Fréttablaðið - 10.06.2006, Page 72

10. júní 2006 LAUGARDAGUR48
Mótorkross nýtur sívaxandi vinsælda hjá fólki á
öllum aldri og af báðum kynjum. Hátt á fjórða
hundrað mótorhjólakappa komu saman á Kirkju-
bæjarklaustri síðustu helgina í maí og öttu kappi
á Trans-Atlantic Offroad Challenge sem haldið
var fimmta árið í röð. Auk aðalkeppnisflokks
var keppt í unglingaflokki og kvennaflokki en
að sögn aðstandenda keppninnar er mótorkross
sannkallað fjölskyldusport. Vilhelm Gunnarsson
ljósmyndari mætti á hjólinu sínu en gaf sér tíma
til að stíga af því og taka nokkrar myndir.
FJÖLSKYLDAN
Í SPYRNU
BÚINN Náttúran tekur sér ekki hlé meðan
á keppni stendur en sem betur fer kemst
mótorhjólið alla leið upp að dyrum.
MÁ EKKI Á MILLI SJÁ Átökin eru hörð á keppnisbrautinni og ekki má gefa þumlung eftir án
þess að missa forystuna.
SÉR EKKI ÚT ÚR AUGUM Ekki þýðir að vera hræddur við að óhreinka sig ætli maður að
keppa í mótorkrossi. Drullan er út um allt.
UNGIR KAPPAR Keppt var í sérstökum unglingaflokki sem og í kvennaflokki en þátttökurétt í aðalkeppninni fá aðeins þeir sem náð hafa
sextánda aldursári. Að sögn aðstandenda keppninnar er mótorkross sannkölluð fjölskylduíþrótt enda setti fjölskyldustemning skemmtileg-
an brag á keppnina.
TILBÚINN - VIÐBÚINN - NÚ Alls kepptu um 370 mótorhjólamenn á mótinu sem er hið stærsta sinnar tegundar hér á landi. Á hverri ráslínu eru um 170 hjól og til að standa með pálmann í höndunum þarf gott úthald því ekið er í sex
klukkustundir.