Fréttablaðið - 21.06.2007, Blaðsíða 40

21. JÚNÍ 2007 FIMMTUDAGUR2 fréttablaðið gott á grillið
Gísli Þorsteinsson markaðs-
stjóri Matvælarannsókna
Íslands er vanur grillari og veit
hvað er best á grillið.
„Ég mæli með því að fólk velji sér
stóra bita af kjöti í stað smærri
og lambalæri er oft ágæt lausn ef
grilla á fyrir fjóra til fimm full-
orðna eða fleiri,“ segir Gísli.
Ef bitarnir eru stórir er mikil-
vægt að kjötið sé meyrt að sögn
Gísla. „Lambalærið er ákaflega
meyrt og tekur vel við kryddi, eig-
inlega eftir smekk hvers og eins,”
segir hann.
Undirbúningur skiptir miklu
máli að sögn Gísla ef vel á að tak-
ast til við matargerðina. „Mik-
ilvægt er að þíða lærið í ísskáp í
þrjá til fimm daga hafi það verið
keypt frosið. Þá er mjaðmabein og
rófubein fjarlægt svo auðvelt sé
að skera kjötið eftir að það hefur
verið grillað. Lærið er kryddað
með saltlausum kryddum eða sett
í marineringarlög í einn til tvo sól-
arhringa. Því er síðan pakkað inn í
tvö til þrjú lög af álpappír og sett
á grillið eins nálægt hita og mögu-
legt er ef um gasgrill er að ræða
eða á kolin ef kolagrill er notað.
Gott er að láta lærið liggja í tut-
tugu mínútur áður en því er velt á
hina hliðina í aðrar tuttugu mínút-
ur. Svo er því velt aftur eða þar til
það er orðið nægilega steikt.“
Gísli segir að gott sé að stinga
hitamæli í miðjan þykkasta
vöðvann á lærinu á meðan það ligg-
ur á grillinu svo hægt sé að fylgj-
ast með því hvort að það sé orðið
nægilega steikt. „Þegar hitastig-
ið í miðju læri er orðið 56 – 57 °c
er það orðið hæfilega steikt. Þá er
það tekið af grillinu og látið jafna
sig á álpappírnum í tíu mínútur
áður en það er skorið. Kosturinn
við að vera með læri er að það er
hægt að fá mismunandi vel steikt
kjöt af sama læri,“ segir Gísli.
Meðfylgjandi er tillaga Gísla að
maríneringu á lærið.
Hráefnið er sett í matvinnsluvél
eða blandara ásamt matskeið af
púðursykri (má sleppa) og teskeið
af salti. Maukinu smurt á lærið og
það sett á álpappír. Þá er grein af
fersku rósmaríni sett á lærið og
því síðan pakkað inn.
emilia@frettabladid.is
Lambalærið best á grillið
Gísli segir lambalæri góðan kost ef grilla á fyrir marga. FRÉTTABLAÐIÐ/ANTON
Þetta kartöflusalat er fljótlegt og
auðvelt að framreiða. Það passar
vel með flestum grillmat og fellur
vel í kramið hjá öllum aldurshóp-
um, enda er erfitt að klikka með
blöndu af kartöflum, hvítlauk og
tómötum.
Byrjið á að sjóða kíló af kart-
öflum. Þær þurfa að vera smáar
og með góðu hýði. Ef veislan fer
fram um kvöldið þá er gott að sjóða
kartöflurnar á hádegi svo þær séu
orðnar kaldar seinnipartinn. Þegar
kartöflurnar eru tilbúnar á að
skera þær í báta og hafa hýðið á.
Svo eru sólþurrkuðu tómatarnir
saxaðir niður í smátt og hvítlaukur-
inn pressaður og steiktur í olíunni
af tómötunum. Þeim sem þykir
hvítlaukur góður ættu endilega að
steikja bara meira af honum.
Að lokum er tómötum og kartöfl-
um bætt á pönnuna og allt steikt í
svolitla stund, eða þar til kartöfl-
urnar eru örlítið brúnaðar.
Setið í fallega skál, skreytið með
sólblómafræjum, berið fram og
njótið! mhg@frettabladið.is
Suðrænt kartöflusalat
Sólþurrkaðir tómatar og hvítlaukur gera
þetta að einu gómsætasta kartöflusalati
sem sögur fara af.
Það er ýmislegt fleira hægt að gera
á grillinu en grilla kjöt og fisk því
eftirréttirnir geta verið virkilega
ljúffengir af grillinu líka. Hér eru
tvær hugmyndir að grilluðum eft-
irrétti; réttur fyrir fullorðna og
annar fyrir alla fjölskylduna.
GRILLAÐAR FERSKJUR MEÐ
MASCARPONE OG BRANDÍ
Uppskrift fyrir sex:
3 ferskjur, steinlausar og skornar í
fernt
2 msk. sykur
2 msk. brandí
1 msk. ferskur sítrónusafi
50 gr Galbani Mascarpone-ostur
1/4 tsk. vanilludropar
3/4 bolli þurrt hvítvín
Carapelli Extra Virgin ólívuolía
Penslið grindina á grillinu með
ólífuolíu. Setjið ferskjurnar á miðl-
ungs heitt grillið og grillið í 2 til 3
mínútur á hvorri hlið, í um 5 til 6
mínútur í allt. Þá ættu ferskjurn-
ar að vera orðnar heitar í gegn og
mjúkar og að auki komnar með
þessi líka fínu grillrendur.
Á meðan ferskjurnar eru á grill-
inu er sykur, brandí og sítrónusafi
sett í skál og blandað saman. Legg-
ið síðan til hliðar.
Þegar ferskjurnar eru tilbún-
ar eru þær settar á grunnan disk.
Hellið brandí-blöndunni yfir og
hrærið svo blandan dreifist sem
best. Leggið til hliðar í 15 mín.
Setjið Mascarpone-ostinn og
vanilludropana í skál og blandið
saman.
Skiptið ferskjunum (og brandí-
blöndunni) á sex diska. Hellið hvít-
víninu yfir. Setjið ostinn ofan á
ferskjurnar og berið fram.
GRILLAÐIR BANANAR
Einn banani á hvern matargest.
Mjólkursúkkulaði eða Mars
Álpappír
Rjómi
Skerið rauf í endilangan banan-
ann.
Setjið súkkulaði í raufina og
vefjið bananann inn í álpappír.
Grillið í um það bil tuttugu mín-
útur og berið fram með þeyttum
rjóma.
Grillaðir ávextir
í eftirrétt
Ferskjur eru góðar ferskar og gríðarlega
góðar grillaðar.
Grillaðir bananar með súkkulaði eru
svakalega vinsælir meðal fólks á öllum
aldri.
Norm-X
Heitir pottar
Íslensk framleiðsla
Heimasíðan okkar er
www.normx.is
Norm-X hefur frá 1982 sérhæft sig í framleiðslu heitra
potta sem henta íslenskum aðstæðum einstaklega vel.
Við bjóðum einnig allan tengibúnað, nudd
og ljósabúnað og tvær gerðir af lokum.
Samstarfsaðili okkar á Akureyri er Tjalda- og
Seglaþjónustan ehf. sími 461-5077
Norm-X Auðbrekku 6 Kópavogi Sími 565-8899
www.normx.is normx@normx.is
Setlaug 2050 L
með legubekk
Snorralaug 2000 L
Setlaug 1200 LGrettislaug 1500 L