Fréttablaðið - 11.04.2006, Page 58

11. apríl 2006 ÞRIÐJUDAGUR42
FÓTBOLTI Líkt og hjá Kevin Keegan
og Arsene Wenger forðum bíður
gamli refurinn Sir Alex Ferguson
átekta eftir því að Chelsea mis-
stígi sig í baráttunni um Eng-
landsmeistaratitilinn. Árið 2003
var Arsenal átta stigum á undan
United í mars en frábær loka-
sprettur hjá Manchesterliðinu, og
slæmt gengi Arsenal, varð til þess
að United hampaði titlinum.
Það sama gerðist fyrir tíu árum
þegar Newcastle hafði fimmtán
stiga forystu á United um jólin, en
Ferguson tókst að stýra sínu liði
til sigurs í deildinni. Ótrúlegt
skrið hefur verið á United á síð-
ustu vikum og liðið hefur unnið
níu leiki í röð, þar á meðal gegn
Arsenal um helgina. Chelsea
hefur þó vart stigið feilspor og er
því erfitt að sjá sjö stiga forystu
Chelsea hverfa eins og dögg fyrir
sólu þegar aðeins fimm leikir eru
eftir, þrátt fyrir að liðin eigi eftir
að mætast innbyrðis.
„Þeir eiga enn eftir að spila á
útivelli gegn Bolton, Blackburn og
svo gegn Newcastle í lokaumferð-
inni í síðasta leik Alans Shearer
fyrir félagið Það eru því margir
hlutir okkur í hag,“ sagði Fergu-
son en United á eftir að leika gegn
Sunderland, Tottenham, Middles-
brough og Charlton auk Chelsea
sem á eftir Bolton, Everton, Black-
burn og Newcastle auk erfiðs leiks
gegn Liverpool í undanúrslitum
FA-bikarkeppninnar.
Chelsea vonast því svo sannar-
lega eftir því að vera búið að
tryggja sér titilinn áður en félagið
mætir United þann 29. apríl en til
þess verður Chelsea að vinna
næstu tvo leiki, úti gegn Bolton og
heima gegn Everton, og United að
tapa í það minnsta þremur stigum
í næstu þremur leikjum, heima
gegn Sunderland, úti gegn Totten-
ham og heima gegn Middles-
brough.
- hþh
Ekkert er gefið eftir í baráttu Chelsea og Manchester United um enska titilinn:
Sir Alex bíður eins og refur
SIR ALEX FERGUSON Vonast til að stela
titlinum af Chelsea. NORDICPHOTOS/GETTY IMAGES
FÓTBOLTI Cristiano Zanetti var
skiljanlega skelfingu lostinn þegar
tugir stuðningsmanna Inter frá
Mílanó réðust að liðinu eftir heim-
komuna frá Ascoli þar sem liðið
bar 2-1 sigur úr býtum. Þessir svo-
kölluðu stuðningsmenn voru æfir
þegar Inter datt út úr Meistara-
deildinni gegn Villarreal og þrátt
fyrir sigur gegn Ascoli, grýttu
stuðningsmennirnir öllu lauslátu í
leikmennina.
„Það var ausið yfir okkur fúk-
yrðunum þegar við vorum að fara
upp í bílana okkar eftir að hafa
komið út úr flugstöðinni. Það voru
um 100 manns sem öskruðu á
okkur og hentu hlutum. Einn af
þeim lenti á mér,“ sagði Zanetti
sem fékk stóran skurð á ennið
fyrir vikið.
Ítalinn gengur til liðs við
Juventus í sumar en hann telur að
það sé ekki ástæðan fyrir því að
hann varð fyrir barðinu á skríln-
um. „Ég held að það hafi ekki skipt
máli. Ég var ekki eini leikmaður-
inn á svæðinu. Javier Zanetti,
Sinisa Mihajlovic, Pierre Wome og
fleiri voru þarna líka,“ sagði þessi
knái miðjumaður. - hþh
Cristiano Zanetti:
Þetta var alveg
skelfilegt
ZANETTI OG MIHAJLOVIC Urðu fyrir barðinu
á bandbrjáluðum aðdáendum Inter.
NORDICPHOTOS/GETTY IMAGES
FÓTBOLTI Enskir fjölmiðlar greindu
frá því um helgina að Wayne Roon-
ey, leikmaður Manchester United,
væri langt leiddur vegna spila-
fíknar og skuldaði um 700.000
pund. Einn þeirra sem hann átti að
skulda pening er sjálfur Michael
Owen, sem á að hafa komið Roon-
ey upp á lagið með að taka þátt í
veðmálum.
Þá var einnig talað um að félag-
arnir væru orðnir óvinir vegna
fjárhættuspila en ensku blöðin
hafa greinilega hlaupið á sig hvað
þetta mál varðar. Málið er gengið
svo langt að Rooney og Owen hafa
neyðst til að senda frá sér yfirlýs-
ingu til að stemma stigum við
þessum sögusögnum.
