Fréttablaðið - 16.10.2006, Side 72

32 16. október 2006 MÁNUDAGUR
sport@frettabladid.is
> Kristján skrifar undir nýjan samning
Markvörðurinn knái Kristján
Finnbogason er búinn að
skrifa undir nýjan tveggja ára
samning við KR. Kristján var
að íhuga að leggja hanskana
á hilluna eftir síðasta tímabil
en hefur nú snúist hugur.
Gengið var frá samningnum
um helgina en samningurinn
er uppsegjanlegur af beggja
hálfu eftir næsta sumar.
„Maður byrjar bara á einu tímabili og sér svo til,“ sagði
Kristján í samtali við Fréttablaðið í gær. Kristján er þrjátíu
og fimm ára gamall og hefur verið einn besti markvörður
þjóðarinnar síðustu ár.
Körfuknattleiksmaðurinn Logi Gunnarsson hefur farið
gríðarlega vel af stað með nýja félaginu sínu ToPo
Helsinki. Logi er búinn að leika þrjá leiki með liðinu
og skora í þeim 77 stig, eða 25,7 stig að meðaltali.
Stjórnarmenn félagsins eru svo ánægðir með Loga að
þeir segjast vera tilbúnir að bjóða honum nýjan samning
en ekki er nema rúm vika síðan Logi skrifaði undir
samning við félagið sem gildir út yfirstandandi leiktíð.
Það var gott hljóð í Loga þegar Fréttablaðið náði tali af
honum í gær.
„Byrjunin er búin að vera bara mjög fín og ég er mjög
ánægður með þetta. Ég var staðráðinn í að standa mig
en þetta er bara rétt að byrja, það eru enn 40 leikir eftir
af tímabilinu,“ sagði Logi en finnska deildin þykir nokkuð
sterk á evrópskan mælikvarða. „Þetta er tvímælalaust betri
deild en sú sem ég lék í í fyrra, sem var önnur deildin í
Þýskalandi.“
Allir leikir Loga hingað til með ToPo hafa verið á útivelli
en á miðvikudaginn leikur Logi sinn fyrsta heimaleik með
liðinu. „Formaður ToPo er búinn að gefa íslenska sendiráðinu í
Helsinki 30 eða 40 miða fyrir leikinn á miðvikudaginn og
það mætir vonandi fullt af Íslendingum á leikinn. Þessi
klúbbur er eitt af þeim þremur stærstu í Finnlandi. Það er
góð umgjörð í kringum leikina og það er líka vel mætt
á þá. Körfuboltinn er mjög vinsæll hérna en íshokkí
er langvinsælasta íþróttin í Finnlandi,“ sagði Logi en
Falur Harðarson lék með ToPo um tíma árið 2000.
Þjálfari ToPo er aðstoðarlandsliðsþjálfari finnska
landsliðsins og tók eftir Loga þegar Íslendingar léku
gegn Finnum.
„Stjórnarmennirnir eru það ánægðir með mig
að þeir eru strax farnir að tala um nýjan samning áður
en ég er búinn að spila einn heimaleik. Þeir vilja að ég
skrifi undir stærri og lengri samning og eru búnir að hafa
samband við umboðsmanninn minn. Ég sagði nú við þá
að ég vildi bíða aðeins og sjá hvað gerist á næstu vikum.
Ég er ekki ennþá kominn með íbúð, ég bý enn á hóteli,“
sagði Logi, sem er með samning við ToPo út leiktíðina.
LOGI GUNNARSSON: HEFUR FARIÐ VEL AF STAÐ MEÐ FINNSKA LIÐINU TOPO OG YFIRMENN ÞAR Á BÆ ERU YFIR SIG HRIFNIR
Tilbúnir að bjóða honum nýjan samning
LIÐ ÁRSINS Hér má sjá lið ársins í
Landsbankadeild kvenna.
MARKAHÆSTU STELPURNAR Þessar
stelpur skoruðu samtals 79 mörk í
Landsbankadeild kvenna í sumar.
EFNILEGASTI LEIKMAÐURINN Birkir Már
Sævarsson, leikmaður Vals, var valinn
efnilegasti leikmaðurinn í sumar.
FRÉTTABLAÐIÐ/DANÍEL
LIÐ ÁRSINS Hér er lið ársins í Lands-
bankadeild karla.
BESTA OG EFNILEGASTA FÓLKIÐ Hér eru
Viktor, Margrét, Guðný og Birkir með
sínar viðurkenningar.
BESTI DÓMARINN Garðar Örn Hinriks-
son var valinn besti dómarinn í sumar.
