Fréttablaðið - 11.05.2007, Síða 42

BLS. 6 | sirkus | 11. MAÍ 2007
É g hef gaman af tískunni og reyni að fylgjast með en ætli minn stíll sé ekki í íhaldssam-
ari kantinum,“ segir Ragnheiður Elín
Árnadóttir, aðstoðarkona forsætis-
ráðherra og frambjóðandi
Sjálfstæðisflokksins í Suðvesturkjör-
dæmi. Ragnheiður Elín klæðist
fínum, klassískum fötum í vinnunni
en klæðist hversdagslegri fötum í
frítíma sínum. „Ég er mikið fyrir
skyrtur og jakka en þegar vinnu lýkur
klæðist ég hressari jökkum og
gallabuxum,“ segir hún en bætir við
að henni líði vel í vinnufötunum. „Við
konurnar höfum samt mun meira
frelsi í þessu en karlarnir og getum
fundið okkur margt fleira en stífar
skyrtur og dragtir.“ Aðspurð hvort
fatasmekkur hennar hafi breyst með
árunum segir hún svo vera. „Verður
maður ekki að þroskast með
aldrinum?“ segir hún brosandi og
bætir við að hártískan hafi aðallega
breyst. „Ég hef verið dugleg að prófa
mig áfram og fór í gegnum þessi
venjulegu tískuslys með herðapúðum
og strokkapilsum. Í dag er meira
samhengi í stílnum mínum og í
fataskápnum passar flest saman.“
Ragnheiður Elín segist aðallega
versla föt á flugvöllum. Hún hafi
sjaldnast tíma til að versla hér heima.
„Kastrup-flugvöllur er afar góður
staður til að bíða eftir flugi á en þar
eru margar af uppáhalds verslunun-
um mínum eins og Sand. Þegar ég er
að ferðast vegna vinnunnar nota ég
oft tækifærið og versla á flugvöllum,“
segir hún og bætir við að hún elti
tískuna ekki í blindni. „Ég reyni að
fylgjast með tískusveiflum og kaupi
eina og eina flík en fyrst og fremst
kaupi ég flíkur sem klæða mig. Ég elti
tískuna ekki það mikið að ég líti út
eins og trúður. Eða það vona ég
allavega,“ segir hún hlæjandi að
lokum. indiana@frettabladid.is
RAGNHEIÐUR ELÍN ÁRNADÓTTIR KLÆÐIST KLASSÍSKUM OG
FÍNUM FÖTUM Í VINNUNNI EN GALLABUXUM Í FRÍSTUNDUM.
HÚN HLEYPTI SIRKUS Í FATASKÁPINN.
STÍLLINN BREYTIST
MEÐ ALDRINUM
Á LÍNUSKAUTUM „Við hjónin rennum
okkur á línuskautum þegar færi gefst.
Það er alltaf jafn gaman að renna sér í
góða veðrinu.“
VEIK FYRIR SKÓM. „Ég verð að viðurkenna að ég er frekar veik fyrir skóm eins og svo margar kynsystur mínar. Maður á aldrei
nóg af skóm.“
ÍSLENSK HÖNNUN „Ég lét sauma
þennan jakka á mig fyrir brúðkaup en
hef notað hann í seinni tíð við galla-
buxur. Ég er aldrei í gallabuxum í
vinnunni svo ég nota öll tækifæri sem
gefast til að klæðast gallabuxum. Skóna
keypti ég í Kúltur fyrir mánuði síðan.“
HERMANNAJAKKI „Ég keypti jakkann í Karen Millen í London, háu stígvélin voru
keypt á útsölu. Þau eru mjög há svo ég nota þau aðeins í sitjandi boðum.“FÍNU GUCCI-GULLSKÓRNIR „Maðurinn
minn gaf mér jakkann og skóna og valdi
sjálfur og gladdi mitt litla hjarta. Skórnir
eru frá Gucci en jakkinn og buxurnar
voru keypt í Sand.“