„Wayne á ekki í neinum útistöð-
um við Michael, þeir eru góðir
félagar og hlakka til að spila
saman á Heimsmeistaramótinu í
sumar,“ sagði í yfirlýsingu frá
þeim kumpánum. - hþh
Owen og Rooney:
Eiga ekki við
fíkn að stríða
ROONEY OG OWEN Vinátta þeirra hefur
ekkert minnkað. NORDICPHOTOS/GETTY IMAGES
GOLF Það var mikil spenna fyrir
lokadag Masters-mótsins í golfi en
sú spenna var fljót að fara því Phil
Mickelson lék langbesta golfið síð-
asta daginn og sigraði mótið nokk-
uð þægilega. Margir áttu von á því
að Tiger Woods myndi bíta frá sér
og hann byrjaði á að fá fugl en
spilamennska hans í kjölfarið var
upp og niður og hann endaði í
þriðja sæti.
Mickelson hefur verið að leika
stórkostlega síðustu mánuði og
eru margir golfspekingarnir á því
að loksins sé kominn maður sem
geti staðið upp í hárinu á Tiger
Woods.
„Fólk skal slaka á með allt
slemmutal,“ sagði Mickelson eftir
mótið en hann hefur unnið þrjú af
síðustu níu stórmótunum. „Ég hef
gaman af því sem ég er að gera og
einbeiti mér að því en ekki hvort
ég geti unnið öll stórmót.“ - hbg
Masters-mótið:
Mickelson sigr-
aði örugglega
Í GRÆNA JAKKANUM Mickelson eignaðist
sinn annan græna jakka um helgina.
FRÉTTABLAÐIÐ/GETTY IMAGES
TILNEFNINGAR Fimm fræknir
íþróttakappar hafa verið tilnefnd-
ir til hinna eftirsóttu verðlauna
um besta íþróttamann heims. Það
er Laureus-akademían sem efnir
til kjörsins hverju sinni en kjörið
fer þannig fram að íþróttaritstjór-
ar og fréttamenn hjá tímaritum,
dagblöðum og sjónvarpsstöðvum
víða um heim tilnefna ákveðna
íþróttamenn. Síðan kjósa 42 eldri
íþróttahetjur hvern þeir telja eiga
viðurkenninguna skilið.
Þeir sem tilnefndir eru í ár eru
Formúlu 1-ökuþórinn Fernando
Alonso, golfarinn Tiger Woods,
tenniskappinn Roger Federer,
mótorhjólakóngurinn Valentino
Rossi, hjólreiðagarpurinn Lance
Armstrong og sjálfur Ronaldinho.
Evrópumeistarar Liverpool eru
tilnefndir sem lið ársins og einnig
Renault-liðið í Formúlu 1, nýsjá-
lenska rugbylandsliðið, tennis-
landslið Króata frá Davis Cup
mótinu, San Antonio Spurs úr
NBA-deildinni auk knattspyrnu-
liðsins Barcelona. - hþh
Laureus-verðlaunin:
Fræknir kapp-
ar tilnefndir
HANDBOLTI Íslenska kvennalands-
liðið gerði enga frægðarför til
Tékklands á dögunum. Þar tók
liðið þátt í æfingamóti sem var
hluti af undirbúningi fyrir umspils-
leiki gegn Makedónum um laust
sæti á EM í Svíþjóð sem fram fer
í desember. Liðið tapaði öllum
leikjum sínum á mótinu og hafn-
aði því augljóslega í neðsta sæti
mótsins.
„Við fórum með svolítið nýtt
lið enda misst einar tólf stelpur úr
hópnum á þrem árum vegna barn-
eigna. Markmiðið var að gefa
öllum stelpunum tækifæri og um
leið reyna að fá svör við ákveðn-
um spurningum eins og hvað við
þurfum að bæta. Við þurfum að
bæta vörnina sérstaklega enda
eigum við of fáa leikmenn sem
geta spilað vörn,“ sagði Stefán
Arnarson landsliðsþjálfari. „Við
erum á eftir í stöðunni maður á
móti manni bæði í vörn og sókn.
Þrátt fyrir þessar staðreyndir
vorum við inni í öllum leikjunum
og það vantaði herslumuninn upp
á að klára eitthvað af þessum
leikjum.“
Stefán segir að makedónska
liðið sé svipað að styrkleika og
liðin sem voru á þessu móti en sé
engu að síður aðeins sterkara en
það íslenska og því verði á bratt-
ann að sækja hjá íslenska liðinu í
umspilsleikjunum.
„Við munum endurheimta
Berglindi Írisi fyrir leikina gegn
Makedónum og svo mun ég vænt-
anlega ræða við Hörpu Melsted
og Ingu Fríðu Tryggvadóttur um
að vera með í þessum leikjum.
