Fréttablaðið - 14.07.2007, Side 66

Sparkspekingar hafa
mikið rýnt í hvað sé að hjá KR í
sumar og hefur ýmislegt verið
talið upp í þeim efnum. Eitt af því
sem klárlega er að hjá KR er að
Teitur Þórðarson finnur ekki réttu
blönduna í byrjunarliðið en aðeins
þrír leikmenn hafa alltaf verið í
byrjunarliði Teits það sem af er
Íslandsmóti.
Oft er talað um að nauðsynlegt
sé fyrir þjálfara að finna byrjunar-
liðið sitt og því minni breytingar
sem þjálfarinn þurfi að gera, því
betra. Það sjáum við á liðum eins
og Val og FH þar sem sjaldan er
hróflað við byrjunarliði og þá lítið
og helst ekki nema af illri
nauðsyn.
Teitur hefur aftur á móti gert 22
breytingar í fyrstu 9 leikjum
Landsbankadeildarinnar og aðeins
Gunnlaugur Jónsson, Pétur Mart-
einsson og Skúli Jón Friðgeirsson
hafa verið í byrjunarliði KR í þess-
um leikjum. Grétar Hjartarson
var í byrjunarliðinu fyrstu átta
leikina og kom af bekknum í þeim
níunda. Björgólfur Takefusa og
Guðmundur Reynir Gunnarsson
koma næstir á blaði.
Athygli vekur að nýju mennirn-
ir Atli Jóhannsson og Óskar Örn
Hauksson hafa aðeins komið við
sögu í fimm leikjum. Jóhann Þór-
hallsson hefur tvisvar verið í byrj-
unarliðinu og fór af velli í bæði
skiptin en sex sinnum hefur hann
setið á bekknum.
Teitur finnur ekki réttu blönduna hjá KR
Knattspyrnusamband
Chile tók hart á því þegar sex
landsliðsmenn fóru út á lífið í
miðri Suður-Ameríkukeppninni í
fótbolta.
Leikmennirnir sem um ræðir
drukku sig blindfulla og brutu
síðan allt og brömluðu þegar þeir
komu til baka á hótelið. Meðal
þeirra var fyrirliði liðsins, Jorge
Vargas, en í kjölfarið tapaði Chile
6-1 fyrir Brasilíu í átta liða
úrslitum keppninnar.
Allir leikmennirnir voru settir
á svartan lista og mega ekki taka
þátt í næstu 20 landsleikjum. Þeir
fá heldur enga bónusa fyrir
árangur liðsins í Suður-Ameríku-
keppninni og enginn þeirra má
bera fyrirliðaband Chile það sem
eftir lifir af landsliðsferli þeirra.
Landsliðsþjálfari Chile, Nelson
Acosta, sagði síðan upp störfum
eftir keppnina.
Dýr drykkja hjá
Chile-mönnum
Einar Daði
Lárusson náði sjöunda sætinu í
áttþraut á heimsmeistaramóti
ungmenna 17 ára og yngri í
áttþraut sem fram fer í Ostrava í
Tékklandi.
Þetta er besti árangur sem
íslenskur unglingur hefur náð á
heimsmeistaramóti 17 ára og
yngri hingað til og þetta er
jafnframt besti árangur Norður-
landabúa í áttþraut 17 ára og
yngri, en fyrir tveimur árum varð
Norðmaður í 8. sæti á mótinu með
5.927 stig.
„Maður stefnir alltaf hátt en
þetta gekk næstum því eins og í
sögu. Ég er mjög glaður með
þetta,“ sagði Einar Daði, sem hlaut
samtals 5.999 stig í áttþrautinni og
bætti eigið Íslandsmet í
drengjaflokki um 205 stig, en það
var 5.794 stig frá því í vor, þegar
hann náði lágmarki fyrir mótið.
Sigurvegarinn Shane Braith-
waite frá Barbados hlaut 262
stigum meira en Einar, eða 6.261
stig, en hann var 145 stigum frá
sjötta sætinu. „Einar er að stimpla
sig sem einn af efnilegustu
tugþrautarköppum heims,“ sagði
þjálfari hans, Þráinn Hafsteinsson,
í samtali við Fréttablaðið í gær.
„Einar náði persónulegum
metum í sex greinum af átta, sem
er alveg frábært á svona móti þar
sem svona mikið liggur við. Hann
sýnir að hann er góður í að einbeita
sér og er svona stórmótatýpa,“
bætir Þráinn við. Einar sjálfur
var mjög ánægður en sagði að
litlu hefði munað að illa færi í
upphafi.
„Þrautin byrjaði svakalega vel
og ég bætti mig í 100 metra hlaupi
en síðan gerði ég tvisvar ógilt í
langstökki.
Ég rétt náði að bjarga mér og
gera gilt í síðasta stökkinu og það
munaði mjög litlu að ég hefði
klúðrað þrautinni þar,“ sagði Einar
en lokastökkið bjargaði ekki bara
langstökkinu heldur setti hann
persónulegt met með því að
stökkva 7,05 metra.