FÓTBOLTI Lokahóf Knattspyrnu-
sambands Íslands var haldið á
laugardagskvöldið og þar var
mikið um dýrðir. Eins og venju-
lega voru veittar viðurkenningar
fyrir afrek sumarsins. Besti leik-
maður Landsbankadeildar karla
var valinn Viktor Bjarki Arnar-
son og besti leikmaðurinn hjá
konunum var Margrét Lára
Viðarsdóttir. Efnilegustu leik-
menn Íslandsmótsins fengu einn-
ig viðurkenningu og það voru
Valsmennirnir Birkir Már Sæv-
arsson og Guðný Björk Óðins-
dóttir.
Einnig voru valin lið ársins
bæði í Landsbankadeild karla og
kvenna. Lið ársins er þannig skip-
að að markvörður er Daði Lárus-
son (FH), varnarmenn eru Birkir
Már Sævarsson (Val), Ármann
Smári Björnsson (FH) og Gunn-
laugur Jónsson (KR), á miðjunni
eru Sigurvin Ólafsson (FH),
Jónas Guðni Sævarsson (Kefla-
vík), Pálmi Rafn Pálmason (Val)
og Viktor Bjarki Arnarson (Vík-
ingi) og í framlínunni eru Björ-
gólfur Takefusa (KR), Marel
Baldvinsson (Breiðabliki) og
Tryggvi Guðmundsson (FH).
Þjálfari ársins hjá körlunum er
Teitur Þórðarson (KR).
Lið ársins hjá konunum er
þannig skipað að í markinu er
Þóra B. Helgadóttir (Breiðabliki),
varnarmenn eru Ásta Árnadóttir
(Val), Ólína G. Viðarsdóttir
(Breiðabliki) og Guðný B. Óðins-
dóttir (Val), miðjumenn eru Erna
B. Sigurðardóttir (Breiðablik),
Hólmfríður Magnúsdóttir (KR),
Katrín Jónsdóttir (Val), Katrín
Ómarsdóttir (KR) og Rakel Loga-
dóttir (Val), í framlínunni eru svo
Margrét L. Viðarsdóttir (Val) og
Nína B. Kristinsdóttir (Keflavík).
Þjálfari ársins hjá konunum er
Elísabet Gunnarsdóttir (Val).
Markahæstu leikmenn mót-
anna voru Marel Baldvinsson hjá
Breiðabliki, en hann skoraði
ellefu mörk í þrettán leikjum, og
Margrét Lára Viðarsdóttir hjá
Val sem skoraði 34 mörk í fjórtán
leikjum.
Stuðningsmenn Skagamanna
fengu verðlaun fyrir stuðning
sinn í sumar og Jónas Guðni
Sævarsson, Keflvíkingur, og Ásta
Árnadóttir hjá Val fengu Hátt-
vísiverðlaun Mastercard. Garðar
Örn Hinriksson fékk einnig við-
urkenningu sem besti dómari
Íslandsmótsins. - dsd
Mikið var um dýrðir á lokahófi Knattspyrnusambands Íslands:
Viktor Bjarki og Margrét Lára best
FÓTBOLTI Þrír leikmenn ÍA hafa
skrifað undir nýja samninga við
félagið. Leikmennirnir sem um
ræðir eru Ellert Jón Björnsson,
Páll Gísli Jónsson og Heimir
Einarsson.
Heimir gerði þriggja ára
samning við félagið en þeir Ellert
Jón og Páll Gísli gerðu tveggja
ára samning.
Guðjón Þórðarson, þjálfari
liðsins, hefur sagt að félagið
muni reyna að halda þeim
leikmönnum sem fyrir eru hjá
félaginu áður en svipast verður
um eftir nýjum leikmönnum.
Fréttablaðið sagði frá því á
dögunum að Igor Pesic myndi
ganga í raðir Fram og enn er
spurningarmerki hvað Hafþór
Ægir Vilhjálmsson gerir. - dsd
Íþróttabandalag Akraness:
Þrír leikmenn
framlengja
HANDBOLTI „Miðað við gang leiks-
ins get ég ekki verið annað en
sáttur við þessi úrslit. Við vorum
hörmulegir í fyrri hálfleik og
getum þakkað fyrir að hafa verið
þremur mörkum undir í hálfleik,“
sagði Rúnar Sigtryggsson, þjálf-
ari Akureyrar, eftir að liðið náði
jafntefli gegn Haukum 34-34 í
gær. Haukar voru yfir á heima-
velli sínum nánast allan leikinn en
gestirnir náðu aldrei forystunni.
