Fréttablaðið - 26.05.2006, Side 86

54 26. maí 2006 FÖSTUDAGUR
sport@frettabladid.is
HVAÐ? HVENÆR? HVAR?
MAÍ
23 24 25 26 27 28 29
Föstudagur
■ ■ SJÓNVARP
 19.00 Gillette sportpakkinn á Sýn.
 20.00 Meistaradeild Evrópu á
Sýn. Fréttaþáttur.
 20.30 Motorworld á Sýn.
 21.30 HM í póker á Sýn.
HANDBOLTI Mál Sverris Björnsson-
ar og Fram vakti upp mikla
umræðu í handboltaheiminum í
gær en Fram vildi ekki taka tæp-
lega milljón króna tilboði þýska
úrvalsdeildarfélagsins Gummers-
bach í Sverri. Sverrir lýsti því yfir
við Fréttablaðið í kjölfarið að hann
myndi frekar leggja skóna á hill-
una en að spila aftur fyrir Fram -
svo reiður var hann stjórnarmönn-
um félagsins.
Alfreð Gíslason landsliðsþjálf-
ari blandast í málið með veruleg-
um hætti enda hefur hann haft
veg og vanda af því að Sverrir fari
til félagsins en hann tekur við lið-
inu næsta sumar. Stjórnarmenn
Fram - þeir Kjartan Ragnarsson
og Hjálmar Vilhjálmsson - lýstu
því yfir í samtali við blaðamann í
gær að þeir undruðust framgöngu
Alfreðs, sem hefði ekki haft sam-
ráð við þá þegar hann samdi við
Sverri. Fréttablaðið setti sig í sam-
band við Alfreð í gær og spurði
hann hvernig málið blasti við
honum.
„Til að fá alla söguna er þetta
þannig að ég kemst að því fyrir til-
viljun að annað lið í Þýskalandi sé
að ræða við Sverri um að koma út
en það er lið í neðri hluta úrvals-
deildarinnar. Mig grunaði ekki að
hann hefði áhuga á að fara út og
sleppa vinnunni sem hann var í og
annað. Ég spyr hann svo að þessu í
Magdeburg um páskana og hann
játti því að hann væri að skoða
málið þar sem hann hefði munn-
legt samkomulag við Kjartan for-
mann handknattleiksdeildar Fram
um að hann mætti fara eftir fyrra
árið út eða til Akureyrar. Þetta
viðurkenndi Kjartan fyrir mér
þegar ég spurði hann að því. Þá
sagðist Kjartan líka aldrei hafa
haldið að atvinnumennska kæmi
til greina,“ sagði Alfreð og bætti
við að það væri ekki rétt hjá Kjart-
ani að Gummersbach hefði sent
Fram skriflegt tilboð í Sverri þó
vissulega væri búið að ræða
ákveðnar tölur sem eru sam-
kvæmt heimildum Fréttablaðsins
tíu þúsund evrur, eða tæp milljón
íslenskra króna.
„Ég sagði við Sverri að
Gummersbach væri tilbúið að
setja ákveðna upphæð í hreinan
varnarmann eins og hann. Síðan
kemur í ljós að Sverrir er ekki
laus þar sem það er mismunandi
túlkun á samkomulagi Sverris og
Fram. Til að liðka fyrir málum þá
tala ég við Gummersbach og spyr
hvort þeir séu ekki tilbúnir að
gera Fram tilboð í Sverri. Þeir
gáfu sig á endanum og sú upphæð
sem Gummersbach er til í að
borga er mjög sanngjörn að mínu
mati,“ sagði Alfreð.
Ef málið færi í hart sagði Alfreð
líklegt að ekkert yrði af kaupun-
um. Þýsk félög eru þar að auki
nánast hætt að kaupa leikmenn
sem spila eingöngu vörn, einfald-
lega vegna þess að boltinn er orð-
inn svo hraður að ekki gefst tími
til að skipta þessum mönnum inn á
völlinn.
„Ég veit ekki hvort þessir menn
haldi að þeir séu að tala við Chel-
sea en Gummersbach er svo sann-
arlega ekki Chelsea. Sverrir er
orðinn dýr varnarmaður ef hann
færi á hærri upphæð en verið er
að tala um í dag,“ sagði Alfreð,
sem hafnar því að hann hafi farið
á bak við Framara.
