Fréttablaðið - 30.05.2007, Side 30

MARKAÐURINN 30. MAÍ 2007 MIÐVIKUDAGUR14
F Y R S T O G S Í Ð A S T
Fjárfestar í fyrirtækjum sem eru
álitleg til yfirtöku ættu að vonast
eftir að yfirtökufélagið sé almenn-
ingshlutafélag en ekki fjárfest-
ingarsjóður í einkaeigu (private
equity fund). Í nýlegri rannsókn
fjögurra bandarískra prófess-
ora í fjármálafræðum, sem Inter-
national Herald-Tribune greinir
frá, kemur fram að almennings-
hlutafélög eru mun líklegri til að
borga hærra yfirtökuverð en fjár-
festingasjóðir.
Rannsóknin nær til áranna
1990-2005 þar sem 1.292 kaup-
samningar á skráðum bandarísk-
um fyrirtækjum voru skoðaðir
og greiðsla var í reiðufé. Í 32
prósentum tilvika voru einkafjár-
festar á ferðinni en almennings-
hlutafélög í 68 prósentum tilfella.
Meginniðurstaðan er sú að hlut-
hafar í yfirteknu fyrirtækjum
fengu 55 prósentum hærra verð
þegar almenningshlutafélög tóku
þau yfir en fjárfestingarsjóðir.
Þar með er sagan ekki nema
hálfnuð. Rannsókn prófessoranna
sýndi fram á að sterk tengsl væru
á milli eignarhalds stjórnenda í al-
menningshlutafélögum og hversu
hátt yfirverð væri greitt hverju
sinni. Þegar undanskilin voru
yfirtökufélög þar sem stjórnend-
ur áttu minna en fimmtung hluta-
fjár var enginn sýnilegur munur
á yfirtökuverði fjárfestingarsjóða
og almenningshlutafélaga.
En af hverju hefur eignarhald
stjórnenda eitthvað að segja um
það yfirtökuverð sem í boði er?
Prófessorarnir benda á að fyr-
irtækjastjórnendur sem eiga lít-
inn hlut í þeim fyrirtækjum sem
þeir fara fyrir séu líklegri til að
hafa önnur markmið í huga en að
hámarka langtímaarðsemi hlut-
hafa. Þar er líklegra að hégómleg
markmið á borð við uppbyggingu
risafyrirtækja ráði för.
Því ættu eigendur fyrirtækja
sem boðið hefur verið í að íhuga
alvarlega að selja bréf sín þegar
almenningshlutafélag vill taka
það yfir – að því gefnu að stjórn-
endur ráði yfir litlum hlut hluta-
fjár. Með því að selja eru fjárfest-
ar búnir að tryggja sig ef yfir-
tökuáformin detta upp fyrir.
Hægt er að finna útdrátt á slóð-
inni www.nber.org/papers/w13061.
- eþa
Fjárfestingarsjóðir í
BNA greiða minna
Eignarhlutur stjórnenda hefur áhrif á yfirtökuverð.
Icebank bætist við flóru fjár-
málafyrirtækja við Borgartúnið
þegar bankinn flytur höfuðstöðv-
ar sínar frá Rauðarárstíg í nú-
tímalegra húsnæði á horni Höfða-
torgs og Borgartúns í ársbyrj-
un 2009. Finnur Sveinbjörnsson,
bankastjóri Icebank, segir að
með þessu stækki bankinn við sig
um helming en nýja heimilið er
um þrjú þúsund fermetrar. Bygg-
ingafyrirtækið Eykt ætlar að
byggja nítján hæða turn og legg-
ur Icebank þrjár hæðir undir sig.
„Við erum mjög spennt að fara
þangað. Borgartúnið er að verða
miðstöð fjármálafyrirtækja,“
segir Finnur en gárungarnir kalla
Borgartúnið Wall Street Íslands.
Icebank hagnaðist um 1,8 millj-
arða króna á fyrsta ársfjórðungi
sem var 280 prósenta aukning á
milli ára. Afkomuna má þakka að
stærsta hluta innleystum og bók-
færðum gengishagnaði í Existu,
en bankinn á enn um 56 prósent
af stofneignarhlut. Finnur segir
að hluturinn hafi verið svo stór
að hann jafngilti öllu eigin fénu.
„Með því að selja af eignarhlutn-
um skapast tækifæri til að þróa
bankann í aðrar áttir og takast á
við annars konar verkefni.“
Finnur bendir á að góður vöxt-
ur sé í grunnstarfsemi bankans.
Lánastarfsemin gefur vel af sér
og gæði útlána er mikið. Þannig
ríflega tvöfölduðust hreinar
vaxtatekjur en þær námu um
507 milljónum króna. „Þeir eru
ekki margir bankarnir á Íslandi
þar sem lánastarfsemin stend-
ur undir öllum rekstrarkostnaði.
