Fréttablaðið - 11.04.2006, Blaðsíða 4

4 11. apríl 2006 ÞRIÐJUDAGUR
LÖGREGLUMÁL Ungur ökumaður
missti stjórn á bifreið sinni um
helgina, með þeim afleiðingum að
hún fór fram af Geirsnefi og lenti
á hvolfi í voginum. Pilturinn og
stúlka, sem var með honum í bíln-
um, komust af sjálfsdáðum út úr
honum og voru flutt á slysa- og
bráðadeild Landspítalans til
aðhlynningar.
Það var á sjötta tímanum síð-
degis á sunnudag að lögreglunni í
Reykjavík barst tilkynning um að
bíll væri í sjónum út af Geirsnefi.
Þegar lögreglan kom á vettvang
hafði fólkið sem var í bílnum kom-
ist út úr honum og kraflað sig í
land. Um var að ræða pilt og
stúlku undir tvítugu. Þau voru
orðin köld og hrakin og voru flutt
með sjúkrabíl á slysadeildina.
Meiðsli þeirra reyndust vera
minni háttar. Þá fékk lögreglan
kranabíl til að ná ökutækinu upp
úr voginum.
Tildrög slyssins eru í rannsókn
hjá Lögreglunni í Reykjavík, en
nokkuð ljóst þykir af verksum-
merkjum að bíllinn, sem var jap-
anskur fólksbíll, hafi verið á all-
mikilli ferð þegar slysið varð. - jss
GEIRSNEF Bíllinn lenti úti í sjó
eftir að ökumaður hans hafði
misst vald á honum í ökuferð á
Geirsnefi.
Ungt par hætt komið eftir að ökumaður missti stjórn á bíl sínum á Geirsnefi:
Ökuferðinni lauk úti í sjó
VENESÚELA, AP Hugo Chavez, forseti
Venesúela, hótaði bandaríska sendi-
herranum í Venesúela að hann yrði
gerður brottrækur úr landinu, færi
hann ekki að settum reglum og
hætti að ögra Venesúelamönnum.
William Brownfield og fylgis-
menn hans lentu í útistöðum við
andstæðinga Bandaríkjanna á
föstudag, þegar hann fór inn í
fátækrahverfi til að gefa börnum
bolta. Íbúar hentu eggjum og tóm-
ötum í bílalest hans.
Chavez sagði Brownfield ekki
hafa farið að settum reglum með
að tilkynna um ferðir sínar. - smk
Forseti Venesúela:
Hótar að reka
sendiherra
Bandaríkjadalur 73,19 73,53
Sterlingspund 127,77 128,08
Evra 88,63 89,13
Dönsk króna 11,876 11,946
Norsk króna 11,256 11,322
Sænsk króna 9,457 9,513
Japanskt jen 0,6174 0,621
SDR 105,45 106,07
GENGIÐ
GENGI GJALDMIÐLA 10.4.2006
HEIMILD: Seðlabanki Íslands
KAUP SALA
Gengisvísitala krónunnar
123,9253
SPARISJÓÐIR Stefnt er að því að sam-
eina Sparisjóð Hornafjarðar og
nágrennis og Sparisjóð Vestmanna-
eyja en stjórnarformaður beggja
sparisjóðanna er Þór Vilhjálmsson.
Þór segir starfsemi sjóðanna
fara vel saman. „Sparisjóður Vest-
mannaeyja er orðinn ríkjandi í
Sparisjóði Hornafjarðar og
nágrennis. Við teljum það vera í
anda þess sem við höfum verið að
gera, að sameina sjóðina. Við höfum
verið að útvíkka okkar starfsemi og
við teljum það vera gæfuspor að
sameina sjóðina.“
Aðalfundur Sparisjóðsins í Vest-
mannaeyjum verður haldinn í næsta
mánuði. -mh
Hornafjörður og Eyjar:
Vilja sameina
tvo sparisjóði
LÖGREGLUFRÉTTIR
Fólk undir aldri á krám Ungmenn-
um var vísað út af fimm veitingahúsum
um helgina vegna þess að þau höfðu
ekki aldur til að sækja vínveitingahús.
Það voru óeinkennisklæddir lögreglu-
menn ásamt starfsmönnum íþrótta- og
tómstundaráðs sem sinntu eftirliti á 21
veitingahúsi í borginni.
ÍTALÍA Úrslit kosninganna á Ítalíu
benda til þess að næsta ríkisstjórn
verði býsna völt á fótunum. Á
tíunda tímanum í gærkvöldi virt-
ust Romano Prodi og bandalag
vinstri flokkanna ætla að vinna
afar nauman sigur í fulltrúadeild-
inni, en Silvio Berlusconi og hægri
flokkarnir virtust ætla að ná
meirihluta í öldungadeildinni.
Endanleg úrslit verða vart ljós
fyrr en í dag.
Afskaplega mjótt var á mun-
unum í gærkvöldi því báðar fylk-
ingar höfðu hlotið tæplega 50 pró-
sent í báðum þingdeildum og
óvíst hvernig endanleg úrslit
yrðu, ekki síst þar sem talningu
utanlandsatkvæða var ekki lokið.
Sex þingsæti í öldungadeildinni
og tólf í fulltrúadeildinni eru
kosin af Ítölum sem búsettir eru
erlendis, en þeir eru um það bil
þrjár milljónir talsins. Allt benti
til þess í gærkvöldi að atkvæði
þeirra yrðu frekar Prodi í hag en
Berlusconi.