„Við töluðum um það í hálfleik að
við yrðum að rífa okkur upp og ég
get hrósað mínum mönnum fyrir
að hafa náð að koma til baka. Hins
vegar hefði ég viljað að við hefð-
um spilað almennilegan handbolta
í þessum leik. Ég er alls ekki sátt-
ur við það hvernig við spiluðum
en baráttan skilaði okkur einu
stigi,“ sagði Rúnar en sóknarleik-
urinn var í aðalhlutverki í þessum
leik í gær.
Þegar fyrri hálfleikurinn var
tæplega hálfnaður var staðan jöfn
7-7 en þá náðu Haukar ákveðnum
völdum á vellinum og náðu mest
sex marka forskoti í síðari hálf-
leik. Lengi vel leit út fyrir að sigur
Hauka yrði nokkuð öruggur og
myndi ekki lenda í neinni umtals-
verðri hættu. Akureyringar gáfust
þó ekki upp og hægt og bítandi
tókst þeim að jafna metin. Mikil
spenna var undir lokin. Jafnræði
var með liðunum á lokamínútun-
um, Andri Snær Stefánsson jafn-
aði fyrir Akureyri 34-34 þegar 45
sekúndur voru eftir.
Á síðustu sekúndunum var
mikil barátta og tveir leikmenn
Akureyrar fengu brottvísun,
annar með rautt spjald en það var
Rúnar Sigtryggson. Hjá Haukum
fékk Andri Stefán rauða spjaldið.
„Það voru mikil læti þarna undir
lokin og ég átti fyllilega skilið að
fá rautt spjald. Þetta voru ungir
dómarar og þeir misstu aðeins
tökin á þessu. Þeir gáfu vitlausum
manni rautt spjald og þannig byrj-
aði þetta,“ sagði Rúnar.
Í síðustu sókn leiksins fékk
Samúel Ívar Árnason færi til að
tryggja Haukum sigurinn en
Sveinbjörn Pétursson, ungur
markvörður gestaliðsins, varði vel
og sá til þess að annað stigið fór
norður. Bæði Haukar og Akureyri
hafa nú þrjú stig eftir þrjár
umferðir en vildu líklega hafa þau
aðeins fleiri.
„Ég er ekki alveg sáttur við
byrjunina á þessu móti hjá okkur.
Við spiluðum færri æfingaleiki
fyrir mót og erum í verri leikæf-
ingu en önnur lið. Þetta á samt allt
eftir að koma,“ sagði Rúnar.
Liðin eru nú jöfn að stigum
þegar þrjár umferðir eru búnar af
deildinni, bæði með þrjú stig. HK
sitja í efsta sæti deildarinnar með
fimm stig en Valur og Fylkir eru
báðir með fjögur stig.
Bæði liðin hafa nú þrjú stig
eftir þrjá leiki í deildinni. HK eru
eftir með fimm stig á eftir þeim
koma Valur og Fylkir með fjögur
stig.
elvargeir@frettabladid.is
Akureyri náði jafntefli
Akureyri náði jafntefli gegn Haukum á Ásvöllum í DHL-deild karla í gær.
Haukar voru yfir nánast allan leikinn en Akureyri náði aldrei forystunni. Liðin
eru því jöfn að stigum eftir þrjá leiki, bæði með þrjú stig.
ÁRNI SIGTRYGGSSON Reynir hér að finna
leið í gegnum vörn Akureyrar.
FRÉTTABLAÐIÐ/ANTON
HÖRÐ BARÁTTA Það var hart barist á Ásvöllum í dag og ekkert var gefið eftir.
FRÉTTABLAÐIÐ/ANTON
FÓTBOLTI Arsene Wenger, knatt-
spyrnustjóri Arsenal, vill ólmur
fá vængmanninn Franck Ribery
til félagsins. Ribery er 23 ára og
var hann orðaður við Arsenal í
sumar en á endanum ákvað hann
að vera áfram í herbúðum
Marseille. Bruno Heidersheid,
umboðsmaður leikmannsins,
sagði í samtali við News of the
World að hann væri mjög
áhugasamur að fá Ribery á næsta
ári.
Ribery sló í gegn á heims-
meistaramótinu í sumar þar sem
hann var í lykilhlutverki í franska
landsliðinu. „Franck er mjög
hrifinn af leikstíl Arsenal og þá
er Thierry Henry náinn vinur
hans,“ sagði Heiderscheid. Ribery
er oft nefndur sem hugsanlegur
arftaki Zinedines Zidane hjá
franska landsliðinu.
Arsene Wenger hefur verið
duglegur að kaupa franska
leikmenn á sínum ferli og margir
hafa gagnrýnt hann fyrir að tefla
fram fáum ensku leikmönnum í
Arsenal.
- egm
Leikmannamál Arsenal:
Arsene Wenger
vill Ribery
RIBERY Fór á kostum á HM í sumar.
NORDICPHOTOS/GETTY IMAGES