Fréttablaðið - 10.05.2006, Page 38

MARKAÐURINN
Árið 2005 var besta ár í sögu lífeyrissjóð-
anna, en fastlega má búast við að meðaltal
hreinnar raunávöxtunar þeirra hafi þá
verið um 13,5 prósent samkvæmt tölum
frá Landssamtökum lífeyrissjóða. Það er
nokkru hærri ávöxtun en árin 2003 þegar
raunávöxtun var 11,3 prósent og 2004
þegar hún var 10,5 prósent.
Jafnframt hækkuðu eignir lífeyrissjóð-
anna gríðarlega á síðasta ári og stækkuðu
tíu stærstu sjóðirnir um 180 milljarða,
eins og greint var frá í Markaðnum í síð-
ustu viku.
TVEIR NÁLÆGT ÁTJÁN PRÓSENTUM
Flestallir stærstu lífeyrissjóðir landsins
hafa birt ársreikninga vegna síðasta árs.
Gildi lífeyrissjóður og Lífeyrissjóður
Vestfirðinga sýndu hæsta raunávöxtun
þeirra lífeyrissjóða sem birt hafa afkomu
sína. Raunávöxtun beggja sjóða fór hátt
í átján prósent en Lífeyrissjóður verzl-
unarmanna skilaði þriðju hæstu ávöxtun-
inni. Árni Guðmundsson, framkvæmda-
stjóri Gildis, sem varð til með sameiningu
Lífeyrissjóðs sjómanna og Framsýnar í
fyrra, segir að Lífeyrissjóður sjómanna
hafi sýnt hæstu raunávöxtun árin 2003
(15,3 prósent) og 2004 (16,4 prósent) og
Gildi tekið við merkjum hans. Eins var
góður rekstur hjá Framsýn. “Á þessum
árum hafa innlendu hlutabréfin verið að
gefa best. Við hjá Gildi höfum verið með
hátt hlutfall innlendra hlutabréfa, sem
skiptir auðvitað máli, og náð betri ávöxtun
innan þeirra heldur en vísitalan.” Hann
segir enn fremur að gjaldeyrisvarnir
sjóðsins og forvera hans hafi gengið af
sér góðar tekjur.
Aðrir stórir lífeyrissjóðir bættu
sig á milli ára eins og Gildi. Ávöxtun
Lífeyrissjóðs verzlunarmanna fór úr 12,1 í
16,1 prósent, LSR hækkaði úr 9,3 prósent-
um í fjórtán og Almenni lífeyrissjóðurinn
úr 7,9 prósentum í 9,7 prósent. Sameinaði
lífeyrissjóðurinn bætir sig mest af stærstu
sjóðunum á milli ára, fer úr 6,7 prósenta
raunávöxtun í tólf prósent. Af tíu stærstu
lífeyrissjóðunum sýndi aðeins Almenni
lífeyrissjóðurinn raunávöxtun undir tíu
prósentum.
LANGTÍMAÁVÖXTUN FER HÆKKANDI
Þegar litið er yfir lengra tímabil hefur
þróunin verið sú að langtímaraunávöxtun
lífeyrissjóðanna fer hækkandi. Oft er litið
til raunávöxtunar yfir fimm ára tímabil,
eða jafnvel lengra tímabil, þegar árang-
ur sjóðanna er borinn saman. Fimm ára
meðaltal hækkaði milli áranna 2004 og
2005 þar sem árið 2000 datt út en það ár
markaði upphaf mikillar lækkunar á inn-
lendum sem erlendum hlutabréfum. Í stað
þess kemur metárið og hækkar það raun-
ávöxtun yfir þetta tímabil. Verði ávöxtun
þokkaleg á þessu ári, sem flest bendir
til eins og staðan er í dag, má búast við
að meðalraunávöxtun síðustu fimm ára
hækki frekar þar sem árið 2001 dettur út,
en þá sýndu lífeyrissjóðir slakan árangur.
