Fréttablaðið - 30.05.2007, Síða 34

30. MAÍ 2007 MIÐVIKUDAGUR16 fréttablaðið bjartir dagar
Við erum góðir í hesthúsum!
Smíðum innréttingar jötur, hnakka og beyslis statíf og fleira í hesthús, allt úr ryðfríu stáli
Hönnum teiknum og sjáum um uppsetningar
Hvaleyrarbraut 2, Hfj
S. 565 2546, 863 2548Króm & Stál ehf
Framhaldsskólaárin eru oft
sögð vera bestu árin í lífi
sérhvers manns. Leikarinn
Steinn Ármann Magnússon
segist vel geta tekið undir
þau orð enda hafi árin í
Flensborg verið honum hálf-
gerð opinberun.
Flensborgarskólinn var stofnað-
ur árið 1877 sem barnaskóli, en
breytt í alþýðu- og gagnfræða-
skóla fimm árum síðar. Og við
það ártal hefur aldur skólans oft-
ast verið miðaður. Á þeim 125
árum sem skólinn hefur verið
starfræktur hafa margir andans
menn gengið um ganga skólans
og litað sögu hans með sínu nefi.
Einn þeirra er Steinn Ármann
Magnússon, leikarinn góðkunni,
sem hóf sína skólagöngu í Flens-
borg árið 1979 og þá í efsta bekk
grunnskóla. „Við krakkarnir sem
vorum ekki busar vorum mikil
innspýting í félagslífið og mætt-
um eiginlega á allar samkom-
ur á vegum nemendafélagsins.
Fundir Bridgefélagsins voru þar
engin undantekning,“ útskýrir
Steinn Ármann sem segist hugsa
með miklum hlýhug til áranna í
Flensborg. „Fyrir mér voru árin
í skólanum eiginlega hálfgerð op-
inberun. Þarna losnaði maður úr
viðjum bekkjarkerfisins og var
kominn á fullt í bæði kvikmynda-
klúbbinn og ræðuliðið,“ útskýrir
Steinn.
Og á Flensborgarárunum varð
til félagsskapur sem síðar meir
átti eftir að láta mikið til sín taka í
tónlistarlífi landsmanna. Félags-
skapur sem enn heldur hópinn;
sjálfir Kátir piltar en meðlimir
sveitarinnar voru allir nemend-
ur skólans. „Já, við vorum þarna
ég, Atli Geir Grétarsson, Davíð
Þór Jónsson, Hallur Helgason
og allir félagarnir,“ segir Steinn
en sveitin tróð meðal annars upp
á skólaböllum skólans. Reynd-
ar má til gamans geta að fyrstu
tónleikar sveitarinnar voru ein-
mitt busaball Flensborgarskól-
ans á Hótel Borg fyrir allmörg-
um árum.
Steinn segist muna eftir mörg-
um starfsmönnum skólans sem
höfðu mikil áhrif á hann. Þar
fóru fremstir í flokki Magnús
Baldursson og Ingvar Viktors-
son, fyrrum bæjarstjóri í Hafna-
firði. „Þeir voru mikið með okkur
krökkunum og voru alltaf á böll-
um eða í ferðalögunum,“ út-
skýrir Steinn sem nefnir einnig
Helga Guðmundsson, hinn lands-
kunna munnhörpuleikara og Auði
Hauksdóttur, dönskukennara.
„Hún gerði mig svona slarkfæran
í dönsku,“ rifjar Steinn Ármann
upp og minnist einnig Eggerts
Lárussonar, efnafræðikennara,
sem hafi notað tímana til að ræða
pólitík og vettvang dagsins. „Og
sagði okkur síðan hvað við áttum
að læra fyrir próf,“ bætir Steinn
við.
Leikarinn á sér þó leyndarmál
frá dvölinni í Flensborg því hann
á enn eftir að ljúka við sjálft stúd-
entsprófið. Segir í léttum dúr að
það hafi kannski verið mistök að
hafa valið sér náttúrufræðibraut
enda hafi stærðfræðin orðið
honum fjötur um fót. Steinn úti-
lokar þó ekki endurkomu í skól-
ann þótt síðar verði.
- fgg
Útilokar ekki endurkomu í skólann
Steinn Ármann minnist dvalarinnar
með hlýhug og segist þar hafa kynnst
mörgum áhrifavöldum sínum. Kátir piltar – félagsskapur sem varð til í Flensborg og lifir enn góðu lífi.