréttavakt-
inni,“ segir Þorfinnur, sem vill
þakka samstarfsmönnum sínum á
Fréttavaktinni kærlega fyrir sam-
veruna.
- bg
300 klukkustundir í beinni
ÞORFINNUR ÓMARSSON Hefur verið 300
klukkustundir í beinni útsendingu og fátt
kemur honum því lengur á óvart.
LÁRÉTT
2 jurt 6 tónlistarmaður 8 í viðbót 9
flan 11 slá 12 telja 14 faðma 16
óreiða 17 tillaga 18 utan 20 tveir
eins 21 velta.
LÓÐRÉTT
1 listi 3 guð 4 nískupúki 5 á skakk
7 fugl 10 persónufornafn 13 ferð
15 tigna 16 undir þaki 19 á líðandi
stundu.
LAUSN
LÁRÉTT: 2 gras, 6 kk, 8 auk, 9 ras, 11
rá, 12 álíta, 14 knúsa, 16 rú, 17 ráð, 18
inn, 20 ll, 21 snúa.
LÓÐRÉTT: 1 skrá, 3 ra, 4 aurasál, 5
ská, 7 kalkúnn, 10 sín, 13 túr, 15 aðla,
16 ris, 19 nú.
Margrét Sigurðardóttir hefur
dvalið í heimsborginni London síð-
astliðin fimm ár en er nú komin
aftur til Íslands og setur upp sýn-
ingu í Þjóðleikhúsinu á næstu
dögum. „Þarna blanda ég saman
leiknum kvikmyndabrotum og lif-
andi djasstónlist. Sýningin fjallar
um fólk í krísu og alla þá skrítnu
hluti sem það á til að gera í því
ástandi. Þetta er eins konar
skemmtileg blanda af leikhúsi,
kvikmynd og tónlist og er svolítið
öðruvísi að mörgu leyti. Ég nota
gamla djassstandarda í verkið því
mér fannst þeir fanga þessar
klassísku tilfinningar, sem allir
upplifa einhvern tíma, svo ógur-
lega vel,“ segir Margrét. „Verkið
fjallar að ýmsu leyti um togstreit-
una á milli þess sem maður sér og
þess sem er til staðar. Þegar maður
fer í gegnum hluti er aldrei meiri
barátta við að halda andliti en
þegar eitthvað bjátar á. Það er þá
sem spretta upp undarleg hegðun-
armynstur.“
Margrét lærði leiklist við söng-
leikjadeildina í Konservatorium í
Vín og nú síðast var hún í klass-
ísku söngnámi í London. „Mér
þótti nú ósköp gott að búa í London
og það var eiginlega svolítið eins
og að vera á Akureyri því það er
svo stutt að fara heim til Íslands.
Ég var mikið að syngja á tónleik-
um á Englandi auk þess sem ég
var að fikta við annars konar tón-
listarform. Ég er að miklu leyti
komin svolítið meira út í slíka
hluti en áður.“
Sýningin sem hún setur upp í
Þjóðleikhúsinu nefnist The Big
Cry og er frumsýnd hinn 12. apríl.
„Það eru svo tvær sýningar í við-
bót 19. og 20. apríl en ég var áður
búin að sýna þetta úti og mér til
mikillar ánægju var sýningunni
mjög vel tekið þar. Ég er mjög
spennt að sjá hvernig Íslending-
um líst svo á. Gunnar Hrafnsson
kontrabassaleikari vinnur með
mér í verkinu og það hefur verið
algjörlega frábært að vinna með
honum. Einnig finnst mér sérstak-
lega jákvætt að fá að sýna þetta í
Þjóðleikhúsinu og sýnir það hvað
leikhúsið er opið fyrir nýjum
straumum.“ Miða á sýningu Mar-
grétar er hægt að nálgast í miða-
sölu Þjóðleikhússins og ættu sem
flestir að kíkja á sýninguna og
verða fyrir öðruvísi leikhúsupplif-
un en vanalega. hilda@frettabladid.is
MARGRÉT SIGURÐARDÓTTIR: MEÐ SÝNINGU Í ÞJÓÐLEIKHÚSINU
Baráttan við að halda andliti
MARGRÉT SIGURÐARDÓTTIR Frumsýnir
sérstakt leikhúsverk í Þjóðleikhúsinu á
miðvikudaginn sem nefnist The Big Cry.
