Fréttablaðið - 09.06.2007, Síða 32

Icelandair hóf að fljúga til
Halifax í Kanada á ný í maí
eftir sex ára hlé. Borgin er
heillandi að mörgu leyti en þar
er einnig hægt að gera reyfara-
kaup á fatnaði.
Kanada er kannski ekki fyrsta
landið sem Íslendingum dettur í
hug þegar hugað er að helgarferð-
um til útlanda. Það gæti þó hæg-
lega breyst nú þegar Icelandair
hefur hafið að nýju flug til hafnar-
borgarinnar Halifax við strendur
Nova Scotia. Kanada er nefnilega
ekki eins langt í burtu og margir
telja en Halifax er í aðeins tæpra
fjögurra stunda fjarlægð.
Íslendingar ættu að eiga auðvelt
með að fóta sig í Halifax. Borg-
in er frekar lítil og kannski helst
hægt að líkja henni við blöndu af
Akureyri og San Francisco enda
er hún öll byggð í brekku út frá
höfninni. Veðrið er Íslendingum á
ferðalagi ofarlega í huga en í Nova
Scotia er nokkuð temprað loftslag.
Meðalhiti á veturna er kringum
frostmark en 23 gráður á sumr-
in. Íbúar eru fáir miðað við land-
svæði eða um 400 þúsund í öllu
Halifax-sveitarfélaginu sem er
um 5.500 ferkílómetrar að stærð
og samanstendur af um 200 bæj-
arfélögum.
Höfnin spilar stóran þátt í bæjar-
og atvinnulífi Halifax. Stór gáma-
flutningaskip leggja þar að landi
auk þess sem höfnin er rík af sögu
þeirra innflytjenda sem komu til
Kanada í gegnum aldirnar. Á góð-
viðrisdögum iðar bryggjan af lífi
og skemmtilegt fyrir ferðamenn
að rölta og fá sér í gogginn í ein-
hverjum af skyndibitavögnunum
sem standa við höfnina.
Vel er hægt að versla frá sér allt
vit í Halifax. Kanadadollarinn er
hagstæður gagnvart krónunni, um
sextíu krónur, og því hægt að gera
mjög góð kaup á fatnaði. Aðal-
verslunargatan í bænum er Spring
Garden Road. Vel er hægt að rápa
um miðbæinn og finna ýmislegt
sem hugurinn girnist enda er lítið
mál að rata helstu leiðir í mið-
bænum og erfitt að týnast. Þá er
lítið mál að fá upplýsingar um
verslunarmiðstöðvar rétt utan við
bæinn. Vert er að benda fólki á að
gleyma ekki að reikna með fimmt-
án prósenta söluskatti sem leggst
ofan á verðið við kassann.
Það sem kemur flestum á óvart
sem koma til Halifax er hversu
rík matarmenningin er þar í bæ.
Þar má finna fjölda góðra veit-
ingastaða sem sérhæfa sig í mis-
munandi gerðum matar, allt frá
japönskum til fransks. Pöbba-
menningin í Halifax er einnig
mjög skemmtileg en íbúar gera
sjálfir grín að því að þeir séu með
flesta pöbba í heiminum miðað
við höfðatölu og á því má kannski
helst sjá hve stutt er í frændskap-
inn við Íslendinga. Krárnar eru
flestar vel sóttar alla daga vik-
unnar, lifandi tónlist er mjög al-
geng og eins og á Íslandi er bann-
að að reykja.
Fyrir þá sem ekki vilja eyða
öllum tíma sínum í verslunum og
á börum er margt annað í boði.
Stutt er út í náttúruna og ýmis
fyrirtæki bjóða upp á rútuferðir
út fyrir bæinn. Vinsælasti stað-
urinn er líklega Peggy’s Cove, en
ferðin þangað er nokkurs konar
gullni hringur þeirra Halifax-
búa. Peggy’s Cove er lítið og sætt
sjávarþorp með fallegum vita sem
á sumrin er starfræktur sem póst-
hús. Ekki amalegt að senda póst-
kort úr vita sem bíður manns við
heimkomuna eftir skemmtilega
helgi.
Fullkomin til helgarferða