Fréttablaðið - 11.05.2007, Síða 40

BLS. 4 | sirkus | 11. MAÍ 2007
Ú tgerðarmaðurinn Guðmundur Kristjánsson, sem er eigandi
útgerðarfyrirtækisins Brims, hefur
sótt um leyfi til skipulags- og
mannvirkjanefndar Seltjarnarness til
að fá að rífa hús sitt við
Nesveg 107 og byggja 600
fermetra glæsivillu, sem
teiknuð er af Friðriki
Friðrikssyni arkitekt, í
staðinn. Húsið, sem
gengur undir nafninu
Marbakki, stendur á
stórglæsilegri 1.200
fermetra sjávarlóð og
borgaði Guðmund-
ur 90 milljónir fyrir
það þegar hann
keypti það í lok
árs 2005. Nú ætlar
Guðmundur að rífa það og má því
áætla að kostnaður hans, áður en
hafist er handa við að byggja nýja
húsið, verði um 100 milljónir. Þetta er
ekki í fyrsta sinn sem Guðmundur
ræðst í stórframkvæmdir. Hann
keypti Iðunnarhúsið við Bræðra-
borgarstíg í kringum aldamótin
og breytti því öllu á fínasta og
flottasta hátt. Það hús stendur
nú autt og hafa Guðmundur og
fjölskylda hans aldrei búið í
húsinu.
Ólöf og Ghostigital
í Feneyjum
Ólöf Arnalds og hljómsveitin Ghostigital
munu troða upp í opnunarpartíi íslenska
sýningarskálans á Feneyjatvíæringnum
hinn 6. júní næstkomandi. Listamaðurinn
Steingrímur Eyfjörð er fulltrúi Íslands á
hátíðinni þetta árið og munu verk hans
verða til sýnis fram á haust. Það er
menntamálaráðuneytið sem stendur
straum af opnunarpartíinu en Baugur
Group er
aðalstyrktaraðili
sýningarinnar.
Fastlega er búist
við því að hjónin
Björk Guð-
mundsdóttir og
Matthew Barney
verði meðal gesta í opnunarpartíinu en
Barney opnar sýningu í sal Guggenheim-
safnsins í Feneyjum daginn áður. Hátíðin
sjálf hefst 7. júní og mun utanríkisráðu-
neytið bjóða upp á morgunverð þann
dag. Fastlega má búast við að flestir úr
þotuliði landsins láti sjá sig í opnunar-
partýinu en gaman verður að sjá hvort
það verði nýr menntamálaráðherra sem
dúkki upp. Gengið verður til kosninga á
morgun laugardag og kemur í framhald-
inu í ljós hvort Þorgerður Katrín Gunnars-
dóttir haldi áfram
sem yfirmaður
menntamála í
landinu eða hvort
hátíðin í Feneyjum
verði eitt af fyrstu
embættisverk-
um nýs
ráðherra.
Heyrst hefur
Þ essi umfjöllun er rosalega fín auglýsing fyrir mig auk þess sem það er frábært að komast
í Vogue yfirhöfuð,“ segir Thelma
Björk Jónsdóttir, 24 ára fatahönnuð-
ur, en fjallað var um Thelmu og
hönnun hennar í nýjasta hefti breska
Vogue. Thelma, sem hannar undir
merkinu THELMA design, hefur
vakið athygli fyrir flottar hárspangir
og höfuðföt. Hún býr í París og tók á
dögunum þátt í LeShowroom á
Tískuvikunni í París. Hingað til hefur
hún selt hönnun sína í versluninni
Trílógíu í Reykjavík en nú hefur
Japansmarkaður bæst við og hún
vonar að fljótlega komist hún að í
París og í London. „Ég ætlaði alltaf að
verða fatahönnuður, það hefur aldrei
neitt annað verið á planinu,“ segir
Thelma sem lærði handavinnu sem
barn hjá ömmu sinni sem var
handavinnukennari. Thelma hóf að
hanna spangirnar eftir útskrift frá
Listaháskóla Íslands árið 2005. Hún
viðurkennir að hafa ekki einu sinni
látið sig dreyma um umfjöllun í
Vogue að tveimur árum liðnum. „Ég
sá það ekki fyrir mér og það var ekki
á fimm ára planinu,“ segir hún
hlæjandi og bætir við að hún hafi
fengið góð viðbrögð við umfjöllun-
inni. Spurð fyrir hverja hönnun henn-
ar sé segist hún ekki hanna fyrir
sérstakar týpur. „Mér finnst spang-
irnar ganga fyrir alla en hugmyndina
að þessari línu fékk ég frá kvik-
myndastjörnum eins og Marilyn
Monroe og Gretu Garbo og róman-
tíkinni hér í París. Línan er breið svo
allar konur geta fundið sér spöng
hvort sem þær eru að fara út að
versla eða á leið í galaboð.“
Thelma framleiðir allar sínar vörur
sjálf og vill vera með puttana í öllu.
„Hver einasta spöng er handsaumuð
og handunnin og eins og er er ég ekki
tilbúin að henda þessu í fjöldafram-
leiðslu. En ef eftirspurnin verður
mikil verð ég að huga að þeim
málum. Ég er að fara á sýningu í
Tókýó á vegum Útflutningsráðs og ef
það gengur vel þarf ég eflaust á hjálp
að halda við framleiðsluna. Mér
finnst þetta bara svo gaman að ég er
ekki tilbúin að gefa þetta frá mér.“
Áhugasamir geta lesið meira um
Thelmu á heimasíðunni www.iqons.
com/thelma+bjork.
indiana@frettabladid.is
THELMA BJÖRK JÓNSDÓTTIR, 24 ÁRA FATAHÖNNUÐUR, VEKUR ATHYGLI Í EVRÓPU
HANDSAUMAR HVERJA
EINUSTU SPÖNG SJÁLF
THELMA BJÖRK Thelma viðurkennir að hún hafi ekki einu sinni þorað að láta sig
dreyma um Vogue.
FLOTTAR SPANGIR „Mér finnst
spangirnar ganga fyrir alla en
hugmyndina að þessari línu fékk
ég frá kvikmyndastjörnum
eins og Marilyn Monroe og
Gretu Garbo og
rómantíkinni hér í
París,“ segir Thelma.
Sægreifi vill rífa
90 milljóna króna hús
HEYRIR BRÁTT SÖGUNNI TIL Ef vilji Guðmundar nær fram að ganga heyrir þetta hús
brátt sögunni til. SIRKUSMYND/VILHELM
VILL RÍFA Sægreifinn
Guðmundur vill
byggja 600
fermetra
glæsivillu þar
sem Marbakki
stendur nú.
Ekkert blað?
550 5600
Fyrst þú ert að lesa þetta þá hefurðu
fengið Fréttablaðið. En til vonar
og vara skaltu klippa þetta símanúmer
út og hringja ef blaðið berst ekki.
- mest lesið