Fréttablaðið - 20.04.2006, Qupperneq 80

20. apríl 2006 FIMMTUDAGUR64
FÓTBOLTI Fyrirliði Liverpool,
Steven Gerrard, er efstur á óska-
lista spænska stórliðsins Real
Madrid fyrir sumarið ásamt bras-
ilíska sóknarmanninum Adriano
hjá Inter Milan. Þetta var haft
eftir Benito Floro, yfirmanni
knattspyrnumála hjá Real, í gær
en fyrir skemmstu afhenti hann
forsetanum, Fernando Martin,
formlega lista sem innihélt nöfn
þeirra leikmanna og þjálfara sem
hann vildi helst sjá hjá félaginu á
næstu leiktíð.
„Ég hef mælt með því til for-
seta félagsins að kröftugur fram-
herji, eins og Adriano, og heims-
klassa miðjumaður, sem gæti
leyst Zinedine Zidane af hólmi,
verði í forgangi þegar kemur að
leikmannakaupum í sumar. Gerr-
ard er á þessum lista en hann er
leikmaður sem við höfum áður
reynt að fá til okkar,“ sagði
Floro.
Zidane á eitt ár eftir af samn-
ingi sínum við Real en er með
klásúlu í honum þar sem segir að
hann megi fara í sumar óski hann
eftir því. Franski landsliðsmað-
urinn hefur áður sagt að hann
muni taka ákvörðun um næstu
leiktíð eftir HM í sumar, en fari
svo að hann yfirgefi félagið má
telja líklegt að forráðamenn Real
geri allt sem í sínu valdi stendur
til að klófesta Gerrard.
Þá staðfesti Floro að Bernd
Schuster, fyrrverandi landsliðs-
maður Þýskalands og núverandi
þjálfari Getafe á Spáni, kæmi til
greina sem þjálfari liðsins á
næsta tímabili. „Nafn Schusters
er að finna á þessum lista því
hann er þjálfari sem þekkir vel
spænskar knattspyrnu.“ - vig
Yfirmaður knattspyrnumála hjá Real Madrid birtir óskalistann fyrir sumarið:
Steven Gerrard er efstur á blaði
STEVEN GERRARD Er enn og aftur undir
smásjánni hjá stórliði Real Madrid.
NORDICPHOTOS/GETTY IMAGES
ÍSHESTAR - NÝ UPPLIFUN
SUMAR REIÐSKÓLI - INNRITUN HAFIN
HESTAMIÐSTÖÐ ÍSHESTA Í HAFNARFIRÐI BÝÐUR UPP Á
FJÖLBREYTTA FJÖLSKYLDUSKEMMTUN OG Í FYRSTA
SINN Á ÍSLANDI “ GÆLUDÝRAKEPPNI ”.
DAGSKRÁ HEFST KLUKKAN 13:00. ALLIR VELKOMNIR.
SUMARDAGURINN FYRSTI.
Lokahóf KKÍ á morgun:
Marciulionis
heiðursgestur
SARUNAS MARCIULIONIS Verður heiðurs-
gestur á lokahófi KKÍ annað kvöld.
NORDICPHOTOS/GETTY IMAGES
FÓTBOLTI Frábært tímabil hjá Bar-
celona er í augsýn en liðið er með
aðra höndina á spænska titlinum
og hina á úrslitaleik Meistara-
deildarinnar. Liðið sýndi og sann-
aði hvers það er megnugt með 1-0
sigri á AC Milan á San Siro, einum
allra erfiðasta útivelli í Evrópu.
Ludovic Giuly skoraði sigurmark-
ið eftir undirbúning Ronaldinho,
en hann átti þá snilldarlega send-
ingu inn fyrir vörn Milan.
„Við spiluðum frábæran leik.
Við náðum að nýta okkur plássið
sem okkur var gefið, sem þýddi að
við lékum vel. Það eru þó enn níu-
tíu mínútur eftir af einvíginu og
við megum ekki gleyma okkur. Við
þurfum að halda áfram að virða
Milan þar sem það er frábært lið.
París er enn ekki í augsýn, ég sé
bara Camp Nou og sterkt Milan
liðið,“ sagði Ronaldinho eftir leik-
inn en hann spilaði frábærlega og
uppskar lófaklapp frá stuðnings-
mönnum Milan þegar hann var
tekinn af velli undir lok leiksins.
Fyrirliðinn Carles Puyol stjórn-
aði vörn Barcelona af stóískri ró
og sinni alkunnu snilld. Puyol fékk
gult spjald í leiknum og á í hættu
að missa af úrslitaleiknum, fái
hann gult spjald í síðari leiknum
og Barcelona komist áfram.
