Fréttablaðið - 10.05.2006, Side 24

[ ]Ekki gleyma sandölunum þegar haldið er í ferðalagið. Það er að koma sumar.
Icelandair hefur flug til
München í Suður-Þýskalandi
6. júní næstkomandi og þeim
tíðindum ættu íslenskir
ferðamenn að taka fagnandi.
München er glæsileg borg sem
býður upp á allt sem ferða-
menn óska eftir, hvort sem það
er fyrir augu, eyru, bragðlauka
eða til skemmtunar.
Við komuna til München er við
því að búast að borgin gleypi mann
með veldi sínu enda er München
stórborg með 1,3 milljónir íbúa.
Hins vegar tekur Münchenborg á
móti gestum sínum með opnum
faðmi, rólegu fasi og góðum veit-
ingum. Fáguð smáborgarstemn-
ing nær fljótt yfirhöndinni þar
sem græn svæði, fallegir garðar,
ár og rómantískar brýr, hjólreiða-
fólk, litlir barir og miðaldabygg-
ingar skapa heillandi og jafnvel
heimilislegt andrúmsloft.
München er borg sem hefur
upp á allt að bjóða sem ferðamað-
ur þráir þar sem fjölbreytni borg-
arinnar mikil. Borgin er í Bæjara-
landi og má með sanni segja að
íbúar þess séu stoltir af uppruna
sínum og sögu enda bjuggu þar
áður kóngar og merkir menn sem
hafa skilið eftir sig söguslóð sem
gaman er að rekja og upplifa gegn-
um stórbrotna byggingarlist mið-
aldanna. Víða rísa svo nútíma
mannvirki í bland við eldri bygg-
ingar til merkis um ríkidæmi
borgarinnar fyrr og nú. Einnig má
feta söguslóðir Adolfs Hitler
ásamt því að hægt er að tipla tón-
stiga blíðari söguslóða klassískrar
tónlistar sem blómstrað hefur í
München gegnum aldirnar.
Víða eru fallegir garðar milli
hárra bygginga borgarinnar þar
sem má sóla sig og njóta góðra
veðurdaga. Ferðamönnum er þó
bent á að fara með gát í Enska
garðinum þar sem boðið er upp á
„nakin svæði“ en þar er bikiníið
víst óþarft. Allir ættu svo að leggja
leið sína í Biergarten, eða Bjór-
garðinn, þar sem hinar ýmsu teg-
undir af öli eru teygaðar á nestis-
bekkjum í fallegum umhverfi. Til
að láta reyna á sögusagnir um
húmorsleysi Þjóðverja má prófa
að biðja um lítinn bjór og sjá hver
viðbrögðin verða.
Að loknum degi þegar ferðasál-
in er orðin troðfull af sögulegum
og menningarlegum fróðleik og
búið er að kaupa merkjavörur á
þéttskipuðum verslunargötum
borgarinnar er kominn tími til að
upplifa fjörugt næturlíf München.
Góðir veitingastaðir leynast á
hverju horni og þýsk barmenning
nær hámarki sínu eftir að sólin
sest.
Ratskeller er veitingastaður
sem vert er að mæla með en hann
er á Marienplatz í miðborg
München. Undir styrkri stjórn
agaðra þýskra þjónustustúlkna
eru bornar fram dýrindis kræs-
ingar og stórgóður bjór. Eru gest-
irnir í góðu yfirlæti og ekta þýskri
stemningu fram eftir kvöldi. Veit-
ingastaðurinn er eins og nafnið
gefur til kynna í kjallara og er
ógnarstór. Lifandi tónlist ómar um
gangana og heimamenn, í bland
við aðra heimsbúa, taka lagið á því
tungumáli sem stendur hjartanu
næst.
Í gamla bænum finnast margir
barir þar sem gleðin er ríkjandi en
vilji ferðamenn komast í tengsl
við ekta þýska bjórmenningu skal
leiðin lögð á Hofbräuhaus. Í flenni-
stóru rými er bekkjum raðað þar
sem ungir háskólanemar í bland
við mun heldri borgara þjóra bjóra
úr lítrakönnum undir týrólsku tón-
spili hljómlistarmanna í stuttum
buxum með skringilega hatta. Í
bakherbergi má svo finna könnu-
geymsluna þar sem fastagestir
geyma fallega skreyttar könnur
sínar í læstum járngrindum, til-
búnar til notkunar við næstu
komu. Bjórhefðirnar eru sterkar í
München enda drekka borgarbúar
bjórinn jafn harðan og þeir fram-
leiða hann.
