Fréttablaðið - 30.05.2007, Blaðsíða 40

30. MAÍ 2007 MIÐVIKUDAGUR22 fréttablaðið bjartir dagar
Víkingahátíðin í Hafnarfirði
verður haldin hátíðleg í ellefta
sinn nú í sumar. Hátíðin hefur
farið vaxandi ár frá ári og er
orðin ein af vinsælli uppákom-
um sumarsins á höfuðborgar-
svæðinu.
„Það verða stanslausar uppákom-
ur frá því markaðurinn verður
opnaður á laugardeginum og allan
tímann sem hátíðin stendur yfir,“
segir Jóhannes Bjarnason, fjöru-
goði á Fjörukránni í Hafnarfirði,
sem stendur fyrir hinni árlegu
víkingahátíð í Hafnarfirði. „Hér
verða handverksmenn að búa til
handverk og selja það, sögumenn
að segja sögur, söngvarar sem
syngja víkingasöngva, bardagar,
bogakeppni og margt margt fleira.
Þetta verður sannkölluð fjöl-
skylduhátíð á daginn og nóg fyrir
fullorðna fólkið á kvöldin.“
Nú þegar hafa um 100 erlendir vík-
ingar boðað komu sína og Jóhann-
es segir að þeir íslensku sem mæti
á hátíðina séu álíka margir. Þetta
er fólk sem leggur mikinn metnað
í allt sem að þessu snýr og hand-
saumar föt sín og skó. Það notar
líka eingöngu efni sem voru til á
þessum tíma, sem það býr jafn-
vel til sjálft. „Það gilda strangar
reglur um klæðaburð víkinga og
vopnin sem þeir bera,“ segir Jó-
hannes. „Allt skal vera eftirlíking-
ar af einhverju sem hefur fund-
ist frá þessum tíma. Fólk má ekki
bara skálda eitthvað upp.“
Fjöldi fólks fer á margar svona
hátíðir á ári. „Sumir þeirra sem
koma hingað hafa það sem lifi-
brauð að ferðast á milli svona há-
tíða og selja muni sem þeir búa til.
Þetta er fólk sem lifir og hrærist í
þessum tíma.“
Nokkur pör hafa verið gift á há-
tíðinni síðustu ár og engin breyt-
ing verður á því núna. „Það er nú
þegar búið að ákveða tvær gifting-
ar. Það verða danskir og pólskir
goðar á staðnum sem hafa leyfi til
að gifta fólk og allsherjargoðinn
íslenski verður á staðnum. Dóttir
mín var líka skírð á síðustu hátíð
og fólk talaði um
að það hefði aldrei
séð svona fallega
athöfn.“
Víkingahátíðir
með þessu sniði
hafa verið haldnar
víða um norðan-
verða Evrópu síð-
ustu fjörutíu árin.
„Vinur minn bú-
settur í Danmörku
hafði samband við
mig eftir að hafa
fariðá víkingahátíð
þar og stakk upp á
að ég stæði fyrir svona hátíð hér.
Ég sló til fyrir ellefu árum og hef
ekki enn séð eftir því.“ Jóhannes
segir að það sé bráðnauðsynlegt
fyrir fólk að muna eftir upprunan-
um og fátt sé þjóðlegra og betur til
þess fallið en víkingar.
Hátíðin hefst laugardaginn 9.
júní og lýkur á þjóðhátíðardegi Ís-
lendinga. Á miðviku- og fimmtu-
dag í vikunni þar á milli mun
hópurinn færa sig til Sauðárkróks
og standa fyrir miklu húllumhæi
þar í bæ.
Jóhannes segir að andinn á há-
tíðinni sé ávallt mjög góður og
víkingar séu hið viðkunnanlegasta
fólk. „Þeir líta kannski illa út marg-
ir hverjir en ég hef enn engan vík-
ing hitt sem hefur vondan mann
að bera innan klæða.“
Víkingar allra landa
sameinast í Firðinum
Jóhannes Bjarnason stendur fyrir víkingahátíð í Hafnarfirði.
Á hátíðina kemur fjölmargt fólk sem fylgir ströngum reglum um klæðaburð og framkomu að víkingasið.
Handverksmenn munu búa til muni og selja.
Jóhannes segir að andinn á hátíðinni sé ávallt góður og víkingar hið viðkunnanlegasta fólk.
Tilboð fyrir
ferðalanga á
gistingu.
Frí innigeymsla
fyrir bílinn á
meðan ferðast er.
F L U G H Ó T E L K E F L AV Í K