Fréttablaðið - 30.05.2007, Side 37

MIÐVIKUDAGUR 30. MAÍ 2007 19bjartir dagar fréttablaðið
BRÚÐULEIKHÚS
Á BJÖRTUM DÖGUM
Brúðubíllinn er löngu búinn
að sanna sig sem eitt vinsælasta
leikhús landsins hjá yngstu
kynslóðinni. Hin síunga Helga
Steffensen heldur um stjórn-
völinn og þegar hún mætir í
Brúðubílnum er von á góðu.
Bókasafnið býður íbúum
Hafnarfjarðar, gestum og
gangandi að sjá Brúðubílinn
fimmtudaginn 31. maí kl 14.00 á
plani bóksafnsins. Á leikskránni
er Segðu mér söguna aftur og
þar verða Lilli og Blárefurinn án
efa í essinu sínu.
Múkki art gallery stendur við höfnina í Hafnarfirði í
gömlu fiskvinnsluhúsi.
Múkki art gallery er vinnustofa og sýningarrými
Aðalheiðar Skarphéðinsdóttur. Galleríið stendur við
höfnina og er gamalt fiskvinnsluhúsnæði.
Múkki art gallery var upphaflega fiskvinnsluhúsnæði
við Flensborgarhöfnina í Hafnarfirði. Aðalheiður Skarp-
héðinsdóttir gerði húsnæðið upp ásamt manni sínum
Lárusi Jóni Guðmundssyni. „Þetta er frábær staður. Ég
horfi af vinnustofunni yfir Hafnarfjörð og höfnina. Ná-
grannar mínir eru smábátaeigendur og sé ég þá verka
afla sinn,“ segir Aðalheiður. Á laugardag mun Aðalheiður
opna vinnustofusýningu á nýjum verkum. Hún mun ekki
láta sitt eftir liggja á Björtum dögum í Hafnarfirðinum
og verður með opið frameftir á löngum fimmtudegi hinn
7. júní.
Aðalheiður er útskrifuð frá MHÍ og Konstfack í Stokk-
hólmi þar sem hún nam textílhönnun. Hún hefur tekið
þátt í samsýningum um allan heim og haldið ellefu einka-
sýningar.
Myndlist við höfnina
Netkaffi verður opnað í sumar
í Blómum og kaffi að Reykja-
víkurvegi 60 í Hafnarfirði.
Stefnan er sett á að opna það á
þjóðhátíðardaginn 17. júní, að
sögn afgreiðslukonu þar. Ekki
verður annað sagt en vel fari
á því. Hátíð er til heilla best.
Netkaffi í
sumar
Blóm og kaffi passa saman.