Fréttablaðið - 02.06.2006, Page 10

10 2. júní 2006 FÖSTUDAGUR
EINU SINNI VAR…
Ævintýralegir tilboðsdagar
20%
af öllum vörum
dagana 31. maí - 3. júní
Fákafen 9, Sími 5331118
einusinnivar.is
39.900kr.
SÓL
Tyrkland
Portúgal
*
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
R
V
3
29
81

06
/2
00
6
Tyrkland - Anastasia eða Faber í 7 nætur 6. eða 13. júní
á mann m.v. 4 íbúð með 1 svefnherb. 49.900 kr. ef 2 ferðast saman.
44.900kr.*
Portúgal - Brisa Sol eða Ondamar í 14 nætur - 13. júní
Verðdæmi:
Verðdæmi:
á mann m.v. 4 í íbúð með 1 svefnherb. 54.900 kr. ef 2 ferðast saman.
* Innifali›: Flug, gisting í 7 nætur, flugvallarskattar
og íslensk fararstjórn.
Fleiri eða færri?
Finndu verð á þinni ferð og kynntu þér tilboðin
á öðrum brottförum og öðrum áfangstöðum
á www.urvalutsyn.is
Bókaðu á netinu, það borgar sig.
Ódýrt
NOREGUR Norski fjármálaráðherr-
ann, Kristin Halvorsen, fékk ekki
að fara yfir rússnesku landamær-
in til þess að skoða landamæra-
stöðina þar í opinberri heimsókn
hjá vararíkisstjóranum hinum
megin við landamærin. Ástæðan
var sú að það var ekki til pappír í
vegabréfsáritun.
Fjármálaráðherrann, Nikaolai
Beresjnoj vararíkisstjóri og Evg-
enij Aleksejev tollstjóri höfðu
komið sér saman um að skoða toll-
stöðvarnar hvoru megin landa-
mæranna í þeim tilgangi að opna
landamærin meira en nú er og auka
samstarfið milli þjóðanna.
Fréttavefurinn Dagbladet segir
að Halvorsen hafi skömmu áður
verið á fundi í Finnmörku og talað
þar fallega um að bæta samstarfið
milli landanna, til dæmis milli toll-
yfirvalda, og einfalda vegabréfa-
útgáfu til að auðvelda heimsóknir
milli landanna. Hún hefði sagt að
sérstök áritun fyrir norðlægar
slóðir, Barentsáritun, kæmi til
greina.
Þegar Halvorsen ætlaði svo að
fara yfir landamærin til að hitta
Rússana í landamærastöð sem var
byggð fyrir norska peninga árið
2002 var hún stöðvuð. Rússarnir
komu því bara yfir til Noregs og
fundurinn var haldinn í norsku
landamærastöðinni í staðinn. - ghs
KRISTIN HALVORSEN Norski fjármálaráð-
herrann Kristin Halvorsen var stöðvuð við
rússnesku landamærin af því að Rússarnir
áttu ekki pappír í vegabréfsáritanir.
FRÉTTABLAÐIÐ/TEITUR
Norski fjármálaráðherrann fékk ekki að fara yfir rússnesku landamærin:
Áttu ekki pappír í áritunina
Sexfalt lífstíðarfangelsi Dómstóll í
Rockville í Maryland dæmdi í gær John
Allen Muhammad til sex lífstíðardóma
án möguleika á náðun, fyrir launmorð
á sex mönnum í nágrenni Washington-
borgar árið 2002. Saksóknarar lýstu
fangelsisdómunum sem „tryggingu“ ef
dauðadómnum sem Muhammad hlaut
í Virginíu skyldi einhvern tímann verða
hnekkt.
BANDARÍKIN
Kynt undir ófriðarbáli Aftaka
skæruliða á tólf verkamönnum af ætt
sinhalesa, sem meirihluti Sri Lanka-búa
tilheyrir, í þorpi á austurhluta eyjar-
innar á mánudagskvöld, hefur kynt
undir ófriðarbáli sem stefnir jafnvel í að
verða að óheftu borgarastríði. Norskir
sáttasemjarar hafa í þrjú ár reynt að fá
fulltrúa stríðandi fylkinga að samninga-
borðinu.
