Fréttablaðið - 24.12.2006, Page 28

Jólin í Húsdýragarðinum eru
ekki íburðarmikil en þó er
reynt að gera óvenjuvel við
dýrin á aðfangadag.
Jón Gíslason, yfirdýrahirðir í Hús-
dýragarðinum, segir að aðfanga-
dagur sé að mestu leyti eins og aðrir
dagar í garðinum. „Það gengur allt
sinn vanagang og við erum með
opið svo fólk getur komið og kíkt
við. Við reynum samt auðvitað að
gera vel við dýrin og gaukum að
þeim besta heyinu og auka skammti
af fóðurbæti og svona,“ segir hann.
Sögusagnir segja að stundum
gerist það að dýrin fari að tala á
jólanótt. „Persónulega hef ég ekki
orðið var við það sjálfur en maður
veit ekkert hvað gerist þegar eng-
inn er nálægt,“ segir Jón.
Á gamlárskvöld er öllu meiri
viðbúnaður í Húsdýragarðinum en
á aðfangadag að sögn Jóns þar sem
dýrin geta orðið hrædd við hávað-
ann frá hátíðahöldunum. „Við
reynum að vera með ljós í öllum
húsum og tónlist á þannig að dýrin
verði sem minnst vör við lætin í
flugeldum og þess háttar,“ segir
hann.
Hátíðlegt í Húsdýragarði
Óskum öllum
viðskiptavinum okkar
gleðilegra jóla og
farsældar á nýju ári
Skólavörðustíg 21
Sími 551 4050 • Reykjavík