Fréttablaðið - 17.06.2006, Blaðsíða 60

17. júní 2006 LAUGARDAGUR44
LANGAR ÞIG Í EINTAK?
Sendu SMS skeytið BTC KEF á númerið 1900
Þú gætir unnið!
Vinningar eru:
• Keane - Under The Iron Sea
• Keane - Live Recordings 2004 EP
• Keane - Strangers DVD
• Pepsi kippur • DVD myndir
• Fullt af öðrum geisladiskum og margt fleira
SM
S
LE
IKU
R
V
in
ni
ng
ar
v
er
ða
a
fh
en
d
ir
hj
á
B
T
S
m
ár
al
in
d
. K
óp
av
og
i.
M
eð
þ
ví
a
ð
ta
ka
þ
át
t
er
tu
k
om
in
n
í S
M
S
k
lú
b
b
. 1
49
k
r/
sk
ey
tið
.
10. hver vinnur!
Gríman, íslensku leiklistar-
verðlaunin, voru afhent í
fjórða sinn í gærkvöldi við
hátíðlega athöfn í Borgar-
leikhúsinu en úrslitin komu
fáum á óvart.
Baltasar Kormákur og leiksýning
hans Pétur Gautur voru ótvíræðir
sigurvegarar kvöldsins. Sýningin
var kjörin besta sýning ársins og
aukinheldur hlutu tveir leikarar
hennar verðlaun sem bestu leikar-
ar ársins í aukahlutverki og sá
þriðji var leikkona ársins í aðal-
hlutverki. Þá var Baltasar Kor-
mákur útnefndur leikstjóri ársins
fyrir leikstjórnina.
Viðar Eggertsson, formaður
Leiklistarsambands Íslands, sagði
Grímuna vera mikilvæga upp-
skeruhátíð fyrir leikara og leik-
húsunnendur í lok leikárs. „Þessi
hátíð er ekki síst mikilvæg vegna
þess að sviðslistir eru því marki
brenndar, að þegar sýningum
lýkur og tjaldið fellur í síðasta
sinn að lokinni sýningu, þá hverf-
ur þetta listaverk okkar út í tómið
og eftir stendur minningin ein.
Þess vegna er okkur leikhús-
fólki mikilvægt að geta
staldrað við í lok leikárs,
komið saman, litið yfir
farinn veg og skoðað þær
stundir sem við höfum
skapað sem eru að hverfa
úr augsýn.“ Viðar segir
Grímuna þó ekki aðeins
vera uppskeruhátíð til
handa lærðu leikhús-
fólki, heldur ekki hvað
síst til heiðurs áhorfend-
um. „Þarna eigum við
líka stefnumót við
áhorfendur okkar
sem hafa gert
okkur kleift
að skapa
leikhús.
Það er
fyrir þær sakir sem við lögðum
mikið upp úr því að sjónvarpa
hátíðinni, svo við gætum átt
ánægjulega stund með öllum þeim
gríðarlega fjölda fólks sem sýnt
hefur leikhúslífi landsins áhuga.
Við erum ekki þarna saman komin
einungis til að klappa hvert öðru á
bakið heldur til að senda boltann
yfir til áhorfenda og þakka þeim
fyrir veturinn.“ Að mati Viðars er
íslenskt leikhús einstakt að því
leyti hversu ötulir Íslendingar eru
að stunda það. „Ég held það hljóti
að vera einsdæmi að fleiri
aðgöngumiðar í leikhús eru seldir
á ári hverju en nemur íbúatölu
landsins. Það er þessi staðreynd
sem segir okkur að íslensk leik-
hús er alþýðuleikhús, það er leik-
hús fólksins.“ Viðar segir útrás
íslenskrar leiklistar fara vaxandi
og búið sé að stofna loftbrú sem
geri leikhúsfólki kleift að setja
leiksýningar á svið á erlendum
vettvangi. „Útrás góðra íslenskra
listamanna er eflaust einhver sú
besta útrás sem Íslendingar geta
lagt í nú um stundir. Kannski hún
verði ekki jafn dramatísk og útrás
íslensku kaupsýslu-
mannanna en vænt-
anlega verður
hún listfengn-
ari og ef hún verður dramatísk, þá
er það líka hið besta mál,“ segir
Viðar og hlær.
