Fréttablaðið - 16.10.2006, Side 2

2 16. október 2006 MÁNUDAGUR
SPURNING DAGSINS
RED SKY OG BARKASÖNGVAR-
ARNIR TRACY BROWN OG
KENDRA TAGOONA Í SALNUM
Dansævintýrið Söngur hreindýranna eftir
Tomson Highway og Rick Sacks í flutningi
Red Sky. Barkasöngur, trommudans, ayaya-
söngur og ýmsir aldagamlir leikir forfeðranna
í flutningi barkasöngvaranna Tracy Brown
og Kendra Tagoona. Lifandi og skemmtileg
dagskrá fyrir alla fjölskylduna!
Miðvikudaginn 18. október kl. 20
Fimmtudaginn 19. október kl. 20
Miðasala og nánari upplýsingar á
www.salurinn.is og í síma 5 700 400
A
P
a
lm
an
n
at
e
n
g
sl
/
H
2
h
ö
n
n
u
n
SJÁVARÚTVEGUR Hvalveiðiskipið Hvalur 9 er tilbúið
og í startholunum, að sögn Kristjáns Loftssonar,
forstjóra Hvals hf. Hann segir að ekki sé búið að
taka ákvörðun um það hvort eða hvenær skipið færi
til veiða.
„Við ætlum að prófa vélarnar í vikunni. En svo
verðum við bara að sjá til eftir helgina hvernig
þetta verður.“
Kristján segir að búið sé að manna skipið að
mestu og því sé hægt að fara út til veiða með
skömmum fyrirvara. „Við erum með nógu marga
menn tilbúna til að hlaupa inn ef eitthvað gerist á
næstunni.“
Kristján segir Hvalstöðina í Hvalfirði vera
komna í starfhæft ástand þó hún sé ekki orðin alveg
hundrað prósent.
Einar K. Guðfinnsson sjávarútvegsráðherra
segir að ákvörðun um heimild til hvalveiða liggi enn
ekki fyrir.
„ Það eina sem ég get sagt er að þessi helgi hefur
liðið án nokkurra ákvarðana. En maður veit aldrei
hvað framtíðin ber í skauti sér. Hvalveiðar eru
auðvitað á dagskránni eins og ég hef alltaf sagt. En
ákvörðunin er ekki komin.“
Einar vildi ekki segja til um hvenær niðurstöðu í
málinu væri að vænta. - þsj
Hvalstöðin í Hvalfirði er orðin starfhæf og vélar Hvals 9 verða prófaðar í vikunni:
Að mestu búið að manna skipið
HVALUR 9 Til stendur að prófa vélar skipsins í vikunni en ekki
hefur verið tekin ákvörðun um hvenær veiðar hefjast að nýju.
BANDARÍKIN, AP Bandaríkjamenn
verða orðnir þrjú hundruð milljón
talsins á morgun. Samkvæmt spá
manntalsskrifstofunnar þar í
landi, sem gerir ráð fyrir einum
nýjum Bandaríkjamanni á ellefu
sekúndna fresti, mun sá þrjú
hundruð milljónasti birtast um
hádegi á morgun að íslenskum
tíma.
Áfanganum hefur verið misvel
tekið. Umhverfissinnar segja
enga ástæðu til að fagna honum
því auðlindir landsins séu
takmarkaðar og með aukinni
fjölgun fái hver landsmaður
minni skerf af kökunni. Til
samanburðar má geta að íbúar
Evrópu eru rúmar sjö hundruð
milljónir. - sþs
Mannfjöldaáfangi vestra:
Íbúarnir orðnir
300 milljónir
SÁ 200 MILLJÓNASTI Robert K. Woo er
tvö hundruð milljónasti Bandaríkjamað-
urinn. Hann er fæddur árið 1967.
AFGANISTAN, AP Ítölskum fréttaljós-
myndara og aðstoðarmanni hans
var rænt í Afganistan á laugardag.
Að sögn vitna var
maðurinn,
Gabriello
Torsello, á leið til
borgarinnar
Kandahar ásamt
afgönskum túlki
þegar fimm
vopnaðir menn
réðust á bíl þeirra
og tóku þá
höndum. Talsmaður talíbana í
Suður-Afganistan segir hermenn
hreyfingarinnar ekki tengjast
mannráninu.
