Fréttablaðið - 21.06.2007, Síða 4

Sjúklingur á smit-
sjúkdómadeild Landspítala -
háskólasjúkrahúss er grunaður
um að hafa afhent ungri konu, sem
lést á spítalanum að kvöldi 18.
júní, fíkniefni, samkvæmt upplýs-
ingum Fréttablaðsins.
Lögregla höfuðborgarsvæðisins
fer með rannsókn málsins sem
meðal annars beinist að því að
komast að því hvaðan sprautan
sem notuð var og innihald hennar
komu. Konan, sem var fædd 1985,
fannst meðvitundarlaus á deild-
inni með sprautu við hlið sér
aðfaranótt 16. júní. Hún lést, eins
og áður sagði, síðastliðið mánu-
dagskvöld. Dánarorsök er ekki
ljós en konan var haldin sjúkdómi,
sem leitt getur til dauða, fái hann
að þróast óáreittur í fólki. Krufn-
ing mun fara fram eins og tíðkast
þegar um voveifleg dauðsföll er
að ræða, svo og efnagreining, til
að komast að dánarorsök konunn-
ar. Þá er verið að rannsaka efna-
innihald sprautunnar. Þetta ferli
getur í heild tekið nokkrar vikur.
Í apríl fjallaði Fréttablaðið um
eiturlyfjasmygl til sjúklinga sem
liggja á Landspítalanum. Þar kom
meðal annars fram að starfsmenn
hafi fundið á lóð spítalans pakka
með fíkniefnum, sem ætlaðir séu
sjúklingum, auk þess sem notaðar
sprautunálar hafi fundist reglu-
lega við byggingar spítalans.
Vandinn sé mestur á þeim deild-
um þar sem fíklar leiti sér með-
ferðar.
Jóhannes Gunnarsson, forstjóri
lækninga á LSH, segir að aðgerðir
séu fyrirhugaðar til að reyna að
stemma stigu við mögulegu fíkni-
efnasmygli til sjúklinga á spítal-
anum.
„Upp úr miðju ári stendur til að
loka reykherbergjum fyrir sjúk-
linga á bráðadeildum. Hins vegar
verður gefin undanþága á deildum
þar sem sjúklingar vistast lang-
tímum saman. Þá er á áætlun á
þessu ári að flytja reykaðstöðu
sjúklinga á geðdeildum og breyta
henni þannig að hún verði ekki
lengur opin út heldur inn.“
Spurður hvort komi til greina að
kalla til lögreglu sé uppi grunur
um fíkniefnaneyslu sjúklinga, þar
sem um lögbrot sé að ræða, kveð-
ur Jóhannes svo vera. Hins vegar
sé erfitt að bæta slíku eftirlits-
hlutverki ofan á önnur störf starfs-
fólks spítalans.
Friðrik Smári Björgvinsson,
yfirlögregluþjónn hjá lögreglu
höfuðborgarsvæðisins, kvaðst
ekki vilja tjá sig efnislega um lög-
reglurannsóknina á þessu stigi
málsins. Dánarorsök liggi ekki
fyrir og meðan svo sé verði engar
upplýsingar gefnar.
Grunur beinist að
sjúklingi á deildinni
Grunur leikur á að sjúklingur á smitsjúkdómadeild Landspítalans hafi látið
unga konu, sem einnig lá á deildinni, hafa sprautu með fíkniefni. Konan lést á
mánudagskvöld. Nú er verið að rannsaka innihald sprautunnar og fleiri þætti.
Eyjamenn björg-
uðu tveimur móðurlausum lömb-
um úr sjálfheldu á dögunum.
Lömbin voru á Napanum í Stór-
höfða og höfðu orðið þar innlyksa
en móðir þeirra hefur að líkind-
um hrapað í sjóinn.
Lömbin eru á þessum tíma sum-
ars ekki orðin nógu stálpuð til að
lifa á grasi einu saman og því
þurfti að koma þeim undir nýja á
svo þau gætu fengið mjólk að
drekka.
Björgunarmenn fóru á gúmmí-
bát að Napanum til að ná til
lambanna og voru þau flutt aftur
í land á bátnum.
Annað lambið var ekki á því að
láta ná sér og þurftu björgunar-
menn að eltast töluvert við það
áður en þeir höfðu erindi sem erf-
iði. Æðarkollur sem lágu á hreiðr-
um í Napanum voru einnig
óhressar með komu björgunar-
mannanna.
Lömbin hafa nú fengið nýja
móður og vöndust strax undir.
Þau braggast vel að sögn eigand-
ans.
Kristín Gísladóttir sjúkraþjálfari aðstoðar við val
á réttri dýnu alla fimmtudaga á milli kl. 16 og 18.
Opið virka daga: 10-18
Reykjavík: Mörkin 4, s: 533 3500
Áhöfnin á TF-
SYN, eftirlitsflugvél Landhelgis-
gæslunnar, stóð skipstjóra á
fiskibát að meintum ólöglegum
línuveiðum inni í lokuðu hólfi 7,8
sjómílum norðvestur af Deild um
hádegisbilið á þriðjudag. Skyndi-
lokun á svæðinu hafði verið
auglýst 15. júní síðastliðinn
samkvæmt heimild í lögum um
veiðar í fiskveiðilandhelgi Íslands
og gildir hún til 29. þessa
mánaðar.
Landhelgisgæslan sendi kæru
til Lögreglustjórans á Vestfjörð-
um sem er nú með málið til
meðferðar.
Meintar ólög-
legar línuveiðar
Líkur má leiða að
því að lambapottréttur hafi valdið
vægri magakveisu og niðurgangi
í fimmtán starfsmönnum Alcoa-
Fjarðaáls á Reyðarfirði.
Starfsmennirnir fundu fyrir
óþægindum eftir vakt í álverinu í
fyrrakvöld en flestir voru
vinnufærir í gærmorgun.
Heilbrigðiseftirlit Austurlands
var kallað til rannsóknar. Helga
Hreinsdóttir, framkvæmdastjóri
heilbrigðiseftirlitsins, segir
eitrunina væga. „Þetta eru ekki
mjög alvarleg veikindi. Langflest-
ir af þeim sem hafa einkenni eru
vinnufærir.“
Nær engir afgangar urðu af
lambinu, en sýni af óhreinum
bökkum verða send í ræktun.
Bönd berast að
lambapottrétti
Nýju byggðamerki
Hvalfjarðar-
sveitar er
mótmælt
harðlega af
Jóhönnu
Harðardóttur
Kjalnesinga-
goða. Segir
hún að
trúartákn eigi
ekki heima í
sameiningar-
tákni sveitarfélagsins. Það
tilheyri miðöldum en ekki
nútímanum. Að auki sé merkið
ljótt og ekkert í því sem minni á
sveitarfélagið.
Merkið var kynnt hinn 9. júní. Í
því eru útlínur hvals sem myndar
kross og skírskotar til menning-
ararfs og sögu Hvalfjarðarsveit-
ar, að því er haft er eftir Arnari
Steinþórssyni, hönnuði merkisins,
á heimasíðu sveitarinnar.
Trúartákni
mótmælt