Fréttablaðið - 16.02.2007, Síða 27

Smáauglýsingasími
550 5000
Auglýsingasími Allt
550 5880
Þú getur pantað
smáauglýsingar á visir.is
Þegar þessi grein kemur fyrir almenningssjónir eru
Krónikurnar trúlega að gæða sér á súkkulaðibombu
blaðamannsins Brynhildar Björnsdóttur.
„Ég bý við það að maðurinn minn er einstaklega góður
kokkur og þykir gaman að elda svo hann tekur meirihluta
matreiðslunnar,“ segir Brynhildur þegar hún er innt eftir
afrekum sínum í eldhúsinu. Kveðst líka alin upp við að karl-
maðurinn á heimilinu eldi því pabbi hennar hafi eldað meira
en mamma. En auðvitað lumar Brynhildur á góðum lausn-
um í eldamennskunni sem öðru. „Ég geri stundum bara ein-
falda súpu þar sem ég hendi því grænmeti sem til er í pott
með smá olíu og smá vatni, dós af niðursoðnum tómötum og
slettu af sýrðum rjóma. Þetta verður hin prýðilegasta súpa
sem endist í mörg mál. Ef maður vill hafa hana veitinga-
húsalega þá maukar maður hana, setur smá rjóma ofan á og
grein af kryddjurt.
Svo til að hafa mótvægi við þessa heilnæmu súpu baka
ég súkkulaðiköku sem er alveg syndsamlega góð. Fékk upp-
skriftina frá tengdamömmu minni. Reyndar er hægt að
hafa hana holla líka með því að nota lífrænt súkkulaði, hrá-
sykur og heilhveiti, nú eða bara heiðarlega súkkulaðiköku
sem er eins óholl og hún lítur út fyrir. Útgáfurnar eru eigin-
lega tvær.“
Þessa köku var Brynhildur einmitt að baka og hugðist
bera hana fyrir félaga sína á Krónikunni til að fagna útgáfu
fyrsta tölublaðsins. „Ég á fastlega von á að lesendur Frétta-
blaðsins fari út í búð að kaupa sér efni í köku og Króniku í
leiðinni. Svo gæða þeir sér á hvorutveggja um helgina,“
sagði hún kankvís.
Uppskrift á síðu 2.
Syndsamlega
góð kaka
F
A
B
R
IK
A
N
Jói
Fel