Hún gerir það hjá okkur og gott
betur.“
Icebank er ekki smásölu-
banki heldur tekur þátt í verk-
efnatengdri fjármögnun, meðal
annars vegna fasteignaverkefna
og fjármögnunar vegna fyrir-
tækjakaupa. Forsvarsmenn Ice-
bank vilja einnig sækja á mið
sem aðrir bankar fást ekki við
dags daglega. Það allra nýjasta
er stofnun einkafjármagnssjóðs
í félagi við Arev verðbréfafyr-
irtæki þar sem horft er til fjár-
festinga í þroskuðum neytenda-
vörufyrirtækjum. „Þetta eru oft
fyrirtæki sem þurfa stuðning til
að taka skrefið í viðbót. Þarna
kemur sjóðurinn til sögunnar en
hann getur lagt til fjármagn og
aðhald til að hjálpa þeim að taka
skrefið enn lengra.“
Eins og komið hefur fram
hyggjast eigendur bankans opna
fyrir eignarhald og skrá bankann
á markað á næsta ári. „Hægt og
bítandi erum við að fikra okkur
áfram í þá átt að lifa eins og við
séum skráð félag.“ - eþa
Icebank flytur á
„Wall Street“
Fallega var fjallað um veitinga-
staðina Hamborgarabúlluna og
Sægreifann í grein í Washington
Post fyrr í mánuðinum. Greinar-
höfundur segir frá upplifun sinni
og samferðamanns hans í ætis-
leit á götum Reykjavíkurborgar.
Segir frá því hvernig þeir
hrökkluðust frá hverjum veit-
ingastaðnum á fætur öðrum eftir
að hafa litið matseðlana augum,
eða öllu heldur verð þeirra. Lýsir
höfundurinn þeirri upplifun að
sjá pakistanskan kjúklingakarrí-
rétt verðlagðan á 27 dollara og
pitsu á átján dollara. Hann tekur
sérstaklega fram að hann hafi
ferðast um margar dýrustu borg-
ir heims. Verðið á Íslandi sprengi
alla skala.
Í greininni segir að þeir ferða-
félagar hafi verið orðnir heldur
framlágir og sársvangir er þeir
loksins komu að Sægreifanum.
Þar gæddu þeir sér á humarsúpu
og hvalsteik og drukku heima-
bruggað víkingaöl með. Fyrir það
borguðu þeir 45 bandaríkjadali.
Á Sægreifanum fengu ferða-
langarnir svo fregnir af því að í
næsta húsi mætti fá bestu ham-
borgara Íslands. Bandaríkja-
mennirnir létu ekki segja sér
það tvisvar og voru mættir á
Hamborgarabúlluna í næsta há-
degi. Þar snæddu þeir borgara
og franskar úr bastkörfum og
drukku mjólkurhristing með.
Matinn, myndirnar af popp-
stjörnum upp um alla veggi og
útsýnið yfir hafið kunnu þeir vel
að meta. Máltíðin kostaði þá þrjá-
tíu dollara.
Tekið er fram í lok greinarinn-
ar að Ísland snúist um svo mikið
meira en mat. Hins vegar komi
fátt í staðinn fyrir góða máltíð
á sanngjörnu verði. Matur Sæ-
greifans og Hamborgarabúllunn-
ar væru „köld kjarakaup í hinni
dýru höfuðborg Íslands“. - hhs
Sægreifinn og Búllan í
Washington Post
*Nafnávöxtun í ISK, EUR, USD og GBP á ársgrundvelli fyrir tímabili› 30/03/07 - 30/04/07.
Peningamarka›ssjó›ir eru fjárfestingarsjó›ir skv. lögum nr. 30/2003, um ver›bréfasjó›i og fjárfestingarsjó›i.
Rekstrarfélag sjó›sins er Rekstrarfélag Kaupflings banka hf. Fjárfestingarsjó›ur telst vera áhættusamari fjárfesting
en ver›bréfasjó›ur skv. lögunum. Meiri áhætta fjárfestingarsjó›s er fólgin í r‡mri fjárfestingarheimildum sem geta
m.a. leitt til minni áhættudreifingar en í ver›bréfasjó›i. Nánari uppl‡singar um framangreint má nálgast í útbo›sl‡singu
e›a útdrætti úr útbo›sl‡singu sjó›sins í útibúum Kaupflings e›a á www.kaupthing.is.
P E N I N G A M A R K A ‹ S S J Ó ‹ I R
Ávaxta›u betur
- í fleirri mynt sem flér hentar
4,8%*
ávöxtun í evrum
6,0%*
ávöxtun í dollurum
15,5%*
ávöxtun í krónum
5,7%*
ávöxtun í pundum
Kynntu flér kosti Peningamarka›ssjó›a
Kaupflings í ISK, EUR, USD og GBP.
Sérfræ›ia›sto›
vi› fjárfestinga
r
hringdu í síma
444 7000