Fréttablaðið - 20.04.2006, Qupperneq 72

20. apríl 2006 FIMMTUDAGUR56
bio@frettabladid.is
> Ekki missa af...
V for Vendetta er tvímælalaust ein
besta myndin sem boðið er upp á í bíó
þessa dagana. Hugo Weaving kemur
firnasterkur inn sem grímuklæddi
byltingarmaðurinn V en sér til halds
og trausts hefur hann hina heillandi
Natalie Portman. Myndin byggir á sam-
nefndri myndasögu
Alans Moore og
heldur uppreisn-
arandi frumtext-
ans sér merkilega
vel. Töff mynd.
„You ever listen to K-
Billy‘s „Super Sounds
of the Seventies“ week-
end? It‘s my personal
favorite.“
-Michael Madsen fór hamförum sem
brjálæðingurinn Mr. Blonde í Reservoir
Dogs. Hér ræðir hann tónlist við ólán-
sömu lögguna Marv sem hann biður svo
að ljá sér eyra í bókstaflegri merkingu.
Stórleikkonan Kathy Bates leikur móður
Matthew McConaughey í myndinni
Failure to launch. Þessi heillandi og svip-
mikla brussa hefur sett sterkan svip á
fjölda bíómynda og nægir þar að nefna
jafn ólíkar myndir og Titanic, Dolores
Claiborne og The Waterboy með Adam
Sandler.
Magnaður leikur hennar í Misery, sem
byggði á spennusögu eftir Stephen King,
er ógleymanlegur en þar fór hún með
hlutverk snargeðveikrar og morðóðrar
hjúkrunarkonu, Annie Wilkes, sem hélt
rithöfundinum Paul Sheldon, leiknum af
James Caan, í gíslingu og neyddi hann til
þess að skrifa skáldsögu sérstaklega fyrir
sig. Bates hlaut bæði Óskarsverðlaunin og Golden Globe fyrir
frammistöðu sína í Misery en hún hefur auk þess verið til-
nefnd til Óskarsverðlaunanna í tvígang sem besta leikkonan
í aukahlutverki fyrir About Schmidt og Primary Colors. Þá fór
Bates einnig á kostum í Fried Green Tomatoes eftir Jon Avnet
en fyrir leik sinn þar hlaut hún einnig til-
nefningu til Golden Globe.
Bates hóf feril sinn á leiksviði og gerði
mikla lukku á Broadway á sínum tíma en
hún var tilnefnd til Tony-verðlaunanna fyrir
leik sinn í Night, Mother og hlaut Obie
verðlaunin fyrir túlkun sína á Frankie í
upprunalegu uppfærslunni á Frankie and
Johnny in the Clair de Lune.
Bates hefur ekki slegið slöku við
undanfarið en hún lék í Rumor has it á
móti Jennifer Aniston og Kevin Costner.
Þeirri mynd var leikstýrt af Rob Reiner sem
leikstýrði Bates í Misery fyrir 16 árum. Þá
er Bates væntanleg í Relative Strangers
ásamt Danny DeVito auk þess sem hún
ljær kúnni Bitsy rödd sína í dýramyndinni hugljúfu Vefur Kar-
lottu. Bates hefur á seinni árum fengist nokkuð við leikstjórn
og stýrði meðal annars fimm þáttum í hinni vinsælu þátta-
röð Six Feet Under og var einn þeirra tilnefndur til Directors
Guild-verðlaunanna.
Ógleymanlegur brjálæðingur
Ekki sér fyrir endann á
straumi blóðugra hryllings-
mynda í bíó og um helg-
ina verður ein svæsnasta
hryllingsmynd ársins, The
Hills Have Eyes, frumsýnd
á Íslandi. Myndin er endur-
gerð samnefndrar myndar
eftir hrollvekjumeistarann
Wes Craven frá árinu 1977.
Leikstjórinn Wes Craven hefur
verið iðinn við hryllingskolann í
rúm þrjátíu ár en hann vakti mikla
athygli og almennan viðbjóð árið
1972 með The Last House on the
Left. Þar þótti Craven fara langt út
yfir öll velsæmismörk í ruddalegri
frásögn af konu sem hefnir sín
grimmilega á hyski sem hafði áður
nauðgað henni. Hann fylgdi mynd-
inni eftir með The Hills Have Eyes
og dró nokkuð úr subbuskapnum en
tókst samt að hrella áhorfendur
með blóðugum limlestingum og
djöfulskap.
The Hills Have Eyes fjallar um
stórfjölskyldu; ömmu, afa, tvær
dætur, son, tengdason og kornungt
barnabarn sem eru á leið til Kali-
forníu með hjólhýsi í eftirdragi.
Bíllinn þeirra bilar í miðri eyði-
mörk og fyrr en varir eru þau ofsótt
af stökkbreyttum mannætum sem
halda til í fjöllunum í kring. Fjöl-
skyldumeðlimirnir týna svo tölunni
einn af öðrum, á ógeðfelldan hátt,
þar til eftirlifendurnir snúa vörn í
sókn og gjalda mannætunum auga
fyrir auga.
