Fréttablaðið - 24.02.2007, Qupperneq 44

Í nýjum sýningarsal GKS ber
mest á eldhúsinnréttingum.
Sumar eru úr næstum svörtum
náttúruviði sem nefnist íbenholt,
aðrar ljósari, allt upp í hvítan há-
glans. Allar stílhreinar og vandað-
ar. Að sögn Arnar Aðalgeirssonar
framkvæmdastjóra eru innrétt-
ingarnar búnar til á staðnum.
„Þetta er allt íslensk vara, hönnuð
hér heima og smíðuð hér heima,“
segir hann festulega. Hann tekur
fram að þótt við blasi einkum eld-
húsbúnaður í sýningarsalnum þá
þjónusti GKS innréttingamarkað-
inn allan og taki að sér sérsmíði
hvers konar fyrir stofnanir, fyrir-
tæki og heimili. „Við sérsmíðum
til dæmis eldhúsinnréttingar sem
við hönnum í samráði við okkar
viðskiptavini og finnum með þeim
bestu uppröðun og lausnir,“ segir
hann og tekur fram að fyrirtækið
kappkosti að nota vandað efni og
bestu íhluti sem fáanlegir séu.
Aðspurður segir hann efnið eink-
um koma frá Þýskalandi.
GKS varð til fyrir nokkrum
árum með samruna fyrirtækjanna
Kristjáns Siggeirssonar, Gamla
kompanísins og Trésmiðjunnar
eldhús og bað. Starfsmenn eru
þrjátíu og Arnar segir þar mikla
reynslu samankomna. „Við erum
með stóra verksmiðju á íslenskan
mælikvarða og hagkvæma fram-
leiðslu þar sem við höfum yfir að
ráða fullkomnustu tækni sem
hægt er að fá, tölvustýrðar vélar
sem tryggja hámarksnákvæmni
og hagræðingu í vinnslu.“ Þess má
geta að hægt er að sjá framleiðsl-
una á vefnum www.gks.is
gun@frettabladid.is
Mikið er til af skilrúmum og alls kyns
bökkum í skúffurnar hjá GKS.
Frönsk hnota er í þessari innréttingu. Hún hefur þá eiginleika að halda nánast alveg
óbreyttum lit.
Svart og hvítt er vinsælt. Íbenholt er
svartasti náttúruviður sem til er.
Höldulausar innréttingar með álgripi
á skúffunum eru vinsælar. Ekki spillir
þegar þær eru hvítar með háglansáferð
og svartri plötu.
HITAPLATTAR geta tekið óþægilega
mikið pláss í eldhúsinu. Það er ekki hægt að
segja um þennan hérna sem er frá menu
og fæst hjá Tékk Kristal. Hann er hannaður af
Jakob Wagner, er úr einhvers konar gúmmíi og
eins og sést er hægt að leggja hann saman þannig
að lítið fer fyrir honum. Til dæmis passar hann þá vel
ofan í hnífaparaskúffuna.
Hannað og smíðað
hér heima
Íslenskar innréttingar úr eðalviði eru aðalsmerki fyrirtækisins GKS á Funahöfða 19.
PGV ehf. ı Bæjarhrauni 6 ı 220 Hafnafjörður ı Sími: 564 6080 ı Fax: 564 6081 ı www.pgv.is
GLUGGI TIL FRAMTÍÐAR …
• ENGIN MÁLNINGAVINNA
• HVORKI FÚI NÉ RYÐ
• FRÁBÆR HITA OG HLJÓÐEINANGRUN
• FALLEGT ÚTLIT
• MARGIR OPNUNARMÖGULEIKAR
• ÖRUGG VIND- OG VATNSÞÉTTING
24. FEBRÚAR 2007 LAUGARDAGUR