Samkvæmt tölum frá Landssamtökum
lífeyrissjóða var fimm ára meðaltalsrau-
návöxtun 3,03 prósent árið 2004 og var því
undir reiknivöxtunum 3,5 prósent, sem
lífeyrissjóðirnir telja eðlilegt að þeir séu
með sem raunávöxtun þegar til lengri
tíma er litið. Fimm ára meðaltalið fór að
að öllum líkindum upp í 5,8 prósent árið
2005 en það liggur ekki endanlega fyrir.
“Ef við gerum ráð fyrir að raunávöxtun
lífeyrissjóðanna í ár verði 6,38 prósent,
sem er meðalraunávöxtun sjóðanna frá
árinu 1991, og reiknum út meðaltal frá
2002 til 2006, þá fæst út ávöxtun upp á
7,55 prósent,” segir Hrafn Magnússon,
framkvæmdastjóri Landssamtaka lífeyr-
issjóða.
Á síðustu fimm árum hafa Gildi og Sam-
vinnulífeyrissjóðurinn sýnt hæsta raun-
ávöxtun; 8,6 prósent. Hjá stóru sjóðunum
er meðaltal hreinnar raunávöxtunar 6,3
prósent hjá LSR og 7,0 prósent hjá LV. Til
samanburðar skilar Lífeyrissjóður verk-
fræðinga aðeins 1,8 prósenta raunávöxtun
á síðustu fimm árum og Sameinaði lífeyr-
issjóðurinn um 2,3 prósentum.
TÍMI ERLENDU EIGNANNA KOMINN
Frá áramótum hefur Úrvalsvísitalan stað-
ið í stað og ef fram heldur sem horfir er
ljóst að innlend hlutabréf munu skila litlu
til sjóðanna í ár eftir þrjú mjög góð ár.
Aftur á móti hafa erlendar eignir hækkað
talsvert vegna lækkunar krónunnar og
almennra verðhækkana á erlendum hluta-
bréfamörkuðum. Enn fremur hafa verð-
tryggðar eignir lífeyrissjóðanna hækkað
nokkuð vegna aukinnar verðbólgu.
“Það eru líkur á því að nú uppskeri menn
ríkulega sem eru með verulega hlutdeild
erlendra eigna í eignasafni sínu. Nú er tími
þeirra kominn sem hafa viljað vera með
stærri hluta af sínum eignum erlendis,”
segir Hrafn. Hann telur að sá munur sem
er á ávöxtun milli einstakra lífeyrissjóða
geti endurspeglast í ólíkri áherslu þeirra
á innlendar og erlendar eignir. Þeir lífeyr-
issjóðir sem hafa sýnt lakari ávöxtun en
aðrir á undanförnum árum eru líklegri til
að hafa hærra hlutfall í erlendum eignum.
Aðalatriðið er þó að vera með eignasafn
með góðri áhættudreifingu og líta frekar
á fimm til tíu ára meðaltöl raunávöxtunar,
en að einblína á síðasta ár eða hugsanlega
ávöxtun á þessu ári.
“Ávöxtun okkar á fyrsta ársfjórðungi er
með því besta sem við höfum séð,” segir
Arnaldur Loftsson, framkvæmdastjóri
Frjálsa lífeyrissjóðsins. Lífeyrissjóðurinn
er með hærra hlutfall erlendra eigna en
meðaltal lífeyrissjóða og nýtur góðs af
lækkun gengis krónunnar.
Vægi erlendra eigna í eignasöfnum
íslensku lífeyrissjóðanna hefur farið vax-
andi á síðustu árum. Erlend verðbréfaeign
lífeyrissjóðanna nam tæpum 300 millj-
örðum króna í árslok og hafði hækkað um
36 prósent á milli ára. Tölur Seðlabanka
Íslands yfir erlend verðbréfakaup
Íslendinga benda sterklega til þess að stór-
ir fjárfestar, þar á meðal lífeyrissjóðirnir,
hafi beint fjárfestingum sínum út fyrir
landsteinana enn frekar eftir áramótin.
Þriggja mánaða uppgjör Gildis er í
ágætu lagi að sögn Árna þótt tölurnar séu
ekkert í líkingu við það sem sést hefur
á undanförnum árum. Árni telur að þeir
sjóðir sem hafa hátt hlutfall í erlendum
eignum njóti góðs af þeim aðstæðum sem
lífeyrissjóðirnir búa við í dag. “Það kemur
auðvitað að því að þessi sjóður verður ekki
með bestu ávöxtunina.”
