Fréttablaðið - 10.12.2006, Síða 90

Efnilegasti tennisleikari
Íslands, Rafn Kumar Bonifacius,
er á leið til Bandaríkjanna þar sem
hann mun leika á heimsmeistara-
móti í tennis. Mótið ber heitið
Orange Bowl og fer fram í Miami
í næstu viku.
Rafn Kumar er 12 ára gamall
og er Íslandsmeistari bæði í 12 og
14 ára aldursflokki. Rafn Kumar
er í hópi 253 tólf ára drengja sem
áunnið hafa sér þátttökurétt á
mótinu að þessu sinni.
Rafn er í tólfta sæti á stigalista
evrópska tennissambandslins í
sínum aldursflokki en hann hefur
tekið þátt í alþjóðlegum tennis-
mótum frá níu ára aldri. Hann er
einnig meðal 109 efstu manna á
heimsmeistaramótinu og þarf því
ekki að taka þátt í forkeppni fyrir
mótið.
Rafn er fyrsti Íslendingurinn
sem tekur þátt í þessu móti, sem
á sér 40 ára sögu og er stærsta
tennismótið í heiminum í 12 ára
aldursflokki. Margir af bestu
tennisleikurum sögunnar hafa
stigið sín fyrstu spor á þessu móti
og má þar nefna Roger Federer,
Andre Agassi, Steffi Graf, Önnu
Kournikova og Monicu Seles.
Rafn á leið á HM
Guðmundur E.
Stephensen og félagar hans í
sænska meistaraliðinu Eslövs AI
eru komnir í átta liða úrslitin í
Meistaradeild Evrópu í borðtenn-
is. Guðmundur er margfaldur
Íslandsmeistari í borðtennis en
Eslövs lék á föstudagskvöld gegn
Angers frá París en það lið er
Frakklandsmeistari. Þetta var
síðari viðureign liðanna um sæti í
átta liða úrslitunum.
Eslövs sigraði Angers á
útivelli þar sem Guðmundur átti
hreint magnaðan leik gegn
Torben Wosik sem er þýskur
landsliðsmaður. Wosik er númer
38 á heimslistanum en Guðmund-
ur lagði hann í hörkuleik 3-2 þar
sem hann vann fimmtu lotuna 13-
11.
Guðmundur í
miklum ham
Gærdagurinn í Ung-
verjalandi var tileinkaður
fótboltagoðsögninni Ferenc
Puskás en útför hans fór fram í
Búdapest í gær. Hann var lengi
fyrirliði ungverska landsliðsins
en lést í síðasta mánuði, 79 ára að
aldri. Hann var mikill markaskor-
ari og með baneitraðan vinstri
fót. Hann lék meðal annars fyrir
spænska liðið Real Madrid þar
sem hann raðaði inn mörkunum.
Hann þótti mjög skemmtilegur
leikmaður og var í miklu uppá-
haldi hjá áhorfendum. Tala þeirra
sem sóttu minningarathöfn um
Puskas í gær telur á þúsundum en
þar á meðal voru m.a. nokkrir
fyrrverandi samherjar hans úr
boltanum.
Puskás var jarð-
settur í gær
Á miðvikudaginn
dæmdi Georgía Olga Kristiansen
sinn fyrsta leik í Iceland Express
deild kvenna. Georgía dæmdi þá
leik Keflavíkur og ÍS í Reykjanes-
bæ. Georgía lék áður með KR en
hún hóf ekki að dæma fyrr en í
haust og er strax búin að fá nokk-
ur krefjandi verkefni.
„Mig langaði bara að breyta
aðeins til. Tækifærið gafst núna til
að fara í dómgæslu, dómaranefnd-
in var aðeins að pressa á mig og ég
gaf mig,“ sagði Georgía sem
dæmdi sinn fyrsta leik í byrjun
október. „Ég tók dómaraprófið í
fyrra og stóð mig víst vel og svo
fór ég á dómaraþing í haust og þá
var bara ekkert aftur snúið. Mér
var bara hent út í djúpu laugina og
er ennþá að læra sundtökin.“
Georgía var leikmaður áður og
lék allan ferilinn með KR ef frá
eru talin tvö tímabil þar sem hún
lék með ÍS. Þrátt fyrir að vera
aðeins 27 ára gömul þá hefur hún
leikið í meistaraflokki í 13 ár. „Ég
var tekin 13 ára gömul upp í meist-
araflokk. Ég byrjaði ekki að spila
alveg strax en ég byrjaði að æfa
og fékk að leika nokkra æfinga-
leiki og leiki á Reykjavíkurmót-
inu,“ sagði Georgía.
Leikur Keflavíkur og ÍS var
fyrsti leikur Georgíu í Iceland
Express deild kvenna en hún hafði
áður dæmt í Lýsingarbikar karla.
„Ég dæmdi leik Skallagríms og
Fjölnis B og svo leik Keflavíkur
og Hattar. Það er töluverður
munur að dæma hjá körlum en
konum. Ég þekki þessar stelpur og
veit alveg við hverju ég má búast
en hjá strákunum er þetta bara
allt önnur íþrótt. Mér finnst samt
alveg jafngaman að dæma karla-
og kvennabolta,“ sagði Georgía og
bætti við að karlarnir komi öðru-
vísi fram sig en karldómarana
sem dæma með henni.
„Það eru forréttindi að vera
kona í þessu, hafði ég heyrt ein-
hvern tímann. Ég held samt að
hveitbrauðsdagarnir séu búnir hjá
mér þannig séð og þeir eru byrjað-
ir að láta mig heyra það. Þeir verða
búnir að gleyma því að ég sé stelpa
eftir smá tíma,“ sagði Georgía á
léttum nótum.
Georgía sagði að dómgæslan
væri öðruvísi en hún hefði búist
við. „Ég bjóst ekki við að þetta
væri svona erfitt. Þetta er gjör-
ólíkt því sem ég átti von á. Ég bjóst
ekki við að ég myndi endast í þessu
en ég ákvað að gefa þessu tæki-
færi. Ég er líka mjög þakklát
strákunum sem eru að dæma með
mér fyrir alla hjálpina. Ég væri
ekki komin svona langt án tilsagna
þeirra.“
Georgía er ekki eini kvenmað-
urinn sem er að dæma í meistara-
flokki hér á landi því Indíana Sól-
veig Marquez hefur einnig verið
að dæma í vetur og það er því alls
ekki ólíklegt að tveir konur dæmi
saman leik í vetur. „Það er bara
spurning hvenær. Ég er bara rétt
að byrja. Ég hef sett mér nokkur
markmið og er búin að ná töluvert
mörgum núna og vonandi fæ ég
bara að dæma á þessu tímabili með
Indíönu.“
Auk þess að vera dómari og
fyrrverandi leikmaður þá er
Georgía einnig að þjálfa körfu-
bolta hjá KR og því ljóst að áhug-
inn er mikill á þeim bænum. „Ég
elska leikinn og það að dæma og að
spila er eins og svart og hvítt. Mér
finnst bæði gaman að dæma og að
spila. Ég er að þjálfa líka og þetta
eru eiginlega þrjú stig í körfubolta
sem ekki er hægt að bera saman,“
sagði Georgía.
Georgía Olga Kristiansen, dómari úr KR, dæmdi sinn fyrsta leik í Iceland Express deild kvenna á dögunum.
Georgía hefur aðeins dæmt í um tvo mánuði en er strax farin að taka að sér krefjandi verkefni.