Nýtt kosningafyrirkomulag,
sem Berlusconi fékk þingið til að
samþykkja í desember síðastliðn-
um, flækir enn fremur úrslitin því
ekki er víst að þingsæti verði í
beinu hlutfalli við atkvæðamagn.
Báðar fylkingarnar höfðu lýst því
yfir fyrir kosningar að nái hvorug
þeirra meirihluta í báðum þing-
deildum verði að efna til nýrra
kosninga sem fyrst, enda þarf
meirihluta í báðum þingdeildum
til þess að samþykkja lagafrum-
vörp.
Útgönguspár höfðu fyrr um
daginn bent til þess að Prodi hefði
nauman sigur, bæði í fulltrúadeild-
inni og öldungadeildinni, en eftir
því sem leið á daginn minnkaði
munurinn milli fylkinganna. Um
kvöldið leit jafnvel út fyrir að
Berlusconi myndi fara með sigur
af hólmi.
Kosningaþátttakan var heldur
meiri en í síðustu þingkosningum.
Nú var hún 83,6 prósent en var
81,4 prósent árið 2001.
Kosningabaráttan snerist á
lokasprettinum mest um persónu
Berlusconis, sem lét ýmsar skraut-
legar yfirlýsingar flakka og virt-
ist æ skapstirðari eftir því sem
nær dró kosningunum. Hann líkti
sjálfum sér við bæði Jesú Krist og
Napóleon og sagði alla kjósendur,
sem ekki greiddu honum atkvæði
sitt, vera fífl.
Hvað málefni snertir hafði
gagnrýni á stjórn Berlusconis ekki
síst beinst að efnahagsmálum, en
þessum ríkasta manni Ítalíu hafði
ekki tekist að koma skriði á efna-
hagslíf landsins á kjörtímabili
sínu og hagvöxtur árið 2005 mæld-
ist núll prósent.
Honum hafði þó tekist að halda
ríkisstjórn sinni við völd í heilt
kjörtímabil, en svo langlíf hefur
engin önnur ríkisstjórn verið í
gjörvallri sögu Ítalíu frá lokum
seinni heimsstyrjaldar.
Víst er að sigurvegarinn á erf-
iða tíma í vændum. Romano Prodi
er leiðtogi í bandalagi vinstri- og
miðjuflokka, sem margir hverjir
eiga fátt sameiginlegt. Þar innan-
borðs eru til dæmis bæði Nýi
kommúnistaflokkurinn, sem svo
heitir, og gamli ítalski Kommún-
istaflokkurinn, sem á sínum tíma
varð fyrri stjórn Romanos að
falli. gudsteinn@frettabladid.is
MILLI VONAR OG ÓTTA Spennan var nánast óbærileg þar sem stuðningsmenn Prodis biðu
frétta af talningu atkvæða í gærkvöldi. FRÉTTABLAÐIÐ/AP
Tvísýn úrslit á Ítalíu
Gífurleg spenna ríkti á Ítalíu í gærkvöldi þegar talið var upp úr kjörkössunum.
Stjórnmálaskýrendur telja að næsta ríkisstjórn landsins verði ekki langlíf.
ÓHAPP Stúlka missti meðvitund
þegar hún tróðst undir í ganga-
slag Menntaskólans í Reykjavík í
síðustu viku. Var slagurinn sam-
stundis stöðvaður og kallaður til
sjúkrabíll en stúlkan jafnaði sig
fljótt.
Gangaslagurinn er árlegur við-
burður og fer þannig fram að
elstubekkingar reyna að brjótast í
gegnum þvögu yngri nemenda og
hringja skólabjöllunni.
Yngvi Pétursson, rektor skól-
ans, segir að endurskoða þurfi
þessa hefð en gat ekki svarað því
að svo stöddu hvort slagurinn yrði
lagður niður. - eö
Gangaslagur MR úr böndum:
Stúlka missti
meðvitund
BARIST UM BJÖLLUNA Gangaslagurinn
hefur verið árlegur viðburður í Menntaskól-
anum í Reykjavík. FRÉTTABLAÐIÐ/E.ÓL
NEPAL, AP Lögregla skaut gúmmí-
kúlum á andstæðinga konungsins í
Nepal í gær, þegar til átaka kom
enn á ný á milli mótmælenda og
herlögreglu. Jafnframt notaði hún
táragas til að dreifa mannfjöldan-
um og barði suma með prikum.
Þó héldu flestir íbúar Katmandú
sig heima við mestallan daginn í
gær, því útgöngubann ríkti í borg-
inni þriðja daginn í röð. Þegar því
var lyft í örfáar klukkustundir
flykktist fólk út á götur og markaði
til að ná sér í nauðsynjavörur.
Gyandendra konungur tók sér
einræði fyrir ári síðan, og hefur
óánægja landsmanna með hann og
stjórn hans farið vaxandi æ síðan.
- smk
Óeirðir í Nepal:
Konungi enn
mótmælt
MÓTMÆLI Vinstrisinnaður mótmælandi
stöðvaður af herlögreglu í Katmandú í
Nepal í gær.FRÉTTABLAÐIÐ/AP
Skoski þingforsetinn til Íslands
Forseti skoska þingsins kemur í opin-
bera heimsókn til Íslands í boði Sólveig-
ar Pétursdóttur, forseta Alþingis, dagana
10. til 13. apríl. Í för með honum verður
sjö manna sendinefnd þingmanna og
embættismanna.
STJÓRNMÁL