Þetta eru svakalega mikilvægir
leikir og það er möguleiki að kom-
ast á EM en þá þarf margt að
smella saman hjá okkur,“ sagði
Stefán. - hbg
Stefán Arnarson, landsliðsþjálfari í handknattleik, svarar fyrir gengi kvennalandsliðsins í Tékklandi:
Okkur vantar fleiri góða varnarmenn
ÁGÆTT MÓT HJÁ JÓNU MARGRÉTI Jóna Margrét Ragnarsdóttir lék einna best í íslenska
liðinu á æfingamótinu í Tékklandi. FRÉTTABLAÐIÐ/VILHELM
FÓTBOLTI Craig Bellamy vísar því
alfarið á bug að hann sé maður
sem hafi slæm áhrif á þau lið sem
hann hefur spilað fyrir á ferlinum
eins og fyrrum knattspyrnustjóri
hans, Graeme Souness, gaf til
kynna þegar hann setti hann í
skammarkrókinn hjá Newcastle á
sínum tíma.
„Þegar ég var hjá Newcastle
höfnuðum við í þriðja, fjórða og
fimmta sæti og sjáið bara hvar
Blackburn er í dag, í 5. sæti. Já,
það er aldeilis að ég er að skemma
fyrir gengi liða minna,“ sagði
Bellamy kaldhæðnislega. - hþh
Craig Bellamy:
Skot á Souness
KÖRFUBOLTI Það voru engin þreytu-
merki á Borgnesingum í upphafi
leiks þrátt fyrir ótrúlega stífa dag-
skrá undanfarið. George Byrd gaf
tóninn fyrir þriggja stiga veisluna
með einni slíkri í byrjun leiks.
Þrjár fyrstu körfur Borgnesingua
komu fyrir utan þriggja stiga lín-
una og heimamenn tóku fljótlega
forystu gegn Njarðvíkingum sem
gekk illa í byrjun leiks. Aðeins var
lífsmark með Friðriki Stefánssyni
sem átti skínandi fyrri hálfleik, líkt
og Brenton Birmingham.
Njarðvíkingar áttu undir högg
að sækja eftir fyrsta leikhluta
þegar þeir voru 27-15 undir. Þeir
spýttu heldur betur í lófana og
komust betur og betur inn í leikinn.
Þriggja stiga skot heimamanna
rötuðu ekki rétta leið og sóknar-
leikurinn var einsleitur, síendur-
tekin þriggja stiga skot sem hættu
að rata ofan í körfuna. Skallagríms-
menn nýttu sér styrk George Byrd
undir körfunni ekki nægilega vel á
meðan Njarðvíkingum gekk vel að
finna Friðrik hinum megin á vellin-
um sem kláraði sín færi vel.
Njarðvíkingar gengu á lagið og
minnkuðu muninn jafnt og þétt. Í
hálfleik var munurinn kominn
niður í fjögur stig, 42-38, eftir að
hafa verið sautján stigum undir í
byrjun annars leikhluta og spenn-
andi síðari hálfleikur hófst með
látum.
Þeir félagar Dimitar Karadzov-
ski og Jovan Zdravevski áttu frá-
bæran leik fyrir Borgnesinga og
þeir röðuðu niður körfunum þegar
mest á reyndi. Heimamenn tóku
forystuna á ný í þriðja leikhluta og
lánlausum Njarðvíkingum tókst
ekki að minnka muninn sem var
þrettán stig að þriðja leikhluta
loknum, 67-54. Frábær varnarleik-
ur og skynsamlegur sóknarleikur
var undirstaðan að sigri Borgnes-
inga sem léku við hvern sinn fing-
ur á ógnarsterkum heimavelli
sínum þegar þeir kláruðu leikinn í
fjórða og síðasta leikhlutanum.
Þegar fjórar mínútur lifðu leiks
höfðu heimamenn í Skallagrími 78-
64 yfir og Njarðvíkingar gerðu
hvað þeir gátu til að minnka mun-
inn. Þegar rúm mínúta var eftir
höfðu heimamenn níu stiga forystu
sem reyndist gestunum vera um of
og Skallagrímur vann að lokum 87-
77.
Friðrik Stefánsson átti mjög
góðan leik fyrir Njarðvík og var
allt í öllu í leik liðsins, á báðum
endum vallarins á löngum köflum.
Hann skoraði 21 stig, en Jeb Ivey
skoraði 25 en það dugði ekki til.
Zdravevski skoraði 24 fyrir
Skallagrím, Karadzovski 22 og
George Byrd 19.
Heimamenn voru vel að sigrin-
um komnir og setja einvígið um
Íslandsmeistaratitilinn í spennandi
stöðu, nú þegar liðin hafa unnið
sinn leikinn hvorn en sá næsti fer
fram í Njarðvík á laugardaginn.
hjalti@frettabladid.is
Vorverkin hafin í Fjósinu
Skallagrímur jafnaði metin í 1-1 í úrslitaeinvíginu gegn Njarðvík á heimavelli
sínum, Fjósinu, í gærkvöldi. Leiknum lauk með 87-77 sigri Borgnesinga.
FRIÐRIK STEFÁNSSON Átti góðan leik fyrir Njarðvíkinga í gær en því miður fyrir hann var
það ekki nóg. Skallagrímsmenn höfðu sigur í leiknum og jöfnuðu úrslitaeinvígið 1-1.
FRÉTTABLAÐIÐ/VILHELM