Súsanna Svavarsdóttir, leik-
húsgagnrýnandi og menningar-
viti, var stödd á Grikklandi þegar
Fréttablaðið náði tali af henni í
gær og spurði um álit hennar á
leikhúsárinu. „Að mínu viti hefur
þetta verið slappt leikár bæði í
Þjóðleikhúsinu og Borgarleikhús-
inu en Leikhúsið á Akureyri hefur
borið höfuð og herðar yfir hin
leikhúsin í landinu. Sýningarnar
sem hins vegar bera af í vetur eru
Ég er mín eigin kona, í hlutverki
Hilmis Snæs og sviðsetningu
Leikhússins Skámána, Pétur
Gautur í leikstjórn Baltasars og
Maríubjallan í Leikhúsinu á Akur-
eyri. Hvert einasta smáatriði í
þessum verkum er unnið af list-
rænni fagmennsku og allar sýn-
ingar skilja mikið eftir sig og sitja
í manni lengi á eftir.“ Súsanna
segir stórkostlegt að hafa fylgst
með vinnu leikaranna í öllum
þessum leiksýningum en að Hilm-
ir Snær hafi unnið kraftaverk í Ég
er mín eigin kona. „Leikur hans
og öll vinna í þessarri sýningu er
nánast ofurmannleg,“ undirstrik-
ar Súsanna.
bryndisbjarna@frettabladid.is
Pétur Gautur sigurvegari
PÉTUR GAUTUR Sópaði að sér verðlaunum á Grímunni og var meðal annars valin sýning ársins.
Ég lenti í Barcelona seint á mánudags-
kvöldið og þá hófst formlega rúnturinn
minn á milli sex tónleikahátíða Evrópu.
Skipulagning hennar hófst um áramót-
in en af nógu er að taka og í raun held
ég að fáir geri sér almennilega grein
fyrir því hversu margar frambærilegar
tónleikahátíðir er að finna í Evrópu á
hverju sumri. Áttaði mig þess vegna
fljótt á því að til þess að fara á allar
hátíðir sem mig langaði að heimsækja
yrði ég að vera á ferðalagi frá miðjum
maí til loka ágústs. Tími og peningar
leyfðu það hins vegar ekki þannig að
með herkjum náði ég að stytta túrinn
niður í aðeins sex hátíðir á einum og
hálfum mánuði. Sex hátíðir eru samt
meira en nóg, myndi maður halda.
Eiga allavega að vera það og við sjáum
bara til.
Komst reyndar að því að einungis
ákveðnar hljómsveitir eru að ferðast á
hverju sumri. Þannig eru margar hljóm-
sveitirnar oft að spila á sömu hátíðun-
um, sem gerir það að verkum að ég fæ
tækifæri til þess að sjá nokkrar sveitir
spila oftar en einu sinni og jafnvel
oftar en tvisvar. Ég held ég hafi hins
vegar ekki mikla þolinmæði fyrir því og
mun þess vegna eyða meiri tíma í að
skoða minna þekkta en áhugaverðari
tónlistarmenn.
En núna er túrinn hafinn og eftir að
hafa þraukað í nokkrar nætur á vægast
sagt óþægilegu farfuglaheimili hófst
fyrsta hátíðin, Sonar heitir hún en
henni má lýsa sem elektró-, dans-, hip
hop-, experimental hátíð í sjálfri mið-
borg Barcelona. Hljómar einstaklega
spennandi, ekki satt?
