Fréttablaðið - 20.04.2006, Blaðsíða 18

20. apríl 2006 FIMMTUDAGUR18
Vissir þú
að hinn grái gæðingafaðir
Gáski frá Hofsstöðum átti 682
skráð afkvæmi. Þeirra hæst
dæmdur og þekktastur er
Gustur frá Hóli með 8,57 í aðal-
einkunn en næstur í röðinni er
Eiður frá Oddhóli með 8,45.
www.worldfengur.com
Viðar Ingólfsson hefur lengi þótt með efnilegri
ungum knöpum enda vakti hann verðskuldaða
athygli í keppni sem unglingur. Viðar er löngu
hættur að vera efnilegur enda hefur hann
stimplað sig inn sem einn af betri atvinnu-
tamningamönnum á landinu.
Viðar varð um helgina í öðru sæti á ístölts-
móti landsliðsins á hryssunni Stemmu frá
Holtsmúla sem er alsystir gæðingsins Suðra frá
Holtsmúla. „Þetta var mjög hörð keppni og ég
bjóst ekki við því að svo vel gengi,“ segir Viðar
hógvær og lýsir Stemmu sem frábæru hrossi
og mjög viljugri. Hann hefur verið með hana á
þriðja vetur og gengið vel á keppnisvellinum.
Viðar er með um tuttugu hross á húsi og
með mann í vinnu með sér. Hann hefur verið í
hestamennsku alla sína tíð en hefur haft hana
að aðalatvinnu í eitt og hálft ár, að hluta til með
menntaskóla sem hann kláraði ekki alls fyrir löngu.
Viðar segir alveg nóg að gera í hestabransan-
um. „Mér finnst heldur vera skortur á tamninga-
mönnum en hitt. Maður þarf að vísa töluvert
frá,“ segir Viðar og finnst tamningamönnum
hafa fækkað, sérstaklega á Víðidalssvæðinu.
Þrátt fyrir það vill hann ekki meina að keppnin
sé neitt minni um að komast á landsmót, en
þangað stefnir hann með heilt hrossastóð eða
um tíu til fimmtán hross. „Það eru fleiri hestar
á færri höndum auk þess sem mikill fjöldi
áhugamanna á orðið góða hesta og stendur sig
vel í keppni,“ segir Viðar sem ætlar að koma um
tíu kynbótahrossum á landsmót. Það að auki
stefnir hann á að keppa á Tuma frá Stóra-Hofi,
Gammi frá Skíðbakka auk Stemmu sem áður
er getið. Viðar og Tumi urðu Íslandsmeistarar í
tölti á síðasta ári og því nokkuð líklegir til afreka
í sumar.
Þó að mikið sé að gera hjá Viðari gaf hann
sér tíma á skírdag til að kíkja eins og margir
aðrir hestamenn á sýningu hins heimsfræga
hestamanns, Montys Roberts, í reiðhöllinni í
Víðidal. „Mér leist nokkuð vel á hana þó að
þetta hafi orðið nokkuð langdregið,“ segir Viðar
sem fannst hann ekki læra margt
nýtt en þótti sýningin þó góð
áminning um margt sem ætti
aldrei að gleyma. „Eins og til
dæmis að sýna yfirvegun í
kringum hrossin,“ segir Viðar
en hjá honum tekur nú
við röð sýninga og
keppna enda vorið
mikill annatími
hjá hesta-
mönnum.
HESTAMAÐURINN: VIÐAR INGÓLFSSON
Stefnir með stóran hóp á landsmót
Hinn árlegi skeifudagur við Landbúnaðarháskóla Íslands á
Hvanneyri verður haldinn laugardaginn 22. apríl. Þar kynna nem-
endur í hrossarækt árangur vetrarstarfsins. Morgunblaðsskeifan
verður afhent þennan dag, en hún er veitt fyrir bestan árangur í
tamninga- og reiðkennslunámi vetrarins.
Hver nemandi hefur verið með tvö hross í vetur: Eitt
frumtamningatryppi og munu þeir sýna ýmsar aðferðir við
tamningu á þeim. Einnig hafa þau verið með taminn hest og á
honum keppa þau um Gunnarsbikarinn en hann gáfu Bændasamtök Íslands af miklum
rausnarskap í nafni Gunnars heitins Bjarnasonar sem einmitt stofnaði reiðskóla á
Hvanneyri á sínum tíma sem oft hefur verið kallaður fyrsti reiðskóli á Íslandi.
Ýmsar óvæntar og skemmtilegar uppákomur verða í tilefni dagsins og til að fagna
vorkomunni. Dagurinn verður haldinn hátíðlegur á Miðfossum í Andakíl en þar hefur öll
verkleg kennsla í hrossarækt farið fram í vetur. Þar er verið að byggja upp stórglæsilega
aðstöðu fyrir hestamennsku sem nýtast mun nemendum Landbúnaðarháskólans.
■ Skeifudagurinn á Hvanneyri
Áskrifendur WorldFengs, alþjóðlegs gagnagrunns
íslenska hestsins, verða um tíu þúsund frá og
með næstu áramótum.
Nýlega ákvað norska Íslandshestafélagið að
sækja um aðgang fyrir alla sína félagsmenn frá
og með næsta ári. Þá hafa tvö fjölmenn Íslands-
hestafélög ákveðið að opna aðgang að WorldFeng
fyrir alla félagsmenn en sænska félagið ákvað að
gera þetta strax á þessu ári fyrir alla sína félagsmenn
sem eru um 6.500 talsins.
■ Worldfengur í útrás
Sjálfsagt hafa margir lent í því að
eignast eyrnastygg tryppi og jafn-
vel fullorðin hross. Eyrnastyggðin
er hvimleiður vandi og getur tor-
veldað vinnu við tamningatryppið
ef hún er mikil enda þarf stöðugt
að eiga við höfuð hestsins þegar
sett er á hann beisli eða múll. En
hvað er til ráða? Eru einhverjar
aðferðir til að laga þetta vanda-
mál?
Ingimar Sveinsson, hestamað-
ur og tamningamaður á Hvann-
eyri, segir ráð til sem dugi:
„Það fyrsta sem byrjað skal á,
sé um eyrnastyggt hross að ræða,
er að strjúka á því ennið,“ segir
hann. „Það er alveg grundvallar-
byrjun. Þegar hrossið er orðið
ánægt með það færir maður hend-
ina ofar og ofar og strýkur, þar til
hægt er að renna henni milli eyrna
hrossins og upp fyrir þau. Síðan er
strokið aftan við við eyrun og
niður, þannig að hendin beyglar
þau niður og til hliðanna. Ef maður
strýkur upp á móti eyrunum verða
hrossin alveg vitlaus, því þau eru
miklu næmari framan á eyrunum
heldur en ofan á þeim. Heyrnin er
svo næm og viðkvæmni eyranna
eftir því.“
Ingimar telur að eyrnastyggð
í hrossum hafi heldur minnkað.
Þar komi sjálfsagt margt til.
Menn séu ef til vill orðnir var-
kárari við tökur tryppa og rífi ekki
í eyrun á þeim. Þá sæki örmerking-
ar á og sé gamla aðferðin sé á und-
anhaldi. Hún sem slík valdi ekki
eyrnastyggð því folöldin finna
ekki til þótt vel beittum hníf
sé brugðið á eyrun á þeim.
Hins vegar geti menn gripið í
eyru folaldanna í hita leiksins
og það vill sitja í þeim.
Sérfræðingurinn: Ingimar Sveinsson tamningamaður á Hvanneyri
Hægt að laga eyrnastyggð
og fólk
?