Fréttablaðið - 11.05.2007, Qupperneq 80

Frá því ég man eftir mér
hefur mér verið strítt
á því að vera sérvit-
ur. Svokölluð sér-
viska mín felst í því
að ég veit nákvæm-
lega hvað ég vil og
enn betur hvað ég
vil ekki og læt því ekki bjóða mér
hvað sem er. Sjálf held ég því þess
vegna fram að ég sé vandlát.
Mér finnst bara ekkert að því að
vera vandlát. Eini gallinn við það er
að þegar maður veit nákvæmlega
hvað maður vill getur tekið tíma að
finna það, en ég er þó frekar tilbú-
in til að gefa mér hann heldur en að
sætta mig við eitthvað sem er bara
allt í lagi.
Eins getur það gerst þegar
maður venst því að þurfa venju-
lega að leita lengi að maður sjái
ekki að stundum er það sem leit-
að er að beint fyrir framan nefið
á manni og því sé leitað full langt
yfir skammt.
Pabbi minn hefur einstaklega
gaman af að segja söguna af því
þegar hann fór með mig sem ungl-
ing til Evrópu að kaupa sundbol.
Ferðin var auðvitað ekki farin í
því skyni en þar sem við ætluð-
um til fjölda landa datt mér í hug
að ég gæti kannski fundið sundbol,
sem mig vantaði, einhvers staðar.
Ég var auðvitað búin að sjá fyrir
mér nákvæmlega hvernig sundbol
ég vildi og var viss um að ég fyndi
hann í einhverjum af heimsborgum
álfunnar.
Sundbolurinn fannst hins vegar
hvergi, þó að ég færi inn í hverja
einustu verslun sem seldi sundföt á
ferð okkar.
Pabbi var að sjálfsögðu orðinn
hundleiður á veseninu í mér og
margbúinn að reyna að fá mig til að
kaupa einhvern af þeim bolum sem
buðust en ég gaf mig ekki. Ég vissi
hvað ég vildi og neitaði að sætta
mig við eitthvað annað.
Ég var því pínu leið þegar við
þurftum að fara heim án þess að
ég hefði fundið það sem ég leitaði
að, en þó sátt við að hafa ekki keypt
eitthvað sem ég vildi ekki. Ég var
líka fljót að taka gleði mína að fullu
þegar ég fann draumasundbolinn
nokkrum dögum eftir að ég kom
heim í Kaupfélaginu á Húsavík.
2.980 kr.
BUMP’N GO!
2.480 kr.
SUPERMAN-BÚNINGUR
1.980 kr./stk.
SPIDERMAN
OG FÉLAGAR
3.980 kr.
VEF-BYSSA
Súperhetjufarartæki!
Spiderman fylgir!
HETJU
dagar
Spiderman bíll sem skýtur
kóngulóavef - Spiderman fylgir!
BATTLE ACTION
5.980 kr.
Uppblásanlegur!