Fyrir viku voru tveir þýskir
blaðamenn myrtir í norðurhluta
Afganistan. Þeir eru fyrstu
erlendu blaðamennirnir sem eru
myrtir í landinu síðan 2001. - sþs
Mannrán í Afganistan:
Ítölskum ljós-
myndara rænt
GABRIELLO
TORSELLO
Tekinn á 160 km hraða
Lögreglan í Borgarnesi stöðvaði
ökumann á þrítugsaldri á 160 kíló-
metra hraða á laugardagskvöld. Hann
má búast við sviptingu ökuréttinda
og fær auk þess háa fjársekt fyrir
athæfið.
LÖGREGLUFRÉTTIR
Mæla með ákæru
Ísraelska lögreglan hefur lagt til að
Moshe Katsav, forseti Ísraels, verði
ákærður fyrir nauðgun. Katsav er
sagður hafa þvingað fyrrum starfs-
mann sinn til samræðis fyrr á árinu.
ÍSRAEL
VARNARMÁL Árni Páll Árnason,
fyrrverandi starfsmaður varnar-
málaskrifstofu utanríkisráðuneyt-
isins, sagði í Silfri Egils í gær að
hann hefði orðið þess áskynja á
vormánuðum 1995 og honum gert
viðvart um að það væri fylgst með
honum og þá væntanlega með sím-
hlerunum.
„Ég get sagt að mér var gert
viðvart á vormánuðum 1995 um að
það væri fylgst með mér. Það kom
mér ekkert sérstaklega á óvart.
Ég hafði alltaf gert ráð fyrir því
að fylgst væri með mönnum eins
og mér sem var starfandi á varn-
armálaskrifstofunni og var að fara
til starfa hjá Atlantshafsbandalag-
inu,“ segir Árni Páll.
Árni Páll segir að sér hafi tví-
vegis verið gert viðvart. Fyrsta
viðvörunin hafi orðið til þess að
hann hafi gætt orða sinna en síðan
hafi komið að því að hann hafi
talað „aðeins ógætilega um þetta
mál í síma og þá var aftur haft
samband við mig og ítrekað við
mig að ég ætti að taka þetta alvar-
lega. Þetta get ég sagt og meira
get ég ekki sagt,“ segir hann.
Árni Páll segir að það hafi verið
Íslendingur sem hafi tilkynnt
honum að fylgst væri með honum
en vill ekki segja neitt meira um
það. „Ég veit ekki hver var að
hlera mig, mér var aldrei sagt
það,“ sagði hann og bætti jafn-
framt við að mönnum væri hér
hegnt fyrir það eitt að skrifa smá-
sögur.
Árni Páll segir að auðvitað sé
öryggiseftirlit í landinu og ýmis
rök séu fyrir því „sem Björn
Bjarnason hefur sagt, að við eigum
að byggja upp leyniþjónustustarf-
semi í landinu til lengri tíma litið.“
Árni Páll hvetur til hreinskiptni
og heiðarleika gagnvart fortíð-
inni.
Fulltrúar Íslendinga hafa verið
í Bandaríkjunum að undanförnu
að ganga frá ýmsum óhnýttum
endum í tengslum við varnarmál
þjóðanna. Björn Bjarnason, dóms-
og kirkjumálaráðherra, segir að í
Washington-viðræðunum hafi
verið tryggð snurðulaus samskipti
milli lögregluyfirvalda Íslendinga
og Bandaríkjamanna og Landhelg-
isgæslunnar og bandarísku strand-
gæslunnar.
„Að því er hana varðar lítum
við sérstaklega til stöðvar
gæslunnar í Boston vegna aðgerða
á Norður-Atlantshafi og einnig til
samstarfs við Kanadamenn og
Breta,“ segir hann og bætir við að
tengsl Íslendinga við herstjórnina
í Stuttgart yrðu á vegum utanrík-
isráðuneytisins. ghs@frettabladid.is
Segir símann sinn
hafa verið hleraðan
Árni Páll Árnason, fyrrverandi starfsmaður utanríkisráðuneytisins, var varaður
við því að sími hans væri hleraður vorið 1995 og tók hann tillit til þess. Þegar
hann talaði „aðeins ógætilega“ nokkru síðar var hann aftur varaður við.
KOM EKKI Á ÓVART Fyrrverandi starfsmaður varnarmálaskrifstofu
utanríkisráðuneytisins, Árni Páll Árnason hdl., segist hafa orðið þess
áskynja og verið varaður við því árið 1995 að fylgst væri með honum
og sími hans hugsanlega hleraður. Hann segir að það hafi ekki komið
sér á óvart.