Sit hér á öðrum degi og úti er ferlega
leiðinlegt veður, 25 stiga hiti og léttskýj-
að, óþolandi þetta Miðjarðarhafslofts-
lag. Sonar hátíðin er algjör hippstera
hátið, svo maður sletti aðeins, mjög
nýmóðins á góðri íslensku. Hér líta flest
allir út fyrir að vera nýkomnir úr Ford-
módel keppninni, tággrannir, hávaxnir
og allir með stút á munni. Nema
náttúrulega Bretarnir, þeir eru alltaf jafn
ferlega ótöff og með mestu lætin.
Hér virðist líka vera í gangi einhvers
konar keppni í því að vera með
svölustu sólgleraugun. Engir tveir
virðast vera með eins sólgleraugu, sem
mörg hver eru mjög flippuð en rosa-
lega heit engu að síður. Þessi sólgler-
augnakeppni kemur mér mjög vel og
bæti ég þar upp fyrir anti-Fordmódel-
útlitið mitt. Köflótta (rauð og hvít) Ray
Ban-eftirlíkingin mín er svo sannarlega
að skila sínu hér á Sonar.
STEINÞÓR HELGI ARNSTEINSSON BLOGGAR FRÁ ROKKFERÐALAGI SÍNU UM EVRÓPU
Eftirlíkingin kemur til bjargar
Alltaf gaman að vinna
Baltasar Kormákur kom, sá og sigraði í
gærkvöldi við afhendingu Grímunnar, íslensku
leiklistarverðlaunanna.
Aðspurður kvaðst Baltasar himinlifandi með
heiðurinn sem honum hafi verið sýndur með
valinu Leikstjóri ársins og það sé einstaklega
ánægjulegt hvað leikritið Pétur Gautur hafi
hlotið góðar viðtökur. Hann vonar að
þessi viðburður verði til að ýta
verkinu úr vör á erlendri grundu.
„Það er gaman að sigra stórt þegar
maður er stoltur af því sem maður
hefur gert,“ segir Baltasar kátur.
Handhafar Grímunnar 2006
Pétur Gautur
■ LEIKSÝNING ÁRSINS
■ LEIKKONA ÁRSINS Í AUKA-
HLUTVERKI Brynhildur Guðjónsdóttir
■ LEIKARI ÁRSINS Í AUKAHL-
UTVERKI Ingvar E. Sigurðsson
■ LEIKSTJÓRI ÁRSINS Baltasar
Kormákur.
Woyzeck
■ LEIKMYND ÁRSINS Börkur
Jónsson (hlaut einnig verðlaun fyrir
leikritið Fagnaður)
■ BÚNINGAR ÁRSINS Filippía I.
Elíasdóttir (hlaut einnig verðlaun fyrir
leikritið Virkjunin)
■ TÓNLIST ÁRSINS Nick Cave og
Warren Ellis
Forðist okkur
■ LEIKSKÁLD ÁRSINS Hugleikur
Dagsson,
■ DANSHÖFUNDUR ÁRSINS
Leikhópurinn.
Ég er mín eigin kona
■ LEIKARI ÁRSINS Í AÐAL-
HLUTVERKI Hilmir Snær Guðnason
■ LÝSING ÁRSINS Björn Bergsteinn
Guðmundsson (hlaut sömu verðlaun
fyrir leikritin, Fagnaður og Maríu-
bjallan)
Litla Hryllingsbúðin
■ SÖNGVARI ÁRSINS Andrea
Gylfadóttir
Áróra Bórealis danssýning
■ DANSARI ÁRSINS Lovísa Ósk Gun-
narsdóttir
Leitin að jólunum
■ BARNASÝNING ÁRSINS
Skáld leitar harms
■ ÚTVARPSVERK ÁRSINS
■ HEIÐURSVERÐLAUN LEIKLISTAR-
SAMBANDS ÍSLANDS hlaut í ár frú
Vígdís Finnbogadóttir fyrir framúr-
skarandi ævistarf í þágu menningar
og lista á Íslandi.
HUGLEIKUR DAGSSON Fékk Grímuna
sem Leikskáld árrsins en verkið hans
Forðist okkur vakti mikla athygli á árinu.
FRÉTTABLAÐIÐ/HARI