Fréttablaðið - 07.09.2006, Qupperneq 66

7. september 2006 FIMMTUDAGUR24
VISSIR ÞÚ...
SJÓNARHORN
Kormákur Geirharðsson, verslunar-
og bareigandi, hefur ekki keypt sér
föt frá því að hann hætti með herra-
fataverslun Kormáks og Skjaldar.
Til þess að koma í veg fyrir algjört
fataleysi ætlar hann að opna búðina
að nýju og endurnýja fataskápinn
sinn.
1. Hver er uppáhaldsbúðin þín?
Herrafataverslun Kormáks og
Skjaldar.
2. Hvað finnst þér skemmtilegast
að kaupa?
Það eru jakkaföt af því að þau eru
bara svo frábær.
3. Verslar þú í útlöndum?
Já, uppáhaldsbúðin mín í útlöndum
var Bertie Wooster en hún er ekki
þar lengur. Hún var nefnilega svo
frábær að við keyptum hana og
ætlum fljótlega að opna hana hér
á Íslandi undir merkjum Herrafata-
verslunar Kormáks og Skjaldar. Við
verðum að sjálfsögðu með jakkaföt,
brúðkaupsföt og fataleigu.
4. Einhverjar venjur við innkaup?
Já, ef ég spila í góðum gólfklúbbi
erlendis kaupi ég mér alltaf eina
flík þaðan, með merki klúbbsins, til
þess að eiga minningu um hvað var
gaman hjá mér.
5. Tekurðu skyndiákvarðanir í
fatainnkaupum?
Já, en með smá valkvíðakasti. Ég
spyr sjálfan mig hvort ég þurfi á
flíkinni að halda eða hvort ég geti
fundið flottari flík í næstu búð við
hliðina á. Eftir einn bjór líður mér
yfirleitt betur og kaupi mér bara
fötin án þess að sjá nokkurn tímann
eftir því.
KAUPVENJUR
Á það til að fá
valkvíðakast í búðum
Kormákur Geirharðsson vinnur að því að opna nýja búð þessa dagana.
Maðurinn er smár í samanburði við hinn magnaða Dettifoss.
FRÉTTABLAÐIÐ/VILHELM
...að fyrstu kúrekarnir voru uppi á
Spáni á miðöldum?
...að þeir kölluðust vaqueros?
...að þar sem hestar voru dýrir og
yfirleitt aðeins drengir fengnir í
verkið voru flestir kúrekarnir fót-
gangandi?
...að hugtakið kúreki breiddist út til
Ameríku með Spánverjum á land-
vinningatímunum?
...að hinir villtu mústangar (villihest-
ar) eru afkomendur hestanna sem
Spánverjar komu með?
...að fyrir þann tíma voru engir
hestar í Ameríku?
...að kúrekahefðin náði fótfestu í
Mexíkó?
...að kúrekarnir í Mexíkó voru kallað-
ir charros?
...að samhliða fótfestunni í Mexíkó
gerðist það sama í Kaliforníu?
...að kúrekar þar voru kallaðir
buckaroos?
...að þegar vestrið var sigrað blönd-
uðust þessar tvær kúrekahefðir og í
dag er nær enginn munur á þeim?
...að menning kúrekanna var blanda
af menningu landnema og viktorí-
anskra gilda?
...að megininntakið var sjálfstæði og
að vera engum háður?
...að árið 1890 var gullöld
kúrekanna að mestu lokið?
...að þá var hætt að reka nautgripi
frá Texas til Kansas?
...að annað gullaldartímabil kúreka
hófst upp úr 1930?
...að að þessu sinni var það ekki
á sléttum Bandaríkjanna heldur á
hvíta tjaldinu?
...að út frá myndum sem sagnfræði-
lega voru rangar runnu byssan og
kúrekinn saman í mann eins og Roy
Rogers?
Myndir sem gerast í fátækrahverf-
um stórborga, oft meðal þeldökkra
ungmenna, snúast um harða tilveru,
ofbeldi og einstaklingana sem reyna
að þrauka. Framvinda mála ræðst af
aðgerðum, viðbrögðum og ákvarð-
anatöku sem fæst okkar þekkja. Þær
eftirminnilegustu eru án vafa:
1. Menace II Society (1993). Fallega
tekin og vel gerð mynd um ljótan
veruleika ungs manns sem reynir að
breyta rétt. Eftir að hafa óvart tekið
þátt í vopnuðu ráni og morði reynir
Caine að halda sér frá vandræðum.
Snaróður félagi hans, bílþjófar og
barnsmóðir vinar hans gera honum
það illmögulegt. Sérstaklega vel
framsett saga og myndatakan er
eftirminnileg.
2. Boyz N the Hood (1991). Ha?
Cuba Gooding Jr. sem gettóstrákur?
Ókey, það virkar. Hefur að geyma
frasa og tilsvör sem eru nánast
ódauðleg. Gerist eins og margar aðra
gettómyndir í South Central LA og
segir frá skilnaðarbarninu Tre sem
flyst til föðurs síns í þetta alræmda
hverfi. Hálfbræðurnir Dough og Ricky
búa í næsta húsi og feta hvor sinn
stíginn á uppvaxtarárunum. Dough
leiðist út í glæpi á meðan
Ricky, líkt og Tre, stefnir á
eitthvað annað og betra. Í
gettóinu er ekkert öruggt
og það fá þeir félagar að
reyna.
3. South Central
(1992). Átakanleg, en
ekkert of vel leikin,
mynd um föður sem
reynir að forða syni frá
glæpalífinu. Eftir að hafa verið lok-
aður inni í fangelsi í mörg ár reynir
faðir að koma í veg fyrir að sonur
hans rati í sömu ógæfu og hann. Þó
lítur út fyrir að hann sé of seinn á
ferðinni.
4. Juice (1992). Táningar í Harlem
ræna búð og einn þeirra myrðir
afgreiðslumanninn án ástæðu. Til
missættis kemur og sá byssuglaði
skýtur félaga sinn í átökum. Þrír vinir
þeirra eru þeir einu sem vita hvað
gerðist og eru ekki öruggir.
5. Don‘t Be a Menace to South
Central While Drinking Your Juice
in the Hood (1996). Gerir grín að
hinum fjórum myndunum á listan-
um, og reyndar mörgum í viðbót.
Sprenghlægileg, en ekki nema þú
hafir séð hinar.
TOPP 5: GETTÓMYNDIR
CUBA GOODING JR.
SÝNIR GÓÐA TAKTA Í
BOYZ N THE HOOD, ÞÓ AÐ
FIMMTÁN ÁR SÉU LIÐIN
FRÁ ÞVÍ AÐ HANN LÉK Í
HENNI.