Fréttablaðið - 30.05.2007, Síða 50

Á sunnudögum reyni
ég yfirleitt að lifa í
algerri blekkingu.
Slíkur lífsmáti telst
yfirleitt ekki sér-
staklega eftirsóknar-
verður, en á sunnu-
dögum er hann eina
leiðin til þess að ég fái
eitthvað út úr deginum. Mér hefur
lengi fundist sunnudagar gagns-
lausustu dagar vikunnar. Frá
morgni, eða miðjum degi, það
fer eftir því hvað var á dagskrá
kvöldið áður, bíð ég bara eftir því
að það komi kvöld og að vinnu- eða
skólavikan hefjist upp á nýtt.
Þegar ég var lítil átti ég oft í
miklum deilum um það við foreldr-
ana hvort sunnudagur væri fyrsti
eða síðasti dagur vikunnar. Þau
vildu meina að hann væri fyrsti
dagur vikunnar og færðu fyrir því
ýmis og misgóð rök. Ég hafði svo
sem engin frábær rök í handraðan-
um, önnur en þau að það hlýtur að
vera algerlega augljóst að hann er
síðasti dagur vikunnar. Það hlýtur
hvert mannsbarn að finna. Sunnu-
dagar eru ekki spennuþrungnir
upphafsdagar. Þeir eru blúsaðir
rólyndisdagar, endalok alls áður
en hamagangurinn hefst á ný.
Sunnudagsvonleysið minnk-
ar ekkert þó að ég hafi óskaplega
gaman af starfinu mínu og kvíði
því langt í frá að mæta til vinnu.
Mér mislíka mánudagar heldur
ekkert óskaplega. Samt er til-
hugsunin um að vakna snemma og
hefja vinnuvikuna upp á nýtt ekki
til þess fallin að fylla mig orku og
ég ver deginum í aðgerðarlausu
móki.
Á árum áður voru umræddir
dagar messu- og sunnudagsskóla-
dagar. Síðar lambalærisdagar hjá
ömmu og afa. Þá var oftar en ekki
gripið í spil og svo farið í ísbíl-
túr. Þeir sunnudagar voru hreint
ekki svo slæmir eða gagnslausir
í minningunni. Um helgina upp-
lifði ég tvo sunnudaga í stað eins
og ætla að taka á mínum málum.
Ég nenni ekki þessu tilgangsleysi
lengur.
Ef þið sjáið mig ekki í messu
næsta sunnudag verð ég heima að
krydda lambalærið. Eða að leggja
kapal.
Fjölbrautaskólinn í Breiðholti
Austurbergi 5 111 Reykjavík Sími 570 5600
Símbréf 567 0389 Tölvupóstur: fb@fb.is
www.fb.is
Innritun í Fjölbrautaskólann í Breiðholti
er á netinu eða á skrifstofu skólans
frá 09:00 til 15:00 og lýkur 11. júní.
Mánudaginn 11. júní verða
náms- og starfsráðgjafar skólans
til viðtals frá kl. 9 – 18.