Fréttablaðið - 20.04.2006, Blaðsíða 41

[ ]
Heilbrigð sál
BORGHILDUR SVERRISDÓTTIR
EINKAÞJÁLFARI OG B.A. Í SÁLFRÆÐI
Óglatt? 700 g af súkkulaði fara ekki vel í maga. Vertu duglegur
að borða trefjar og fáðu þér skyr, það hjálpar meltingunni.
Nú strax eftir páskahátíðina er
ekki eftir neinu að bíða að koma
sér af stað á ný og hrista af sér
slenið sem oft leggst yfir mann
á góðum kyrrðardögum. Það er
svo sannarlega nauðsynlegt að
hvíla lúin bein, en þegar borðað
er töluvert meira en líkaminn
þarfnast er lag að koma blóðinu
á hreyfingu. Margir eru þó
búnir að vera á skíðum hérlend-
is sem erlendis svo blóðflæðið
ætti að vera gott hjá þeim en við
sem fórum ekki á skíði skulum
skella okkur aftur inn í daglega
hreyfingarrútínu og taka fram
göngu- eða hlaupaskóna þegar
veðrið er orðið svo vænlegt til
útiveru.
Að vera betri í dag en í gær
Það eru margir sem við getum
tekið okkur til fyrirmyndar og
veitt okkur innblástur þegar
kemur að hreyfingu og matar-
æði, þó við förum ekki í einu og
öllu eftir aðferðum þeirra. Mér
finnst til dæmis ekkert jafn
hraustlegt og að sjá skokkara á
kyrrlátum sunnudagsmorgni,
þegar ég er enn með stírurnar í
augnum, hlaupa um fáfarnar
götur. Það er eitthvað svo mikil
reisn yfir flottum hlaupurum.
Og mig langar að verða betri
hlaupari. Þú getur svo átt þér
einhverjar allt aðrar heilsusam-
legar fyrirmyndir sem veita þér
innblástur þegar andinn kemur
ekki yfir þig eða við að leggja af
stað eftir of margar og langar
stundir í sófanum.
Fitness og fyrirmyndir
Ég fór á vaxtarræktar– og
fitness-keppnirnar á Akureyri
um helgina og fylgdist með
konum og körlum sem hafa lagt
mikið á sig til að geta staðið upp
á sviði, nær nakin, og látið bera
sig saman. Þó mörgum myndi
ekki þykja þetta eftirsóknarvert
má ekki gleyma þeim gríðar-
lega viljastyrk og sjálfsaga sem
liggur að baki. Það sást að þess-
ir kroppar höfðu lítið verið í
páskaeggjunum, skyndibitanum
eða sófanum síðustu vikur eða
mánuði. Flest sækjumst við
kannski ekki eftir svo lágri fitu-
prósentu eða svo miklum vöðva-
skurði, en við getum samt tekið
þessa keppendur til fyrirmynd-
ar að mörgu leyti. Þeir hafa sett
sér markmið innan tímamarka.
Þeir skipuleggja máltíðir sínar
og næra sig aðeins á því sem
nýtist þeim til uppbyggingar.
Þeir skipuleggja æfingar sínar
vel og sleppa aldrei úr æfingu
hvernig sem þeim líður. Æfinga-
plön þeirra og mataræði er
strangt og næstum ómannlegt.
Að keppa í fitness og vaxtar-
rækt fylgja auðvitað töluverðar
öfgar, sem hægt er að gagnrýna
á ýmsan hátt. Þrátt fyrir það
getur kraftur þeirra, sjálfsagi
og viljastyrkur, líkt og annarra
íþróttamanna, verið okkur til
fyrirmyndar.
Að fara út fyrir þægindaramm-
ann
Ég vil því hvetja fólk til að finna
sér fyrirmyndir í íþróttum. Þær
veita okkur hvatningu og inn-
blástur með afrekum sínum
þegar á móti blæs hjá okkur. Þó
ég sækist ekki eftir að vera um
10% í fitu, líkt og fitnessdrottn-
ingarnar, er ég uppveðruð eftir
helgina og staðráðin í að gera
enn betur í ræktinni. Minnumst
þess að það er hollt hverjum
manni að fara út fyrir þæginda-
rammann og gera betur í dag en
í gær!
Kær kveðja, Borghildur
Að eiga sér fyrirmyndir
MARGIR FITNA ÞEGAR ÞEIR HÆTTA AÐ
REYKJA. Á VEFSÍÐU BBC ERU GEFIN
NOKKUR RÁÐ TIL AÐ KOMA Í VEG FYRIR
SLÍKT.
Hafa skal í huga að löngunartilfinningin
mun hverfa, ekki svala henni með því að
borða. Birgja skal skápana af heilbrigðum
mat til að narta í. Ávextir, bæði ferskir og
þurrkaðir, stökkt grænmeti og þess háttar
hentar vel til slíks og betra er að bíta í
það en að vera að narta í fitumikið og
kaloríuríkt snakk.
Passa skal upp á að borða að minnsta
kosti þrjár heilsusamlegar máltíðir á
dag sem innihalda helling af fitulitlum
flóknum kolvetnum. Þannig er auðvelt að
halda svengdinni niðri, sem kemur í veg
fyrir bita á milli mála.
Reyna skal eftir fremsta megni að
fá smá hreyfingu á hverjum degi. Þegar
lungun hafa náð sér eftir reykingarnar
verður það strax auðveldara og þar með
skemmtilegra. Hreyfingin hefur ekki
eingöngu þau áhrif að brenna kaloríum
heldur minnkar hún einnig matarlystina.
Sniðugt er að spara peningana sem
vanalega hefði verið eytt í tóbak til að
kaupa einhver sérstök föt. Með þessu
er auðvelt að passa vel upp á hvað er
borðað til þess að líta sem best út í nýju
fötunum.
Finna skal nýtt verkefni fyrir hendurnar
að dunda sér við. Hægt er að taka upp
prjónana, heklið eða púslið.
Reykingaleysi og
þyngdaraukning
Oft fylgir þyngdaraukning því að hætta að
nota tóbak.
Sykurlaus
jógúrt!
Hreina lífræna jógúrtin frá
Biobú er framleidd án sykurs.
A›eins er nota›ur lífrænn hrásykur í
ö›rum jógúrt tegundum frá Biobú.
Biobú ehf. • Stangarhyl 3a • Sími: 587 4500 • Netfang: biobu@biobu.is • www.biobu.is
w
w
w
.b
io
bu
.is
v
ar
k
os
in
n
be
st
i í
sl
en
sk
i b
æ
nd
av
ef
ur
in
n
����������
550 5000
AUGLÝSINGASÍMI
ROPE YOGA
Bæjarhraun 22, 220 Hafnarfjörður 3. hæð
NÝ BYRJENDANÁMSKEIÐ HEFJAST
MÁNUDAGINN 24. APRÍL. Morgun- hádegis- og síðdegis.
Skráning er hafin
í síma 555-3536
GSM 695-0089
ropeyoga@internet.is
www.ropeyoga.net
Tímatafla og nánari
upplýsingar
www.ropeyoga.net
Gleðilegt sumar!