FRÉTTABLAÐIÐ/HEIÐA
HRÓSIÐ FÆR...
Snorri Snorrason fyrir að bera
sigur úr býtum í Idol-stjörnuleit
Stöðvar 2 en halda ró sinni þrátt
fyrir allt.
Páskarnir eru í þessari viku en
það er einn helgasti tími krist-
inna manna. Einn dagur framar
öðrum er þrunginn miklum
tilfinningahita en það
er föstudagurinn langi.
Að minnast dauða
trúarhetju eða frelsara
er ekkert einsdæmi í trúar-
brögðum mannkyns og nægir
þar að nefna sjíamúslima sem
minnast dauða Husayn bin Ali
við Karbala en hann fórnaði sér í
baráttunni fyrir trúna.
Þórhallur Heimisson, prestur
í Hafnarfjarðarkirkju, segir að það
sem sé sérstakt við föstudaginn
langa sé að dagurinn sé inngangur
að páskadeginum. „Kristnir menn
minnast dauða Krists í ljósi upprisunnar.
Ekki bara að það Jesús hafi dáið heldur
að hann dó fyrir alla menn, öllum til
frelsunar, en reis aftur upp á
þriðja degi. Með því vilja kristn-
ir menn undirstrika að Jesús
hafi verið maður sem gekk inn
í mannleg kjör en einnig að hann var
sonur Guðs og sigraði dauðann fyrir
aðra menn.“
Áður fyrr var föstudagurinn langi
sveipaður mikilli helgi og eflaust
muna þeir sem eldri eru eftir því
þegar varla mátti hreyfa sig né
brosa fyrr en á miðnætti. „Í dag er
þjóð félagið hins vegar þannig að þeir
sem vilja minnast fórnar Jesú gera
það með ákveðnum hætti en svo eru
aðrir sem vita ekki hvað föstudag-
urinn langi þýðir og er eiginlega alveg
sama. Mér finnst miklu eðlilegra að fólk
sem vilji halda hann heilagan geri það
og þeim sem er alveg sama fái bara að
vera það.“
Þórhallur hefur oft verið við messur
á föstudeginum langa og segir það vera
magnaða stund í kirkjunni. „Ég finn að
fólk er þarna af sannri trú. Öll forsagan
að krossfestingunni er mjög tilfinninga-
þrungin og fólk speglar sjálft sig í öllum
þeim persónum sem þar koma fyrir.
Föstudagurinn langi er mjög dramatísk-
ur dagur og mikið andlegt ferðalag fyrir
þann sem veltir þessum hlutum fyrir sér.
Fólk sem hefur lent í erfiðum hlutum á
árinu upplifir píslargöngu Jesú kannski
sérstaklega sterkt og finnur Guð í sinni
þjáningu.“
SÉRFRÆÐINGURINN: ÞÓRHALLUR HEIMISSON OG FÖSTUDAGURINN LANGI
Hinn trúaði finnur Guð í þjáningu sinni
SÉRA ÞÓRHALLUR HEIMISSON Messurnar á
föstudeginum langa eru mjög tilfinninga-
þrungnar og mögnuð stund í kirkjunni.
��������
��� �� ��� ��� ���
�� �� ��� ��� ������
��� ��� ��
�� �� �� �� �
�� �� �� �� �
��������
�����������������������
�������������
������������������������������
��
��������
�����������
��������������
���� ���������
�������������������������
550 5000
AUGLÝSINGASÍMI