„Þetta var sigur liðsheildarinn-
ar en við vitum að það er einn leik-
ur eftir gegn einu af sterkustu
liðum Evrópu. Ég held áfram mínu
striki, ég veit hvað við þurfum að
gera til að komast áfram. Ef ég
þarf að brjóta af mér í síðari leikn-
um þá geri ég það, ég geri allt til
þess að liðið vinni, jafnvel þó svo
að ég gæti misst af úrslitaleikn-
um,“ sagði Puyol. - hþh
Leikmenn Barcelona eru niðri á jörðinni þrátt fyrir frækinn sigur á AC Milan:
París enn ekki í augsýn Börsunga
SNILLDARTAKTAR Ronaldinho sýndi á
tíðum frábær tilþrif í leiknum á þriðjudag-
inn eins og búast mátti við af brasilíska
snillingnum. NORDICPHOTOS/GETTY IMAGES
HANDBOLTI Einar býr í strandbæn-
um Torrevieja við Miðjarðarhafið
og spilar með samnefndu liði sem
er í tíunda sæti spænsku úrvals-
deildarinnar, í þéttum pakka sem
er að berjast um Evrópusæti.
Einar var á rölti um þennan líflega
bæ í tuttugu stiga hita þegar
Fréttablaðið náði tali af honum í
gær en íbúafjöldi hefur sexfaldast
í Torrevieja á undanförnum árum
en vinsælt er að kaupa sér íbúðir á
svæðinu.
Einar var markahæsti leikmað-
ur liðsins fyrir jól en er nýstiginn
upp úr liðþófameiðslum sem héldu
honum utan vallar í átta vikur.
Klúbburinn er ekki stór en hefur
þó byggt nýja keppnishöll með
glæsilegri aðstöðu. Þrátt fyrir það
lítur allt út fyrir að Einar sé á
förum frá Spáni.
„Ég hef takmarkaðan áhuga á
að vera hérna áfram. Þjálfarinn er
hálf furðulegur og klúbburinn er
það einnig. Þeir borga mánaðar-
lega en allt annað situr á hakan-
um. Ég er nokkuð viss um að ég
verði ekki hérna áfram,“ sagði
Einar sem verður laus allra mála í
sumar og er líklegt að hann fari
aftur til Þýskalands þar sem hann
lék með Wallau við góðan orðstír í
þrjú ár.
„Ég talaði við forráðamenn
Minden, þeir lýstu yfir áhuga
sínum á mér en við ræddum ekki
mikið meira en það þar sem þetta
var hvorki staður né stund. Þeir
ætla að hafa samband við mig
aftur fljótlega en það er greinilegt
að þeir hafa áhuga þar sem þeir
voru þegar farnir að tala um lækn-
isskoðun áður en einhverjar upp-
hæðir voru nefndar,“ sagði Einar.
„Ég hefði áhuga á að fara aftur
til Þýskalands enda leið mér mjög
vel hjá Wallau og ætlaði að vera
þar áfram áður en félagið varð
gjaldþrota. Mér líst vel á Minden
og Snorri Steinn ber liðinu vel sög-
una. Þetta veltur þó einnig á samn-
ingnum sem þeir bjóða mér,“ sagði
Einar en lið í Sviss hafði einnig
sýnt honum áhuga. Einar Örn naut
sín vel í Þýskalandi þegar lands-
liðið kom aftur saman en Einar
hafði ekki verið viðloðinn lands-
liðið um nokkurt skeið.
„Það var gaman að koma aftur
til svona 100 prósent atvinnu-
mannalegan þjálfara. Í saman-
burði við Alfreð er þjálfarinn
hérna skelfilegur og heilt yfir var
þetta frábær vika. Ég stefni á að
vera kominn á fullt skrið þegar
landsliðið kemur aftur saman eftir
nokkrar vikur og vonast vissulega
til þess að ég komist í hópinn,“
sagði Einar Örn Jónsson að
lokum.
hjalti@frettabladid.is
Þetta er furðulegt félag
Handknattleikskappinn Einar Örn Jónsson er að öllum líkindum á leiðinni frá
spænska félaginu Torrevieja, sem hann lýsir sem furðulegum klúbbi. Þýska félag-
ið Minden hefur verið í viðræðum við Einar sem verður laus allra mála í sumar.
Í LANDSLIÐIÐ Á NÝ? Einar hefur verið í frábæru formi með liði sínu Torrevieja og var með
landsliðinu í æfingabúðum í Þýskalandi í síðustu viku. Hann vonast til að tryggja sér sæti í
landsliðinu á ný. Hér er hann í leik gegn Sviss á EM 2004.FRÉTTABLAÐIÐ/HARI
FÓTBOLTI Hollenski landsliðsfram-
herjinn Dirk Kuyt var í gær valinn
leikmaður ársins í hollensku
úrvalsdeildinni í knattspyrnu en
hann leikur með Feyenoord þar í
landi sem hafnaði í 3. sæti deildar-
innar. Í öðru sæti varð Philip Cocu,
fyrirliði PSV, en Tim de Cler, sam-
herji Grétars Rafns Steinssonar
hjá AZ Alkmar, var í því þriðja.