Þráinn var himinlifandi með
sinn mann. „Hann er búinn að vera
hjá mér síðan hann var þrettán
ára. Hann kom á æfingu á fyrsta
degi og ég prófaði hann í 100 metra
og 400 metra hlaupi og þá sá
maður strax hvers konar efni var
þarna á ferðinni. Hann hefur unnið
jafnt og þétt í því að verða betri og
það er að skila árangri. Maður átti
eftir að sjá hvernig hann ynni sig
út úr pressunni á stórmóti og mér
fannst alveg frábært að sjá hversu
vel hann stóð sig undir pressu á
móti öllum bestu strákunum í
heiminum,“ sagði Þráinn.
Einar Daði var aðeins einu stigi
frá því að ná 6.000 stigum og það
var smá mínus við annars frábært
mót. „Í þúsund metra hlaupinu
munaði aðeins tveimur hundraðs-
hlutum að ég næði í þetta eina stig
sem mig vantaði upp í 6000. Sex
þúsund stiga múrinn er bara
eitthvað sem ég stefni á að brjóta
seinna,“ segir Einar Daði að
lokum.
ÍR-ingurinn Einar Daði Lárusson náði 7. sætinu í áttþraut á Heimsmeistaramóti 17 ára og yngri. Það er
ekki aðeins besti árangur Íslendings heldur einnig sá besti sem Norðurlandabúi hefur náð í greininni.
Metaðsókn hefur verið á
leiki Landsbankadeildar karla það
sem af er sumri en 58.778 mættu
á leiki fyrri umferðar, eða 1.306
að meðaltali í leik.
Eftir níu umferðir í fyrra höfðu
48.679 áhorfendur séð leikina, eða
1.082 að meðaltali. Aðsókn hefur
því aukist um 20,7 prósent. Í
fyrra var sett aðsóknarmet þegar
98.026 áhorfendur mættu á
leikina í Landsbankadeildinni.
Fyrir yfirstandandi tímabil var
stefnan sett á að bæta metið og
rjúfa 100.000 áhorfenda múrinn í
Landsbankadeildinni. Ef fram
heldur sem horfir er ljóst að
góðar horfur eru á að bæta metið.
Flestir hafa farið á leiki KR,
eða 1.829 áhorfendur að meðal-
tali, næst koma FH-ingar með
1.763 áhorfendur og Fylkismenn
koma þar á eftir með 1.499
áhorfendur.
Tuttugu pró-
senta aukning
Heiðar Helguson féll enn
aftar í goggunarröðinni hjá
Fulham í gær þegar Lawrie
Sanchez, stjóri félagsins, bætti
enn einum framherja í hópinn.
Þá festi hann kaup á norður-
írska landsliðsframherjanum
David Healy frá Leeds fyrir eina
og hálfa milljón punda. Healy er
þriðji landsliðsmaður Norður-
Írlands sem Sanchez fær til
Fulham en hann þjálfaði
landsliðið áður en hann tók við
Fulham.
Sanchez hefur sagt Heiðari
Helgusyni að hann eigi ekki
framtíð fyrir sér hjá Fulham og
reyndi að selja hann til WBA á
dögunum en Heiðar neitaði að
fara.
Healy farinn til
Fulham
Los Angeles Galaxy
kynnti með miklu stolti nýjasta
liðsmann sinn í gær. Sá heitir
David Robert Joseph Beckham
eða bara David Beckham eins og
flestir þekkja hann. Athöfnin fór
fram á Home Depot-vellinum sem
er heimavöllur Galaxy-liðsins.
Eins og Bandaríkjamanna er
siður þá var athöfnin síður en svo
lágstemmd. Borgarstjóri Los
Angeles skellti sér til að mynda í
Beckham-treyju og veitti knatt-
spyrnumanninum viðurkenningu
eftir að hafa mært hann í bak og
fyrir. Borgarstjórinn er reyndar
ekki sá vinsælasti og var baulað á
hann þegar Alexi Lalas, fram-
kvæmdastjóri Galaxy, kynnti hann
til leiks.
Síðan var skrauti skotið út í
loftið líkt og gert er þegar
meistarar eru krýndir. Að þessu
sinni var það gert þegar Beckham
hélt á treyju Galaxy.
„Ég get ekki beðið eftir að æfa í
næstu viku og að spila minn fyrsta
leik. Ég er mjög þakklátur fyrir
þessa glæsilegu athöfn og það er
gaman að sjá alla stuðningsmennina
sem eru mættir. Ég hef allt mitt líf
leitað að áskorunum og spennandi
tækifærum. Ég tel að knattspyrna
í Bandaríkjunum geti verið jafn
góð og annars staðar í heiminum,“
sagði Beckham en ótrúlegur fjöldi
fjölmiðla fylgdist með athöfninni
sem var sýnd í beinni útsendingu
út um allan heim.
Don Garber, forseti bandarísku
MLS-deildarinnar, var augljóslega
stoltur af því að fá Beckham í
bandaríska boltann.
„Hingað til Los Angeles er
kominn einn þekktasti íþrótta-
maður heims. Það er ánægjulegt
að fá hingað slíkan íþróttamann,“
sagði Garber en þess má geta að
fyrsti leikur Beckhams með liðinu
er gegn Chelsea hinn 21. júlí.
Stuðningsmennirnir sem
fylgdust með höfðu takmarkaðan
áhuga á að hlusta á Alexi Lalas,
framkvæmdastjóra Galaxy, og
önnur fyrirmenni tala og kölluðu
nafn Beckhams í sífellu.
Beckham-æðið í Bandaríkjunum
er formlega hafið.
Rauða dreglinum rúllað út fyrir Beckham