Fréttablaðið - 10.05.2006, Page 4

4 10. maí 2006 MIÐVIKUDAGUR
���������������������������������������������������������������������
�������������
������������
��������������������
����������������������������������������������������������������
����
�����
�����
�
VIÐSKIPTI Dagsbrún hf. tapaði 195
milljónum króna á fyrstu þremur
mánuðum ársins samkvæmt upp-
gjöri sem birt var í gær. Á sama
tímabili í fyrra nam hagnaður fyr-
irtækisins 199 milljónum króna.
Reksturinn er sagður á áætlun
ef frá er skilið gengistap vegna
veikari stöðu krónunnar, sem
nemur 210 milljónum króna.
Hagnaður fyrirtækisins fyrir
afskriftir, vexti og skatta nam 662
milljónum króna en var 727 millj-
ónir króna á fyrsta ársfjórðungi
2005. Rekstrartekjur Dagsbrúnar
námu 4,88 milljörðum króna, juk-
ust um 43 prósent.
Tap vegna reksturs DV nam 50
milljónum króna á tímabilinu, að
því er fram kemur í tilkynningu til
Kauphallar Íslands.
Gunnar Smári Egilsson, for-
stjóri Dagsbrúnar, segir rekstur-
inn hafa einkennst af miklum innri
og ytri vexti. „Á fyrsta ársfjórð-
ungi 2006 hefur Dagsbrún því
stóreflt starfsemi sína hér á landi
og byggt upp öflugt félag á sviði
fjarskipta, upplýsingatækni, fjöl-
miðlunar og afþreyingar. Mark-
mið Dagsbrúnar er að verða leið-
andi á öllum þessum mörkuðum
hérlendis. Á sama tíma hafa verið
tekin örugg skref til útrásar og
sjónum beint að því að byggja upp
öfluga starfsemi á sviði prent-
miðla í Skandinavíu og Bretlandi,“
segir Gunnar Smári. - óká/jab
Dagsbrún birti í gær uppgjör fyrir fyrstu þrjá mánuði ársins:
Tapaði 195 milljónum króna
FORSTJÓRI OG STJÓRNARFORMAÐUR
Gunnar Smári Egilsson, forstjóri Dagsbrún-
ar. og Þórdís Sigurðardóttir, stjórnarfor-
maður félagsins.
ÍTALÍA, AP Meira en 700 af rúmlega
þúsund fulltrúum á ítalska kjör-
þinginu skiluðu í gær auðu í annarri
umferð forsetakjörs. Enginn fram-
bjóðenda hlaut því tvo þriðju hluta
atkvæðanna, sem nauðsynlegt er til
þess að ná kjöri.
Kjörþingið er sameinað þing efri
og neðri deildar ásamt fulltrúum
frá héraðsstjórnum. Þingið þarf að
velja forseta landsins í staðinn fyrir
Carlo Azeglio Ciampi, sem lætur af
embætti nú í þessum mánuði.
Romano Prodi, sem vann naum-
an sigur í þingkosningunum í apríl,
fær ekki stjórnarmyndunarumboð
fyrr en nýr forseti hefur verið kjör-
inn. - gb
Forsetakjör á Ítalíu:
Önnur umferð
árangurslaus
FÉKK SÉR BLUND Einn þingmanna á ítalska
þinginu var orðinn þreyttur í gær.
FRÉTTABLAÐIÐ/AP
KOSNINGAR A-listinn í Reykjanes-
bæ hefur á stefnuskrá að kaupa
aftur allar fasteignir bæjarins,
sem núverandi meirihluti hefur
selt Fasteign hf.
Í fréttatilkynningu frá listanum
segir að með því að kaupa eignirn-
ar aftur megi auka ráðstöfunar-
tekjur um 180 milljónir króna. Þá
peninga vill listinn nýta til þess að
auka þjónustu og lækka álögur á
íbúa.
Í tilkynningunni er greint frá
því að Reynir Valbergsson, fyrr-
verandi fjármálastjóri Reykjanes-
bæjar til níu ára, verði bæjar-
stjóraefni A-listans, við
kosningarnar 27. þessa mánaðar. ■
Reykjanesbær:
Vilja kaupa
eignirnar aftur
ÍRAN, AP Í bréfinu sem Mahmoud
Ahmadinejad Íransforseti sendi
George W. Bush Bandaríkjaforseta
lýsti hann því yfir að lýðræði að
vestrænum hætti hefði síður en svo
gert heiminum gott. Hann harmar
jafnframt „sívaxandi hatur“ sem í
heiminum gætti í garð Bandaríkja-
stjórnar. Bandaríski utanríkisráð-
herrann Condoleezza Rice hafnaði
afdráttarlaust í gær
þeim tillögum sem
fram koma í bréfinu;
sagði hún þær alls
ekki til þess fallnar
að liðka fyrir lausn
deilunnar um kjarn-
orkuáætlun Írana.
