Fréttablaðið - 24.02.2007, Page 29

Smáauglýsingasími
550 5000
Auglýsingasími Allt
550 5880
Þú getur pantað
smáauglýsingar á visir.is
Mótorhjólið kemur Sævari Guðmundssyni
kvikmyndaleikstjóra vel þessa dagana.
Hann vinnur hörðum höndum við eftir-
vinnslu þáttanna Stelpnanna ásamt því
að gefa út Venna Páer á DVD og leikstýra
auglýsingum hjá Sagafilm.
Sævar var mikill skellinöðrutöffari í gamla daga
og ól með sér þann draum að eignast stórt mótor-
hjól. Í dag er draumurinn orðinn að veruleika og
Suzuki Vi-Strom árgerð 2006 sér nú um flestar
ferðir Sævars þegar götur eru auðar.
„Það er búið að standa til í tíu ár að kaupa svona
hjól og loksins hafði ég efni á því fyrir ári síðan,“
segir Sævar sem er einn helsti auglýsingaleikstjóri
landsins. Hann hefur sent frá sér fjölda auglýsinga
bæði hérlendis og erlendis en undanfarið hefur
hann leikstýrt þáttaröðinni Stelpurnar sem nú bíða
spenntar í klippiherberginu og þáttunum Venna
Páer sem innan skamms koma út á DVD og fara í
sölu erlendis.
Sævar kann vel að meta snjóleysið í febrúar og
finnst gott að geta þeyst á milli klippiherbergsins
og tökustaðanna á hjólinu.
Á heimilinu eru auk hjólsins tvö önnur farar-
tæki, tíu ára gamall Audi og Renault, en þó er hjólið
alltaf í mestu uppáhaldi hjá Sævari.
„Um leið og snjórinn hverfur er ég kominn á
hjólið og snerti helst ekki bílinn eftir það,“ segir
Sævar brosandi. Innan skamms stækkar fjölskyld-
an og Sævar fer í fæðingarorlof í allt sumar. Hann
hefur þó engin áform um að setja barnasæti á hjól-
ið og gerir fastlega ráð fyrir að bílarnir komi að
góðum notum í sumar auk hjólsins.
Draumurinn um hjólið
IQ
Skólavörðustígur 8
V O R / S U M A R 2 0 0 7