10. MAÍ 2006 MIÐVIKUDAGUR10
H Æ S T A R A U N Á V Ö X T U N I N
Á R I Ð 2 0 0 5 *
Lífeyrissjóður Hrein raunávöxtun
1. Gildi lífeyrissjóður 17,8%
2. Lífeyrissjóður Vestfirðinga 17,60%
3. LV 16,1%
4. Samvinnulífeyrissjóðurinn 14,2%
5. LSR 14,0%
6. Lífeyrissjóður Norðurlands 14,0%
7. Lífeyrissjóður hjúkrunarfræðinga 13,7%
8. Frjálsi lífeyrissjóðurinn 13,6%
Áætlað meðaltal allra sjóða 13,5%
9. Söfnunarsjóður lífeyrisréttinda 13,3%
10. Lífeyrissjóður Vestmannaeyja 12,2%
11. Lífeyrissjóður lækna 12,2%
12. Sameinaði lífeyrissjóðurinn 12,0%
13. Lífeyrissjóðurinn Lífiðn 11,3%
14. Lífeyrissjóður bankamanna 10,8% *
15. Lífeyrissjóður verkfræðinga 10,4%
* Stigadeild
F I M M Á R A M E Ð A L T A L
H R E I N N A R R A U N Á V Ö X T U N A R
Meðaltal hreinnar
Lífeyrissjóður raunávöxtunar *
1.-2. Samvinnulífeyrissjóðurinn 8,6%
1.-2. Gildi lífeyrissjóður 8,6%
3. Lífeyrissjóður verzlunarmanna 7,0%
4. Söfnunarsjóður lífeyrisréttinda 6,9%
5. Lífeyrissjóður starfsmanna ríkisins 6,3%
6.-7. Lífeyrissjóður Norðurlands 6,1%
6.-7. Lífeyrissjóður hjúkrunarfræðinga 6,1%
8.-10. Lífeyrissjóður lækna 5,9%
8.-10. Lífeyrissjóður Vestmannaeyja 5,9%
8.-10. Lífeyrissjóður Vestfirðinga 5,9%
11. Lífeyrissjóður Vesturlands 5,8%
Áætlað meðaltal allra sjóða 5,8%
12. Almenni lífeyrissjóðurinn 4,5%
13.-14. Lífeyrissjóður bankamanna 4,1%
13,-14. Lífeyrissjóðurinn Lífiðn 4,1%
15. Lífeyrissjóður bænda 3,6%
16. Sameinaði lífeyrissjóðurinn 2,3%
17. Lífeyrissjóður verkfræðinga 1,8%
* Tölur vantar frá Frjálsa lífsj., Lífsj. Austurlands, Lífsj
Suðurlands og Lífsj. starfsmanna sveitarfélaga
LÍFEYRISSJÓÐIR SKILUÐU UM 13,5 PRÓSENTA RAUNÁVÖXTUN Á SÍÐASTA ÁRI SAMKVÆMT TÖLUM FRÁ LANDSSAMTÖKUM LÍFEYRISSJÓÐA Gildi skilaði
hæstri ávöxtun á síðasta ári og er ásamt Samvinnulífeyrissjóðnum með hæstu raunávöxtun þegar litið er til síðustu fimm ára. Stærstu lífeyrissjóðirnir skila að jafnaði betri
ávöxtun en þeir minni.
Gildi og Vestfirðingar með bestu ávöxtun árið 2005
Síðastliðið ár var það besta í sögu lífeyrissjóðanna. Flestir skiluðu þeir metávöxtun sökum hækk-
ana innlendra hlutabréfa og fer langtímaávöxtun sjóðanna hækkandi. Lífeyrissjóðir sem hafa hátt
hlutfall í erlendum eignum eru vísir til að skera sig úr á þessu ári, að mati þeirra sem Eggert Þór
Aðalsteinsson ræddi við.
F R É T T A S K Ý R I N G