Fyrir utan München leynast
svo fallegar sveitir og lítil fjalla-
þorp sem verðskulda dagsferð en
upplýsingar um úrval þeirra má
finna á www.muenchen-tourist.
de.
Að gera jafn heillandi borg og
München skil í lítilli grein er
þrautin þyngri enda er frá nógu
að segja. Áhugasamir geta þó
kynnt sér tenglasafnið sem hér
fylgir en þar má nálgast upplýs-
ingar um næstum allt sem litla
stórborgin hún München er til-
búin að bjóða gestum sínum upp
á.
johannas@frettabladid.is
FRAM UNDAN Í MÜNCHEN
9. júní til 9. júlí
Heimsmeistarakeppnin í fótbolta. Leikir fara
meðal annars fram á Allians Arena rétt utan
við München.
10. og 11. júní
Hátíðahöld í tilefni af 848 ára afmæli borg-
arinnar og 250 ára afmæli Mozarts.
16. júní til 18. júní
Vínhátíð á Ólympíuleikvanginum. Vínfram-
leiðendur hvaðanæva að úr heiminum
standa fyrir smökkun undir lifandi tónlist.
24. júní til 31. júlí
Óperuhátíð fyrir unnendur klassískrar tón-
listar.
25. júní og 8. október
München-maraþonið.
1. og 2. júlí
Klassísk tónlistarhátíð á Odeonplatz.
16. september til 3. október
Hin víðfræga Októberfest sem allir ættu að
upplifa einu sinni á ævinni.
Fjöldann allan af fleiri viðburðum má finna á
www.whatsonwhen.com/pages/munich
Fyrir nánari upplýsingar um hótel, flug, stað-
hætti, viðburði og athafnir má skoða eftirfar-
andi heimasíður:
www.icelandair.is
www.muenchen.de
www.muenchen-tourist.de
www.muenchen-oberbayern.de
www.munichwalktours.de
www.mikesbikestours.com
www.msr-muc.de
www.schloesser.bayern.de
Litla stórborgin München
Víða í München má finna gullfalleg græn svæði þar sem hægt er að eiga rólegar stundir og
jafnvel njóta stórbrotinnar byggingarlistar um leið. NORDICPHOTOS/GETTYIMAGES
Marienplatz í München. Mannlífið í borg-
inni er fjörugt og iðandi.
München er falleg borg í Suður-Þýskalandi, í grennd við Alpana. Þrátt fyrir stærð sína hefur
borgin heillandi smáborgarstemningu sem hrífur hvern þann með sér sem leggur leið sína
þangað. NORDICPHOTOS/GETTYIMAGES
Vika á Spáni
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
ER
3
25
46
0
5/
20
06
13.200 kr. - ótakmarkaður akstur, kaskó, þjófavörn, flugvallargjald og skattar.
Bíll úr flokki A
50 50 600 • www.hertz.is
*
Bókaðu bílinn heima
- og fáðu 500 Vildarpunkta
*Verð miðað við gengi 1. maí 2006.frá
Flogið verður til höfuðborgar Þýskalands, Berlínar og ekið áfram til
Dresden þar sem gist er í 3 nætur. Í Dresden er mikið af sögu-
frægum byggingum og þar verður einnig hægt að kynnast þjóðar-
broti, Sorbum, sem búa á þessu svæði, en sérstætt tungumál þeirra
og menning á í vök að verjast. Eftir áhugaverðar skoðunarferðir í
Dresden er haldið aftur til Berlínar, þar sem gist er í 4 nætur, en
leiðin þangað liggur í gegnum Speewald, þar sem upplagt er að fara
í skemmtilega bátsferð frá Lubbenau. Skoðunarferð um Berlín, til
Potsdam og Stettin í Póllandi.
Fararstjóri: Auður Gunnarsdóttir
Verð: 97.460 kr.
Sumar 11
Dresden - Berlín - Pólland
s: 570 2790 www.baendaferdir.is
A L L I R G E T A B Ó K A Ð S I G Í B Æ N D A F E R Ð I R
24. - 31. ágúst
Sp
ör
-
R
ag
nh
ei
ðu
r
In
gu
nn
Á
gú
st
sd
ót
tir
550 5000
AUGLÝSINGASÍMI