Fréttablaðið - 21.06.2007, Qupperneq 75

Bandaríska rokksveitin Mötley
Crue hefur höfðað mál gegn Carl
Stubner, einum af umboðsmönn-
um sínum, fyrir að fá trommarann
Tommy Lee til að taka þátt í tveim-
ur „misheppnuðum“ raunveru-
leikaþáttum. Fyrir vikið þurfti
hljómsveitin að fresta fjörutíu
tónleikum og varð þannig af mikl-
um peningum. Krefst hljómsveit-
in um 1,8 milljarða króna í skaða-
bætur.
Sjónvarpsþættirnir sem um
ræðir eru Rockstar: Supernova,
sem Magni Ásgeirsson tók þátt í
á eftirminnilegan hátt, og Tommy
Lee Goes to College. Stubner er
einn af þremur umboðsmönnum
Mötley Crue auk þess sem hann
starfar sem umboðsmaður Lee.
Samkvæmt málshöfðuninni voru
hinir „misheppnuðu“ sjónvarps-
þættir hluti af leynimakki um að
kynna verk Lee á kostnað hljóm-
sveitarinnar. Stubner hafi fengið
hærri umboðslaun fyrir sólófer-
il Lee og því lagði hann áherslu á
hann í stað hljómsveitarinnar.
Mötley höfðar mál
Hljómsveitirnar Metallica, Kasa-
bian og Pussycat Dolls hafa bæst í
hóp þeirra sem koma fram á Live
Earth-tónleikum í London í sumar.
Á meðal fleiri þekktra nafna sem
troða upp má nefna Madonnu,
Beastie Boys, Damien Rice, Foo
Fighters og Red Hot Chili Peppers.
„Ég elska syni mína og ég vil að
þeir erfi jörðina án nokkurra vand-
kvæða,“ sagði Lars Ulrich, tromm-
ari Metallica. „Ég vil að breyt-
ingar verði gerðar svo heimurinn
verði öruggur fyrir syni mína.“
Alls verða Live Earth-tónleikar
haldnir í níu borgum hinn 7. júlí til
að vekja athygli á umhverfismál-
um.
Metallica á Live Earth
Við þökkum öllum þeim sem fögnuðu
með okkur opnun álversins þann 9. júní.
Við erum afar ánægð með hversu vel tókst til
og staðráðin í að gera okkar besta svo álverið
megi verða lyftistöng fyrir fjölbreytt atvinnu-
og mannlíf á Austurlandi um ókomna tíð.
KRINGLAN I SMÁRALIND I DEBENHAMS
www.oasis-stores.com