„Ég fór alls ekki á bak við
Fram. Ég hitti þá í síðustu viku og
þá var ekkert minnst á að ég væri
að fara á bak við þá. Ég er mjög
hissa á þessari framkomu og ég
tel mig hafa komið hreint fram við
þá. Þegar málið kemur upp þá fer
boltinn að rúlla fyrir alvöru þar
sem Sverrir segist geta fengið sig
lausan þar sem hann hafi orð Fram
fyrir því en það stendur greini-
lega ekki lengi,“ sagði Alfreð
Gíslason, landsliðsþjálfari í hand-
knattleik.
henry@frettabladid.is
Gummersbach er ekki Chelsea
Alfreð Gíslason, landsliðsþjálfari í handknattleik og tilvonandi þjálfari Gummersbach, furðar sig á fram-
komu Framara í garð Sverris Björnssonar og bendir á að Fram sé ekki að semja við Chelsea. Hann segir
stjórnarmenn Fram enn fremur brjóta munnlegt samkomulag við Sverri.
STJÓRNARMENNIRNIR Hjálmar Vilhjálms-
son, varaformaður handknatteiksdeildar,
og Kjartan formaður, gulur í bakgrunni, eru
sagðir hafa gengið á bak orða sinna.
EKKI SÁTTUR Alfreð Gíslason landsliðsþjálfari er mjög ósáttur við framkomu stjórnarmanna
Fram í garð Sverris Björnssonar. FRÉTTABLAÐIÐ/PJETUR
Eyþór Atli Einarsson, miðjumaður
Grindvíkinga, átti stutta innkomu
í nágrannaslagnum gegn Keflavík
á fimmtudaginn. Hann kom inn
á sem varamaður á 88. mínútu
leiksins og áður en Kristinn
Jakobsson, dómari leiksins,
hafði flautað leikinn af
náði hann að gefa Eyþóri
tvö gul spjöld og þar
með rautt. Um óstaðfest
Íslandsmet er að ræða
en erfitt er að fletta aftur
í sögubókum til að leita
að sams konar atviki.
„Það er allavega ljóst
að þetta var ekki minn
lengsti leikur,“ sagði
Eyþór furðu hress þegar
Fréttablaðið náði tali af honum í
gær. „Þetta var frekar furðulegt.
Ég get viðurkennt það að ég hef
líklega verðskuldað fyrra gula
spjaldið. Það var leikmaður Kefla-
víkur sem fékk boltann úti við
hliðarlínu og ég var of seinn í
tæklingu. Miðað við hvernig
leikurinn hafði þróast átti ég
kannski skilið það spjald. En
seinna atvikið skil ég ekki
alveg og það er mér eigin-
lega hulin ráðgáta.“
Eyþór Atli fékk
seinna gula spjald-
ið þegar um tvær
mínútur voru komnar
fram yfir venjulegan
leiktíma og var því rekinn
af velli. „Það var einvígi inni á miðjunni
og ég næ að pota í boltann. Svo verða
menn allt í einu brjálaðir og ég ligg
skyndilega í jörðinni og er að reyna að
verja mig. Þá fæ ég að líta gula spjaldið,
en ég held að ég hafi ekki gert neitt
rangt,“ sagði Eyþór, sem lék sautján
leiki í deildinni í fyrra en fékk aldrei gult
spjald.
„Ég var svo duglegur að lyfta í vetur
að maður er orðinn nautsterkur,“ sagði
Eyþór hlæjandi en það kom honum
sjálfum á óvart að hafa ekki fengið neitt
gult í fyrra. „Maður hefur ekki verið
nægilega ákveðinn en ég fékk reyndar
eitt rautt spjald í fyrra. Ég fékk það
spjald einnig gegn Keflavík og þá var
Kristinn einmitt líka að dæma,“ sagði
Íslandsmetshafinn Eyþór Atli Einarsson.
EYÞÓR ATLI EINARSSON HJÁ GRINDAVÍK: NÆLDI SÉR Í TVÖ GUL SPJÖLD Á JAFN MÖRGUM MÍNÚTUM
Allavega ekki minn lengsti leikur
> KR fær Króata
KR-ingar hafa gengið frá samningi við
króatíska miðjumanninn Mario Cizmek
sem hefur æft með liðinu síðustu daga.
Cizmek kom til liðsins að undirlagi landa
hans, Dalibor Pauletic, sem leikur með
KR. Cizmek þykir fjölhæfur leikmaður en
er fyrst og fremst hugsaður sem miðju-
maður enda hafa KR-ingar verið í vand-
ræðum með miðjustöðurnar og varnar-
maðurinn Pauletic hefur meðal annars
þurft að spila við hlið Bjarnólfs Lárusson-
ar. Cizmek er þrítugur og þótti mikið efni
á sínum
tíma en
hann á
að baki
leiki
með
króat-
íska
U-21 árs
landslið-
inu.
FÓTBOLTI Hinir ungu lánsmenn frá
Stoke, Carl Dickinson og Keith
Thomas, eru á leið heim eftir
skamma viðdvöl í Fossvoginum.
