Fréttablaðið - 11.04.2006, Qupperneq 25

Heimild: Almanak Háskólans
Smáauglýsingasími
550 5000
Auglýsingasími Allt
550 5880
Þú getur pantað
smáauglýsingar á visir.is
FASTEIGNIR HEIMILI HEILSA HÚS BÖRN NÁM FERÐIR MATUR BÍLAR TÍSKA ATVINNA FERMINGAR TILBOÐ O.FL.
Í Fríkirkjunni í Reykjavík fermast 42 ungmenni í vor.
Þar fá börnin sjálf að velja fermingardaginn sinn.
Fermingin í Fríkirkjunni er með örlítið öðruvísi áherslum
heldur en gerist í þjóðkirkjunni. Séra Ása Björk Ólafsdóttir
prestur segir að sérstaða fermingarinnar í Fríkirkjunni í
Reykjavík sé helst sú að fermingarbörnin fái sjálf að velja
fermingardaginn sinn. „Við erum með átta dagsetningar
sem við bjóðum formlega upp á en við getum einnig fermt
á öðrum dögum sé óskað eftir því,“ segir Ása og bætir við
að þau fermi einnig á haustin og um jólin.
Í lok sumars koma fermingarbörnin saman í sérstakan
fermingarskóla sem tekur nokkra daga. Krakkarnir koma
síðan jafnt og þétt yfir veturinn í fermingarfræðslu allt
fram á fermingardaginn. „Við hittum þau ekki alveg eins
oft, en við erum lengur í hvert sinn,“ segir Ása Björk en Frí-
kirkjan í Reykjavík er fyrsta kirkjan sem hefur þetta fyrir-
komulag.
Fermingarbörnin velja sjálf versin sín og segir Ása
Björk að það sé vinna fyrir þau að finna vers sem standa
þeim nærri. Í Fríkirkjunni fermast yfirleitt mjög litlir
hópar í einu. „Við fermum fimm stúlkur um næstu helgi og
þar sem við erum með risastóra kirkju þá hvetjum við alla
fjölskylduna til þess að koma og taka þátt í þessari stund
með okkur. Við þurfum ekki að setja reglur um hámarks-
fjölda gesta eins og annars staðar.“
Þar sem hóparnir eru litlir gefst þeim kostur á að hafa
fermingarfræðsluna einstaklingsmiðaða og persónulega. „Í
fræðslunni leggjum við mikla áherslu á mannréttindasátt-
mála Sameinuðu þjóðanna og boðorðin tíu. Megináhersla
okkar er samt á siðferðisleg gildi, náungakærleik og mann-
gildi.“ Ása Björk segir að tilgangur fræðslunnar sé að sýna
krökkunum að kirkjan sé meira en bara stór bygging.
„Kirkjan er samfélag fólks og þeir sem við hittum í lífinu
bæði í gleði og sorg eru náungar okkar og það er mikilvægt
fyrir þau að vita að kirkjan er til staðar fyrir þau í lífinu.“
Börnin ráða
deginum
Séra Ása Björk prestur í Fríkirkjunni í Reykjavík og Sebastían Kristinsson sonur hennar sem fermist í ár.
GÓÐAN DAG!
Í dag er þriðjudagurinn
11. apríl, 101. dagur ársins
2006.
Sólarupprás Hádegi Sólarlag
Reykjavík 6.11 13.29 20.49
Akureyri 5.49 13.13 20.40
Brúðarkvöld í Bæjarlindinni eru
hafin. Á brúðarkvöldunum geta
tilvonandi brúðhjón komið og
kynnt sér það nýjasta í vörum og
þjónustu frá nokkrum fyrirtækj-
um. Kvöldin eru ókeypis og
hægt er að fá persónulega
ráðgjöf fyrir brúð-
kaupið. Nánari
upplýsingar
má finna á www.
brudkaup.is.
Danir hafa á að skipa flest-
um sálfræðingum miðað við
höfðatölu. Sérfræðingar segja
þetta vísbendingu um aukna
einangrun fólks og að það eigi
sífellt erfiðara með að leita til
vina og vandamanna eigi það í
einhverju sálarstríði. Íslendingar
eru í sjöunda sæti hvað varðar
fjölda sálfræðinga miðað við
höfðatölu.
Fermingarveislurflóðið er nú að
ná hátindinum. Til þess að verða
ekki þurrausinn af veisluspjalli er
ágætt að lesa vel yfir blöðin og
hlusta á fréttir dagana fyrir ferm-
ingarveisluna og rifja upp einn
klassískan brandara svo neyðin
kalli ekki á enn eina umræðuna
um veðrið.
ALLT HITT
[HEILSA FERMINGAR BRÚÐ-
KAUP]
LÝÐHEILSUSTÖÐ
OG HEILSUGÆSLA
HÖFUÐBORGARSVÆÐISINS
ÆTLA AÐ STARFA SAMAN Í
ÞÁGU BARNA.
Fulltrúar Lýðheilsustöðvar
og Heilsugæslu
höfuðborgarsvæðisins
undirrituðu nýlega
samstarfssamning til ársins
2010 í þágu barna. Með
samstarfssamningnum er
ætlunin að efla samskipti
stofnananna tveggja en
þess utan er markmið
með samstarfinu að
vinna að rannsóknar- og
þróunarverkefnum til stuðnings
heilsu barna á Íslandi. Miðstöð
heilsuverndar barna ber ábyrgð
á samningnum fyrir hönd
Heilsugæslunnar.
Þegar eru hafin nokkur
samstarfsverkefni þó ekki hafi
verið undirritaður formlegur
samningur þar um fyrr en nú.
Má þar nefna gerð fræðsluefnis
fyrir foreldra um næringu
ungbarna, fræðsluefnis fyrir
starfsfólk heilsugæslu og
um tannvernd ungbarna.
Ennfremur er samstarf um
gerð fræðslu- og forvarnarefnis
fyrir grunnskólabörn
og foreldra þeirra, sem
skólahjúkrunarfræðingar
munu nýta í starfi sínu, og um
útgáfu á rannsóknaverkefnum
læknanema um lýðheilsu barna
á Íslandi.
www.heilbrigdisraduneyti.is
Samstarf í þágu barna
Markmiðið með samstarfinu
er að vinna að rannsóknar- og
þróunarverkefnum til stuðnings
heilsu barna á Íslandi.
GRÍSKAR SNYRTIVÖRUR
MEÐ ÓLÍFUOLÍU
Ólífuolía hefur lengi verið notuð við
ýmsum húðvandamálum.
Olivia-snyrtivörurnar
hafa reynst mjög vel
þeim sem eru með við-
kvæma húð eða exem.
HEILSA 3
MEIRI FRÆÐSLU
UM LÍFIÐ SJÁLFT
Gréta Morthens fermdist
síðastliðinn sunnudag. Hún er
ánægð með daginn en fannst að
fræðslan mætti taka meira mið
af lífinu sjálfu
FERMING 6