Fréttablaðið - 17.07.2006, Side 54
17. júlí 2006 MÁNUDAGUR22
B&L verslun og varahlutir
Brú
Shell
Fossháls
Sú mynd sem flestir Íslend-
ingar bíða eftir með mikilli
óþreyju er Mýrin en hún er
byggð á samnefndri met-
sölubók Arnaldar Indriða-
sonar. Fréttablaðið birtir
hér fyrstu svipmyndirnar
úr kvikmyndinni sem skart-
ar Ingvari E. Sigurðssyni í
hlutverki Erlends rannsókn-
arlögreglumanns.
Morð er framið í Norðurmýrinni
og Erlendur er kallaður til að rann-
saka málið. Við hlið líksins er
mynd af lítilli stúlku og við nánari
eftirgrennslan kemur í ljós að
málið teygir sig aftur í tímann.
Erlendur þarf því að beita öllu
sínu hyggjuviti til að ráða fram úr
því auk þess sem mannshvarf úr
brúðkaupi vekur upp vondar
minningar.
Baltasar Kormákur, leikstjóri
myndarinnar, var mjög ánægður
með hvernig tökurnar gengu fyrir
sig. „Þær gengu frábærlega og
myndin er að taka á sig mjög
spennandi mynd,“ segir hann en
nú er verið að klippa hana á Hofs-
ósi þar sem kvikmyndagerðar-
fólkið getur athafnað sig í friði og
ró. Þá er Mugison á fullu við að
semja tónlistina fyrir myndina en
hann gerði einnig tónlistina fyrir
síðustu mynd Baltasars, A Little
Trip to Heaven, og fékk frábæra
dóma fyrir.
„Ég var mjög trúr bókinni en
gætti þess einnig að vera mjög
trúr kvikmyndaforminu þannig að
þetta er ekki „staf fyrir staf“ eftir
bókinni,“ útskýrir Baltasar sem er
hvergi banginn þótt flestir Íslend-
ingar þekki efnið.
Mýrin að verða tilbúin
LEIKSTJÓRINN Í GÓÐUM FÉLAGSSKAP
Baltasar Kormákur er hér í góðum félags-
skap Rafnhildar Rósu Atladóttur við tökur
á Mýrinni.
FORTÍÐ OG NÚTÍÐ Málið í Norðurmýrinni
tengist fortíðinni og miklum fjölskyldu-
harmleik. Hér er Guðmunda Elíasdóttir í
hlutverki sínu.
SKUGGALEGT Mýrin fjallar um morð á rosknum manni og þarf Erlendur að beita öllum
tiltækum ráðum við að upplýsa það.
KOM Í STAÐINN FYRIR ELVU ÓSK Ólafía
Hrönn Jónsdóttir hljóp í skarðið fyrir Elvu
Ósk sem Elínborg en hún heldur Erlendi
svo sannarlega við efnið.
SIGURÐUR ÓLI Björn Hlynur Haraldsson
gerði góða hluti í Strákunum okkar og birt-
ist hér íslenskum kvikmyndagestum sem
Sigurður Óli, aðstoðarmaður Erlends.
KJÖTSÚPAN VÍÐFRÆGA Ingvar og Ágústa Eva Erlendsdóttir í hlutverkum sínum sem Erlend-
ur og Eva Lind að snæða hina víðfrægu kjötsúpu.
STIRÐ SAMSKIPTI Samband Erlends við
dóttur sína Evu Lind er í molum og hann á
í erfiðleikum með að sætta sig við hvernig
komið er fyrir henni.
FLOTTUR Í HLUTVERKINU Ingvar E. Sigurðs-
son hefur elst um nokkur ár í hlutverki
Erlends rannsóknarlögreglumanns og
hérna syngur hann með lögreglukórnum í
síðustu tökunni.
FRÉTTABLAÐIÐ/BERGSTEINN BJÖRGÚLFSSON