SPÁNN, AP Skemmdarvargar
brutust inn í þrjú minkabú í
norðausturhluta Spánar á laugar-
dag og létu yfir fimmtán þúsund
minka lausa úr búrum sínum.
Lögregla telur líklegt að þrjótarnir
séu herskáir dýraverndunarsinnar.
Eigandi eins minkabúsins segir
flesta þeirra minka sem sluppu
munu drepast úr hungri á næstu
dögum þar sem þeir kunni ekki að
veiða sér til matar. Því hafi
dýrunum enginn greiði verið
gerður með því að sleppa þeim. - sþs
Skemmdarverk á Spáni:
Mörg þúsund
minkar á flótta
Skrá Afgana
Yfirvöld í Pakistan eru í fyrsta sinn
byrjuð að skrá alla Afgana sem búa í
landinu. Tilgangur herferðarinnar er
að hafa auga með þeim mikla fjölda
afganskra flóttamanna sem býr í
Pakistan.
PAKISTAN
Sigurjón, á þá að bólusetja
ungmennin með veikari útgáf-
um af vímuefnum?
„Nei, það á að bólusetja þau með
skilaboðunum að þau verði ekki
hörð og rík af vímuefnum, heldur
blönk og slöpp.“
Sigurjón Þórðarson, þingmaður Frjáls-
lynda flokksins, sagði í ræðu sinni á
Alþingi að mikilvægt væri að bólusetja
ungmenni gegn löngun í vímuefni.
UMHVERFISMÁL Landvernd telur að
í breytingartillögu á svæðisskipu-
lagi miðhálendis Íslands sem
samvinnunefnd um framtíð
svæðisins hefur sett fram sé gert
ráð fyrir því að reist verði
afþreyingarhótel í nágrenni
Langjökuls. Samtökin segja slíka
breytingu á skipulaginu afar
óheppilega nú þegar að allt útlit
sé fyrir að samvinnunefndin
verði lögð niður og stefnumörkun
miðhálendisins færð undir
umhverfisráðherra. Landvernd
vill að hálendið verði gert að
griðasvæði og telur að áform um
hótel á miðhálendinu yrðu afar
umdeild. - þsj
Landvernd:
Mótmælir
hálendishóteli
VARNARLIÐSSVÆÐIÐ Hlutafélag um
framtíðarþróun varnarsvæðisins
á Reykjanesi verður stofnað á
næstu dögum og hafa sveitarfé-
lögin tilnefnt sinn fulltrúa í stjórn
félagsins að ósk ríkisins.
Árni Sigfússon, bæjarstjóri í
Reykjanesbæ, hefur verið skip-
aður einn af þremur fulltrúum í
stjórn félagsins og er Sigurður
Valur Ásbjarnarson, bæjarstjóri
í Sandgerði, varamaður hans.
Óánægja er meðal sveitarstjórn-
armanna á Reykjanesi með að fá
aðeins einn aðalfulltrúa í stjórn-
ina.
„Sveitarfélögin höfðu talið
æskilegt að eiga fleiri fulltrúar í
stjórninni en það er kannski erfitt
þegar þetta er bara þriggja manna
stjórn,“ segir Árni.
Verið er að ganga frá stofnun
hlutafélagsins á næstu dögum og
skipa í stjórnina en Árni segir ekki
vitað hvert nafn félagsins verður.
Hlutverk hlutafélagsins er að
sinna hreinsun svæðisins, viðhaldi
mannvirkja og undirbúningi að
leigu eða sölu fasteigna á svæð-
inu.
Árni segir að fjöldi manna hafi
sýnt verkefni áhuga, til dæmis
fyrirtæki sem velti fyrir sér að
flytja starfsemi sína á þetta svæði.
„Það eru margir að velta vöng-
um,“ segir hann. - ghs
Hlutafélag um framtíðarþróun varnarsvæðisins í undirbúningi:
Fyrirtæki sýna svæðinu áhuga
SINNIR FRAMTÍÐARÞRÓUN Árni Sigfús-
son, bæjarstjóri í Reykjanesbæ, verður
í stjórn hlutafélags um framtíðarþróun
varnarsvæðisins. „Það eru margir að
velta vöngum,“ segir hann.