Það fer ekkert á milli mála að
Craven skrifaði The Hills Have
Eyes undir sterkum áhrifum frá
The Texas Chainsaw Massacre sem
fjallaði einnig um ferðalanga sem
lentu í klónum á úrkynjuðum mann-
ætum. Texas Chainsaw var endur-
gerð árið 2003 og í kjölfar vinsælda
endurgerðarinnar fékk Craven þá
flugu í höfuðið að endurgera einnig
The Hills Have Eyes. Hann gerði
myndina á sínum tíma með 15
manna hópi , fyrir lítinn pening og
tilhugsunin um að eyða meiri tíma
og peningum í þessa gömlu sögu
kitlaði hann.
Craven lætur sér þó nægja að
framleiða myndina og fékk hinn
unga Alexandre Aja til þess að leik-
stýra. Aja vakti athygli Cravens
með hryllingsmyndinni High
Tension frá árinu 2003 en hand-
bragð hans þar sannfærði Craven
um að Aja væri rétti maðurinn til að
úthella blóði í The Hills Have Eyes.
Sjálfur segir Aja að Craven hafi
verið æskuhetjan sín. „Ég ólst upp
við myndirnar hans og það voru
þær sem ýttu mér út í hryllinginn
til að byrja með,“ segir hann og
bæti því við að myndir Cravens,
Shocker og The Last House on the
Left hafi haft mikil áhrif á sig.
The Hills Have Eyes gefur ekk-
ert eftir í viðbjóðnum og myndin
sver sig í ætt við Hostel eftir Eli
Roth. Áhorfendum er ekki hlíft við
neinu og báðir þessir ungu leik-
stjórar ganga svo langt í limlesting-
um og óhuggnaði að nánast ekkert
er skilið eftir fyrir ímyndunaraflið.
Þessi nýja, bersögla hryllings-
myndabylgja er kennd við „horror-
porn“ eða hryllingsklám og það er
óhætt að fullyrða að sá stimpill segi
allt sem segja þarf. Þeir sem kunna
að meta yfirgengilegan hrylling
ættu því að fá stóran skammt með
The Hills Have Eyes, aðrir ættu
hins vegar að hugsa sig þrisvar um
áður en þeir fara á fund mannæt-
anna í fjöllunum.
Þeir heppnu
deyja fyrst
ÖRVÆNTING Þeir fáu sem lifa af fyrstu árásir úrkynjuðu mannætanna þurfa heldur betur að
komast í snertingu við villidýrið innra með sér eigi þeir að lifa af enda fjallar The Hills Have
Eyes öðrum þræði um hversu langt venjulegt fólk getur gengið þegar því er ógnað.
MICHAEL BERRYMAN Þessi sérstaki leikari á
eitt eftirminnilegasta andlit hryllingsmynd-
anna. Hann lék mannætuna Pluto í The
Hiills Have Eyes frá árinu 1977 og sýndi þar
tilþrif sem seint munu gleymast.
Sjarmatröllið Matthew McCon-
aughey og beðmálastúlkan Sarah
Jessica Parker leiða saman hesta
sína í gamanmyndinni Failure to
launch. Þar leikur McConaughey
35 ára gamlan mann sem hefur
ekki séð ástæðu til þess að flytja
að heiman þar sem hann hefur allt
til alls í foreldrahúsum.
Foreldrar hans hafa þó fengið
sig fullsadda af ósjálfstæði unga
mannsins og leita því á náðir sér-
fræðings til þess að koma kauða
úr húsi. Það kemur svo í hlut
hinnar glæsilegu og gáfuðu Paulu
að táldraga McConaughey úr
hreiðrinu en foreldrarnir ráða
hana til þess að heilla soninn í
þeirri von að ástin verði til þess að
hann finni hjá sér löngun til þess
að koma undir sig fótunum.
„Þetta er ókeypis, hann er með
frábært herbergi og mamma sér
um að þvo þvottinn hans. Þetta er
frábært hótel,“ segir McConaug-
hey þegar hann útskýrir ástæður
þess að persóna hans lætur sér
ekki detta til hugar að flytja að
heiman. „Af hverju að laga eitt-
hvað sem er ekki bilað?“
Ráðabruggið vindur vitaskuld
upp á sig eins og lög gera ráð fyrir
í rómantískum gamanmyndum og
málin taka óvænta stefnu ekki síst
þar sem letihaugurinn sér ekkert
athugavert við það að nýja konan í
lífi hans flytji bara líka inn til
mömmu og pabba.
Slímuseta á Hótel mömmu
MATTHEW MCCONAUGHEY OG SARAH JESSICA PARKER Smella saman eins og flís við rass í
gamanmyndinni Failure to launch.