Þeir horfðu á leik Víkings og
Breiðabliks í gær, fóru svo í
lambalæri til formannsins,
Róberts Agnarssonar, og eiga flug
seinni partinn í dag. Þessi niður-
staða kemur nokkuð á óvart, sér-
staklega í tilfelli Dickinsons sem
hafði verið í byrjunarliði Víkings.
„Honum leiddist hérna og það
kom fram í leik hans,“ sagði
Róbert en þess er skemmst að
minnast þegar Dickinson lenti í
handalögmálum við félaga sinn í
Víkingsliðinu, Grétar Sigurðsson,
í leik liðsins gegn Keflavík. „Þetta
eru bara ungir strákar og við
eigum ekkert síðri leikmenn í
hópnum. Þeim leiddist og voru
með svolitla heimþrá. Þeir vildu
komast heim til mömmu.“
Róbert segir ekkert ákveðið
með að sækja frekari liðsstyrk að
utan og eins og staðan sé í dag
treysti hann núverandi hópi til að
klára dæmið. - hbg
Leikmenn Stoke farnir heim:
Vildu komast
til mömmu
FÓTBOLTI Framkvæmdir við Laug-
ardalsvöllinn eru í fullum gangi
en verið er að endurbæta hina
svokölluðu gömlu stúku.
„Stúkan á að vera tilbúin fyrir
vináttulandsleikinn gegn Spán-
verjum um miðjan ágúst, nema
þakið á henni. Í september þegar
við tökum á móti Dönum á hins
vegar stúkan að vera fullkláruð
og þakið einnig. Húsið sem verð-
ur samtengt stúkunni verður
síðan endanlega klárað í desem-
ber. Þessu hafa verktakarnir að
minnsta kosti lofað okkur og
segja að þetta sé á áætlun,“ sagði
Eggert Magnússon, formaður
KSÍ, en það er Ístak sem sér um
þessar framkvæmdir.
„Stúkan verður mun nútíma-
legri og verður stækkuð í báða
enda. Inngangurinn á völlinn mun
síðan gjörbreytast og verða fyrir
miðri stúkunni, þar sem nýtt hús
kemur og verður samtengt stúk-
unni. Þar verður miðasalan stað-
sett og það verður því mun meiri
heildarsvipur á þessu. Í húsinu
sjálfu verða salarkynnin mjög
glæsileg og öll aðstaða mun betri.
Svo er verið að gera öll klósettin
upp enda kominn tími á það,“
segir Eggert en þegar nýja stúk-
an verður tilbúin mun Laugar-
dalsvöllurinn taka tíu þúsund
manns í sæti.
Eggert segir að stefnan sé ekki
sett á að setja nýtt aðsóknarmet á
vináttulandsleikinn gegn Spán-
verjum en á honum má KSÍ selja
miða í stæði. „Það verða fram-
kvæmdir ennþá í gangi á vellin-
um svo það verður mjög erfitt. En
ef Spánn vinnur heimsmeistara-
keppnina í Þýskalandi er ég alveg
til í að taka þátt í því að reyna að
slá það met,“ sagði Eggert í gam-
ansömum tón. - egm
Framkvæmdir á Laugardalsvelli ganga vel:
Framkvæmdirnar
eru á áætlun
NÝ STÚKA AÐ RÍSA Ekki færri en þrjá krana þarf til þess að hífa steypuklumpuna upp í
nýju stúkuna á Laugardalsvelli. FRÉTTABLAÐIÐ/VILHELM
GOLF Kylfingurinn Heiðar Davíð
Bragason hefur átt tvo frábæra
daga á Kinnaborg-mótinu í golfi
sem fer fram þessa dagana. Heið-
ar hefur leikið hringina tvo á
þremur höggum undir pari en síð-
asti hringurinn verður leikinn í
dag.
Mótið er hluti af sænsku
atvinnumannamótaröðinni en
Heiðar lék á 69 höggum í fyrradag
og 68 í gær. Þetta setur Heiðar í
efsta sæti mótsins fyrir lokahring-
inn. Heiðar hefur ekki verið að
leika ýkja vel að undanförnu og
því er þessi velgengni hans í Sví-
þjóð mjög kærkomin. - hþh
Heiðar Davíð Bragason:
Í efsta sæti í
Svíþjóð
HEIÐAR DAVÍÐ Nær vonandi að fylgja
frábærum árangri sínum eftir í dag.
FRÉTTABLAÐIÐ/STEFÁN
Birgir Leifur lék vel
Atvinnukylfingurinn Birgir Leifur Haf-
þórsson lék mjög vel á fyrsta keppnis-
degi á Áskorendamóti í Marokkó í gær
og lék á 63 höggum, fjórum höggum
undir pari. Birgir Leifur er fjórum högg-
um á eftir fyrsta manni en hann fékk
sex fugla á deginum og tvo skolla.