SRI LANKA
SAMEINUÐU ÞJÓÐIRNAR, AP Kofi
Annan, framkvæmdastjóri Sam-
einuðu þjóðanna, sagði að leiðtogar
heimsins hefðu ekki staðið við lof-
orð sem þeir gáfu fyrir fimm árum
um að berjast gegn alnæmi. Nú
verði þeir að horfast í augu við
raunveruleikann og gera sér grein
fyrir því að til þess að stöðva
útbreiðslu alnæmis verði þeir að
vernda þá sem í mestri hættu eru,
nefnilega vændiskonur, fíkniefna-
neytendur og samkynhneigða.
„Við munum ekki ná árangri
með því að stinga höfðinu í sandinn
og láta eins og þetta fólk sé ekki til
eða að það þurfi ekki á hjálp okkar
að halda.“ Annan sagði þetta við
upphaf þriggja daga leiðtogafund-
ar Sameinuðu þjóðanna í New
York. Hann vitnaði þar í nýút-
komna skýrslu Sameinuðu þjóð-
anna þar sem fram kemur að hægt
hefur á útbreiðslu alnæmis, þótt
faraldurinn sé enn alvarlegur.
Meðal þess sem leiðtogarnir
deila um er hvort réttlætanlegt sé
að minnast sérstaklega á áhættu-
hópa, sem einkum tengjast vændi,
fíkniefnum og samkynhneigð.
Samkvæmt skýrslunni, sem
kom út á þriðjudaginn, eru nærri
fjörutíu milljónir manna um heim
allan smitaðar af HIV-veirunni,
sem veldur alnæmi. Flest smit
verða nú orðið á Indlandi, en
ástandið er þó enn verst í Afríku
sunnan Sahara, þar sem dánartíðn-
in fer enn hækkandi í sumum lönd-
um.
Á leiðtogafundinum í höfuð-
stöðvum Sameinuðu þjóðanna í
New York er ætlunin að fara yfir
stöðuna og athuga hvernig gengið
hefur að standa við þau loforð sem
gefin voru á svipaðri ráðstefnu,
sem haldin var árið 2001.
Einnig er meiningin að horfa
fram á við og skipuleggja varnir
gegn HIV-veirunni um heim allan.
gudsteinn@frettabladid.is
Loforð gefin fyrir
fimm árum svikin
Kofi Annan segir að ekkert þýði að stinga höfðinu í sandinn, þótt loks sé byrjað
að draga úr útbreiðslu alnæmis í heiminum. Fjörtíu milljónir eru smitaðar.
ÞRJÚ HIV-SMITUÐ BÖRN Á
INDLANDI Suresh, Gopika og
Subiksha heita þessi börn, sem
öll eru HIV-smituð og dveljast á
munaðarleysingjahæli í Madras á
Indlandi. FRÉTTABLAÐIÐ/AP
HOLLAND, AP Hollendingar verða að
bregðast við hlýnun loftslags, og
það fljótt, því þeir eiga von á því að
yfirborð sjávar hækki um allt að 35
sentimetra fyrir árið 2050, sam-
kvæmt skýrslu veðurstofu Hol-
lands sem birt var í vikunni. Jafn-
framt er líklegt að veturnir verði
mun votviðrasamari en hingað til.
Þar sem 60 prósent alls lands í Hol-
landi er undir sjávarmáli geta Hol-
lendingar ekki virt hættuna að
vettugi, að sögn Melanie Schultz
van Haegen, ráðherra samgöngu-
og vatnsmála.
Hún bætti við að engin aðkall-
andi hætta steðjaði þó að stíflu-
görðum eða síkjum landsins. - smk
Gróðurhúsaáhrifin:
Yfirborð sjávar
hækkar hratt
KLÓSETTSKÁL FÓTBOLTAÁHUGAMANNSINS
Grænn fótboltavöllur, hvítt mark og
agnarlítill rauður bolti bíða fótboltaáhuga-
manna á salerni knæpunnar Ackermanns í
Stuttgart í Þýskalandi þar sem heimsmeist-
aramótið í fótbolta hefst innan skamms.
FRÉTTABLAÐIÐ/AP