Í Íran var því illa
tekið að Rice skyldi
hafna bréfinu með
svo afdráttarlausum hætti. Sadeq
Kharrazi, fyrrverandi sendiherra
Írans í Frakklandi, tjáði AP-frétta-
stofunni að viðbrögð Rice myndu
styrkja þau öfl í Íran sem eru mest
mótfallin því að Íranar reyni að
bæta samskiptin við Bandaríkin og
Vesturlönd.
Bréfið, sem er 18 blaðsíður að
lengd, er það fyrsta sem þjóðhöfð-
ingi Írans sendir bandarískum for-
seta frá því klerkabyltingin var
gerð í Íran fyrir 27 árum. Í því er
aðeins óbeint minnst á mesta deilu-
málið, kjarnorkuáætlun Írana. Þess
í stað geymir það að stærstum hluta
vangaveltur um sögu, heimspeki og
trúmál og mestu púðri er eytt í að
rekja langan lista gremjuefna í garð
Bandaríkjanna og að velta upp
möguleikum á að sameiginleg trú á
Guð sé helsta vonin til að unnt sé að
leysa úr þeim.
Rice sagði að í bréfinu væri
„ekki fjallað um þau mál sem við
erum að glíma við með beinum
hætti“.
Íranski stjórnmálaskýrandinn
Saeed Leilaz tjáði AP að viðbrögð
Rice myndu kynda undir andbanda-
rískum tilfinningum meðal Írana.
„Þetta gæti hafa orðið upphafið að
nýju ferli,“ segir Leilaz. Viðbrögð
Rice „styrkir þær grunsemdir
meðal Írana að Bandaríkjamenn
séu að íhuga að grípa til þess að
beita hervaldi [til að stöðva kjarn-
orkuáætlun Írana] en ekki samn-
ingalausn“.
Undirbúningur að ályktun örygg-
isráðs Sameinuðu þjóðanna um
kjarnorkumál Írana hélt áfram í
gær. Fulltrúar lykilríkja í ráðinu
komu sér saman um að bjóða Írön-
um upp á ýmiss konar aðstoð gegn
því að þeir láti af auðgun úrans, en
sæti að öðrum kosti refsiaðgerðum.
Formlegri afgreiðslu ályktunar
öryggisráðsins verður frestað uns
reynt hefur á viðbrögð Írana við
þessu tilboði. audunn@frettabladid.is
Bréfi Íransforseta fá-
lega tekið vestanhafs
Utanríkisráðherra Bandaríkjanna segir ekkert í bréfi Íransforseta til þess fallið að liðka fyrir lausn á deilunni
um kjarnorkuáætlun Írana. Viðbrögðin vestanhafs valda vonbrigðum í Íran og eru sögð kynda enn undir
andúð á Bandaríkjunum.
GENGIÐ
GENGI GJALDMIÐLA 09.05.2006
Gengisvísitala krónunnar
Bandaríkjadalur 70,57 70,91
Sterlingspund 130,91 131,55
Evra 89,49 89,99
Dönsk króna 11,998 12,068
Norsk króna 11,46 11,528
Sænsk króna 9,595 9,651
Japanskt jen 0,6322 0,6358
SDR 104,7 105,32
HEIMILD: Seðlabanki Íslands
KAUP SALA
124,168
HVETUR TIL SAMNINGA Ali Larijani,
aðalsamningamaður Írana í kjarn-
orkumálum, á blaðamannafundi í
Aþenu í gær. Hann neitaði því að
Íranar myndu segja sig frá alþjóða-
samningnum gegn útbreiðslu
kjarnorkuvopna og hvatti til
stillingar í deilunni um kjarnorku-
áætlunina. FRÉTTABLAÐIÐ/AP
AHMADINEJAD TIL INDÓNESÍU Mahmoud Ahmadinejad Íransforseti veifar er hann
hélt í gær í opinbera heimsókn til Indónesíu, fjölmennasta múslimaríkis heims.
Indónesíustjórn hefur skorað á Írana að sýna meira gegnsæi í kjarnorkuáætlun sinni
en ver rétt þeirra til að nýta kjarnorku í friðsamlegum tilgangi. FRÉTTABLAÐIÐ/AP
LÆGSTI LÍFEYRIRINN Ellilífeyrir er
lægstur hér á landi af Norðurlöndunum
og skerðist mest við aðrar tekjur. Á öll-
um Norðurlöndunum er svipað hlutfall
ellilífeyrisþega sem lifir við fátæktar-
mörk. Á aðalfundi norrænna eldri borg-
ara í Reykjavík þessa dagana kom fram
að um 30% íslenskra ellilífeyrisþega býr
við fátæktarmörk, hlutfallið er svipað í
Finnlandi en ástandið er skást í Svíþjóð
og Noregi, þar sem rétt um 20% eldri
borgara eru í fátækasta hópnum.
ALDRAÐIR
Akranes Tveir ungir drengir skemmdu
tíu bíla á leið sinni heim úr skóla á Akra-
nesi á dögunum. Þeim datt í hug að
taka upp stein og rispa þá bíla sem þeir
gengu framhjá. Lögregla hefur fengið
tilkynningar um tíu bíla sem drengirnir
skemmdu á heimleiðinni.
LÖGREGLUFRÉTTIR