Hollenska úrvalsdeildin:
Kuyt bestur
DIRK KUYT Valinn bestur í Hollandi.
NORDICPHOTOS/GETTY IMAGES
FÓTBOLTI FIFA hefur ákveðið að
taka mjög harkalega á kynþátta-
fordómum á Heimsmeistaramót-
inu í Þýskalandi í sumar. Ef þjóðir
verða uppvísar að fordómum
verða umsvifalaust dregin þrjú
stig af viðkomandi liði. Forráða-
menn átaksins Kick it Out, gegn
kynþáttafordómum, fagnar
ákvörðun FIFA.
„Þetta er frábært og algjörlega
nauðsynlegt. Vonandi kemur ekki
til þess að grípa þurfi til aðgerð-
anna en það er einnig forvitnilegt
að sjá hvort hart verði tekið á mál-
inu. Við munum gera allt sem í
okkar valdi stendur til að aðstoða
FIFA og miðla af okkar reynslu,“
sagði talsmaður samtakanna. - hþh
Hertar reglur á HM í sumar:
Hörð refsing
fyrir fordóma
SEPP BLATTER Forseti FIFA hefur ákveðið
að taka harkalega á fordómum.
NORDICPHOTOS/GETTY IMAGES
KÖRFUBOLTI Allan Iverson og Chris
Webber, tvær af skærustu stjörn-
um Philadelphia 76ers í NBA-
deildinni, urðu sér til skammar í
fyrrinótt þegar þeir mættu of seint
í síðasta heimaleik liðsins á leiktíð-
inni gegn New Jersey. Samkvæmt
reglum eiga leikmenn að vera
mættir í hús 90 mínútum fyrir leik
en vitni sáu þá félaga mæta fimm
mínútum fyrir leik. Hvorugur leik-
mannanna lék leikinn þar sem
Philadelphia á ekki möguleika á að
komast í úrslitakeppnina.
Búist er við því að Webber og
Iverson verði refsað með sektum
og jafnvel leikbanni. - vig
Leikmenn Philadelphia:
Mættu of seint
FÓTBOLTI Mark Viduka verður ekki
með Middlesbrough gegn Steaua
Búkarest í undanúrslitum UEFA-
bikarkeppninnar í kvöld en það er
ekki eina skarðið sem höggvið er í
enska liðið. Emanuel Pogatetz,
Gaizka Mendieta og Lee Catterm-
ole, leikmenn Middlesbrough, eru
einnig frá vegna meiðsla og varn-
armaðurinn Chris Riggott getur
ekki heldur spilað þar sem hann er
í leikbanni.
Þetta er fyrri viðureign liðanna
en leikurinn fer fram í Rúmeníu.
Schalke mætir Sevilla í hinum
undanúrslitaleiknum. - hþh
UEFA bikarinn í kvöld:
Boro í vanda
KÖRFUBOLTI Litháíski körfubolta-
maðurinn fyrrverandi, Sarunas
Marciulionis, sem margir körfu-
boltaáhugamenn muna eftir frá
því að hann lék með Golden State,
Sacramento, Seattle og fleiri liðum
í NBA-deildinni, verður heiðurs-
gestur á lokahófi Körfuboltasam-
bandsins sem fram fer annað
kvöld.
Marciulionis þykir einn albesti
leikmaður frá Evrópu sem leikið
hefur í NBA-deildinni en alls lék
hann 363 leiki á ferli sínum í NBA
og skoraði í þeim 12,8 stig að með-
altali í leik. Auk þess var Marciuli-
onis lykilmaður í sovéska og síðar
litháíska landsliðinu um árabil og
náði þar frábærum árangri. Hann
varð meðal annars ólympíumeist-
ari með Sovétríkjunum árið 1988
og var í silfurliði Litháen á EM
árið 1995 þar sem hann var einnig
valinn besti leikmaður keppninn-
ar. Frá því að ferlinum lauk hefur
hann unnið mikið starf fyrir körfu-
boltann í heimalandi sínu.
Marciulionis kemur til landsins
að mestu leyti fyrir tilstilli Ólafs
Rafnssonar, formanns KKÍ, en
hann situr með honum í stjórn
FIBA, Alþjóða körfuboltasam-
bandsins. Hann mun flyta hátíðar-
ræðu kvöldsins í lokahófinu en
þess má geta að Marciulionis
hefur boðið sig fram til forseta
FIBA, en þing sambandsins fer
fram um miðjan næsta mánuð.
- vig